صبا اکبر آبادی موڑ لو دل کو مدینے کی طرف - صبا اکبر آبادی

[کاشفی]

نعت رسول اللہ صلی اللہ علیہ وآلہ وسلم
(صبا اکبر آبادی)

موڑ لو دل کو مدینے کی طرف
اب چلو یارو مدینے کی طرف

شوق بے پایاں سے جو لرزاں‌ہوں
لے چلو مجھ کو مدینے کی طرف

حج بیت اللہ سے فارغ‌ہوئے
آؤ اب دوڑو مدینے کی طرف

ہر طرف سے خود ہی دل پھر جائے گا
دیکھنا لوگو مدینے کی طرف

صدق دل سے طواف کعبہ کر لیا
اور اب آؤ مدینے کی طرف

ہر کہیں جانا ضروری تو نہیں
جاؤ تو جاؤ مدینے کی طرف

آنے والی ہے مدینے سے ہوا
کر کے رُخ بیٹھو مدینے کی طرف

ہے یہاں تو بیقراری ہر گھڑی
ہے سکوں یاروں مدینے کی طرف

دل وہیں ہوگا وہیں مل جائے گا
آکے دیکھو تو مدینے کی طرف

تم صبا کو ڈھونڈنے نکلو اگر
پاؤ گے اس کو مدینے کی طرف​

 

[شاہ حسین]

بہت خوب جناب ۔

جزاک اللہ ۔

 

[اشتیاق علی]

آقا صلی اللہ علیہ وآلہ وسلم کی نعت بہت ہی پیار ہے۔ ما شا اللہ