غزل قاضی
محفلین
منزل منزل
آج کیوں میرے شب و روز ہیں محرُوم ِ گُداز
اَے مِری رُوح کے نغمے مِرے دِل کی آواز
اِک نہ اِک غم ہے نشاطِ سحروشام کے ساتھ
اَور اِس غم کا مفہُوم نہ مقصد نہ نہ جَواز
مَیں تو اِقبال کی چوکھٹ سے بھی مایُوس آیا
میرے اَشکوں کا مداوا نہ بدخشاں نہ حِجاز
چند لمحوں سے تمنّا کہ دوامی بن جائیں
ایک مرکز پہ رہے سُرخ لہُو کی ہلچل
کبھی ہر گام پہ ٹھوکر ، کبھی منزل منزل
اَے جہانِ گزراں ایک سے انداز پہ چل
دِن کو مہکی ہُوئی رُت ، شام کو تپتی ہوئی ریت
زِندگی اَیسے طِلسمات کے حلقے سے نِکل
کہِیں ہر لمحہ لگاوٹ ، کہِیں ملنے سے گُریز
دلِ محبوب نما اور سنبھل اور سنبھل
اَور کہیں یہ ۔۔۔ کہ اگر ایک پلک بھی ٹہرے
کوئی لمحہ ۔۔۔ تو ہر اک سانس گراں ہو جائے
اگر اک گُلشنِ بےخار رہے دامنِ وقت
یہ جہانِ گُزراں ریگِ رواں ہو جائے
ایسا مذہب کہ خود اُس وَجہ تعالیٰ سے گریز
ایسا اِلحاد کہ سجدے میں نہاں ہو جائے
اَے مِری رُوح کے نغمے، مِرے دِل کی آواز
لُطفِ شب تاب یہی رقصِ شرر ہو شاید
کِتنے کوسوں کوئی منزِل نہ نشانِ منزِل
جُستجو ہی کوئی عِرفانِ سفر ہو شاید
کوئی اِلحاد میں نازاں کوئی اِیمان میں گُم
کبھی اِس دیدۂ و دِل کی بھی سَحَر ہو شاید
میری راتوں میں نہاں ہو نئے سورج کی کرِن
کم نِگاہی میں ہی پوشِیدہ نظر ہو شاید
(مصطفیٰ زیدی از قبائے سَاز )
آج کیوں میرے شب و روز ہیں محرُوم ِ گُداز
اَے مِری رُوح کے نغمے مِرے دِل کی آواز
اِک نہ اِک غم ہے نشاطِ سحروشام کے ساتھ
اَور اِس غم کا مفہُوم نہ مقصد نہ نہ جَواز
مَیں تو اِقبال کی چوکھٹ سے بھی مایُوس آیا
میرے اَشکوں کا مداوا نہ بدخشاں نہ حِجاز
چند لمحوں سے تمنّا کہ دوامی بن جائیں
ایک مرکز پہ رہے سُرخ لہُو کی ہلچل
کبھی ہر گام پہ ٹھوکر ، کبھی منزل منزل
اَے جہانِ گزراں ایک سے انداز پہ چل
دِن کو مہکی ہُوئی رُت ، شام کو تپتی ہوئی ریت
زِندگی اَیسے طِلسمات کے حلقے سے نِکل
کہِیں ہر لمحہ لگاوٹ ، کہِیں ملنے سے گُریز
دلِ محبوب نما اور سنبھل اور سنبھل
اَور کہیں یہ ۔۔۔ کہ اگر ایک پلک بھی ٹہرے
کوئی لمحہ ۔۔۔ تو ہر اک سانس گراں ہو جائے
اگر اک گُلشنِ بےخار رہے دامنِ وقت
یہ جہانِ گُزراں ریگِ رواں ہو جائے
ایسا مذہب کہ خود اُس وَجہ تعالیٰ سے گریز
ایسا اِلحاد کہ سجدے میں نہاں ہو جائے
اَے مِری رُوح کے نغمے، مِرے دِل کی آواز
لُطفِ شب تاب یہی رقصِ شرر ہو شاید
کِتنے کوسوں کوئی منزِل نہ نشانِ منزِل
جُستجو ہی کوئی عِرفانِ سفر ہو شاید
کوئی اِلحاد میں نازاں کوئی اِیمان میں گُم
کبھی اِس دیدۂ و دِل کی بھی سَحَر ہو شاید
میری راتوں میں نہاں ہو نئے سورج کی کرِن
کم نِگاہی میں ہی پوشِیدہ نظر ہو شاید
(مصطفیٰ زیدی از قبائے سَاز )
