مومن کے مشہور شعر کی تقطیع

[محمد امین]

مجھے علم نہیں کہ میں صحیح دھاگے میں پوسٹ کر رہا ہوں یا نہیں۔۔ بس لیٹے لیٹے خیال آیا تھا اور پہلی مرتبہ کسی شعر کی تقطیع کرنے کی کوشش کی۔

تم مرے پاس ہوتے ہو گویا،
جب کوئی دوسرا نہیں ہوتا۔

تم مرے: فاعلن
پاس ہو: فاعلن
تِ ہو گویا: مفاعیلن
-----------------------
جب کُ ای: فاعلن
دوسرا: فاعلن
نہی ہوتا: مفاعیلن


اعجاز انکل اور وارث بھائی نظر فرمائیے گا، بحر کا نام جاننے کی جستجو ابھی نہیں کی میں نے۔۔ وہ بھی بتا دیجئے گا۔

 

[الف عین]

ایک لحاظ سے غلط تو یہ بھی نہیں ہے!! لیکن فاعلن اور مفاعیلن کا اےفاق سے کوئی جوڑ نہیں ہوتا۔۔
اس کی بحر
ماعلاتن مفاعلن فعلن
ہے
تم مرے پا۔۔ فاعلاتن
س ہوتہو (ہوتے کی ے گرے گی)،، مفاعلن
گویا۔۔ فعلن

 

[مغزل]

بہت شکریہ بابا جانی ۔ امین تمھارا بھی شکریہ

 

[محمد امین]

بہت بہت شکریہ۔ یہ بات سیکھنے کو ملی کہ کوئی کلام مختلف اوزان پر بھی ہوسکتا ہے مگر ضروری نہیں کہ جو وزن ہم سمجھ رہے ہوں وہ مستعمل بھی ہو۔۔۔

 

[خرم شہزاد خرم]

محمد امین بھائی بہت خوب اچھی کوشش ہے اسی طرح کوشش کرتے رہے گے تو کچھ سیکھنے کو ملے گا ورنہ

 

[محمد وارث]

امین صاحب اس خوبصورت بحر کا نام بحرِ خفیف ہے، مزید معلومات کیلیے یہ دو ربط دیکھیے:

ایک خوبصورت بحر - بحرِ خفیف (اس ناچیز کا مضمون)
بحرِ خفیف (اصلاحِ سخن کا موضوع)