غزل قاضی
محفلین
مِرے زخمی ہونٹ
نشّہ جس وقت بھی ٹوٹے گا، کئی اندیشے
صُبح ِ لب بَستہ کے سینے میں اُتر آئیں گے
محفل ِ شعلہء شب تاب کے سارے لمحے
راکھ ہو جائیں گے، پلکوں پہ بکھر جائیں گے
ریت در آئے گی سُنسان شبستانوں میں
اور بگولے پس ِ دیوار نظر آئیں گے
اس سے پہلے کہ یہ ہو جائے، مرے زخمی ہونٹ
میں یہ چاہوں گا کہ بےلحن و صدا ہو جائیں
میں یہ چاہوں گا کہ بجھ جائے مری شمع ِ خیال
اِس سے پہلے کہ سب احباب جُدا ہو جائیں
اِس لیے مجھ سے نہ پوچھو کہ صف ِ یاراں میں
کیوں یہ دل بے ہُنر و حسن و تمیز اِتنا ہے
اور اے دیدہ ورو ! یہ بھی نہ پوچھو کہ مجھے
ساغر ِ زہر بھی کیوں جاں سے عزیز اتنا ہے
کراچی ۱۹ مئی ۶۹
مصطفیٰ زیدی
( از کوہ ِ ندا )
نشّہ جس وقت بھی ٹوٹے گا، کئی اندیشے
صُبح ِ لب بَستہ کے سینے میں اُتر آئیں گے
محفل ِ شعلہء شب تاب کے سارے لمحے
راکھ ہو جائیں گے، پلکوں پہ بکھر جائیں گے
ریت در آئے گی سُنسان شبستانوں میں
اور بگولے پس ِ دیوار نظر آئیں گے
اس سے پہلے کہ یہ ہو جائے، مرے زخمی ہونٹ
میں یہ چاہوں گا کہ بےلحن و صدا ہو جائیں
میں یہ چاہوں گا کہ بجھ جائے مری شمع ِ خیال
اِس سے پہلے کہ سب احباب جُدا ہو جائیں
اِس لیے مجھ سے نہ پوچھو کہ صف ِ یاراں میں
کیوں یہ دل بے ہُنر و حسن و تمیز اِتنا ہے
اور اے دیدہ ورو ! یہ بھی نہ پوچھو کہ مجھے
ساغر ِ زہر بھی کیوں جاں سے عزیز اتنا ہے
کراچی ۱۹ مئی ۶۹
مصطفیٰ زیدی
( از کوہ ِ ندا )