ملک زادہ منظور احمد ::::: شمع کی طرح شبِ غم میں پِگھلتے رہیے ::::: Malikzada Manzoor Ahmad

[طارق شاہ]

غزل
ڈاکٹر ملک زادہ منظور احمد

شمع کی طرح شبِ غم میں پِگھلتے رہیے
صُبح ہو جائے گی جلتے ہیں تو جلتے رہیے

وقت چلتا ہے اُڑاتا ہُوا لمحات کی گرد
پیرہن فکر کا ہے، روز بدلتے رہیے

آئینہ سامنے آئے گا تو سچ بولے گا
آپ چہرے جو بدلتے ہیں، بدلتے رہیے

آئی منزِل تو قدم آپ ہی رُک جائیں گے
زِیست کو راہِ سفر جان کے چلتے رہیے

صُبح ہو جائے گی تو ہاتھ آ نہ سکے گا مہتاب
آپ اگر خواب میں چلتے ہیں، تو چلتے رہیے

عہدِ اِمروز ہو، یا وعدۂ فردا منظوُر
ٹوٹنے والے کِھلونے ہیں بدلتے رہیے

ڈاکٹر ملک زادہ منظور احمد
لکھنؤ، انڈیا ​

 

[عباس آزر]

آئینہ سامنے آئے گا تو سچ بولے گا
آپ چہرے جو بدلتے ہیں، بدلتے رہیے
آئی منزِل تو قدم آپ ہی رُک جائیں گے
زِیست کو راہِ سفر جان کے چلتے رہیے
​

صُبح ہو جائے گی تو ہاتھ آ نہ سکے گا مہتاب
آپ اگر خواب میں چلتے ہیں، تو چلتے رہیے​

​

عہدِ اِمروز ہو، یا وعدۂ فردا منظوُر
ٹوٹنے والے کِھلونے ہیں بدلتے رہیے​

تاریخی الفاظ ہیں لاجواب شیئرنگ بہت بہت شکریہ