میری محبت اس کے حوالے جس نے محبت پیدا کی

زندگی کی سب سے بڑی جذباتی ناکامی کے بعد کہی گئی ایک غزل۔ موت نہ آئے تو صبر ہی آتا ہے۔ جان نہ نکلے تو بھڑاس ہی نکلتی ہے! :):):)
ملاحظہ فرمائیے:

میری محبت اس کے حوالے جس نے محبت پیدا کی
گلیاں کوچے چھان چکا ہوں، تاب نہیں ہے صحرا کی

یاد نہیں ہے؟ تیرے بدلنے، میرے بدلنے کی باتیں
ایک زمانے میں لگتی تھیں باتیں اور ہی دنیا کی؟

باز آئے باز آئے میاں! ہم، تم سے ہمارا میل ہی کیا؟
سادہ لوح تھے، کرنے لگے تھے چالاکوں سے چالاکی

دیکھنے والو! دیکھتے رہنا، کرنے والے کر بھی گئے
تم نے گو کہ تماشا جانا، ہم نے گو کہ تمنا کی

دل کو لہو اب کرتا ہے راحیلؔ! کسی کی خاطر کون؟
ہم نے کیا اور شہر کی خلقت آنکھیں پھاڑ کے دیکھا کی

راحیلؔ فاروق
۲۰۱۰ء​
 
آخری تدوین:
کمال !!!
سب سے پہلے تو عنوان ہی اتنا زبردست ہے
"میری محبت اُس کے حوالے ، جس نے محبت پیدا کی"
:notworthy:
ہر شعر ہی بہت اچھا ہے اپنا حال بیان کرتا ہوا ، مگر حال اچھا نہیں ہے :skull:
اللہ تعالٰی آپ کو "چھوٹی" یا "بڑی" ہر طرح کی ناکامی سے بچائے رکھے ! آمین!!:embarrassed:
 

محمد وارث

لائبریرین
خوب غزل ہے قبلہ۔

آپ نے ساتھ نوٹ چپکا دیا، اب بندہ آپ کو دعا بھی نہیں دے سکتا کہ ایسی تخلیقات کے لیے اللہ آپ کو "جذباتی ناکامیوں" سے دو چار کرتا رہے، ہائے ہائے :)
 

ہادیہ

محفلین
میری محبت اس کے حوالے جس نے محبت پیدا کی
واہ
کیا آغاز ہے۔۔ سبحان اللہ
غضب کے الفاظ۔قاری کو متوجہ کرنے والے اس سے زیادہ خوبصورت الفاظ کا انتخاب اور استعمال شاید ہی کسی نے کیا ہو۔ زبردست
اللہ آپ کی ناکامی کو کامیابی میں بدل دے۔آمین۔
 

نایاب

لائبریرین
واہہہہہہہہہہہہہہ
بلاشبہ خوب کہی ہے غزل
دل کو لہو اب کرتا ہے راحیلؔ! کسی کی خاطر کون؟
ہم نے کیا اور شہر کی خلقت آنکھیں پھاڑ کے دیکھا کی
یہ عشق ہے عجب کمال
ناکام ہوتے ہی اس کی حقیقت کھلتی ہے ۔
کامیاب ہوتے تو سزا بنتا ہے ۔۔۔۔۔۔۔۔۔
ہم پر تو کچھ ایسی ہی گزری ہے لوگو ۔۔۔۔۔۔۔
بہت سی دعاؤں بھری داد
ڈھیروں دعائیں
 

محمداحمد

لائبریرین
ہائے ہائے !

کیا غزل ہے۔ ایک ایک شعر سچا موتی!

دل سے جو بات نکلتی ہے اثر رکھتی ہے۔

اس غزل پر کیا تحسین کی جائے بھلا! اس کی تحسین کا حق ہم سے تو ادا نہیں ہو سکتا۔

اللہ آپ کو شاد آباد رکھے اور زندگی میں ڈھیروں خوشیاں اور محبتیں عطا فرمائے۔ آمین۔
 
یہاں تھوڑی سی خود غرضی دکھاؤں گا.
واہ واہ تابش میاں، بہت خوب. خوش قسمت ہو جو ایسی شاعری شاعر کے ہی ہاتھوں میسر آ رہی ہے. راحیل میاں سے بات چیت کرنے کا شرف حاصل ہے اور ملاقات کی امید بھی ہے.
 

اے خان

محفلین
یہ عزل بار بار پڑھی۔اور بار بار دل نے چاہا،کہ بار بار پڑھتا رہوں۔
عمدہ عزل ہے۔
ہماری طرف سے آپ کے لئے نیک خواہشات اور ڈھیر ساری دعائیں۔۔۔۔
 

فاخر رضا

محفلین
ماشاء اللہ
عشق میں ناکامی پر افسوس کروں یا ناکامی کے بعد کہی گئی غزل کی تعریف.
میرے خیال میں ماشاءاللہ ہی ٹھیک ہے
 
کاش کے کلامِ شاعر بہ زبانِ شاعر سننے کی سعادت بھی مل جاتی


اردو محفل سالانہ عالمی اردو مشاعرہ 2016

مندرجہ بالا لِنک پر کلِک کریں. اُس صفحے پر کلامِ شاعر بذبانِ شاعر موجود ہے. لطف اُٹھائیے اور مجھے دعائیں بھی دیجئے.
 

فاخر رضا

محفلین
Top