ملتان میں ایک دن (ستمبر 2010)

[اسد]

پچھلے مہینے میں ہم لوگ ایک شادی میں شرکت کرنے ملتان گئے، وہاں کی کچھ تصویریں۔

ہم لوگ 16 تاریخ کی دوپہر کو لاہور سے روانہ ہوئے اور شام کے وقت ملتان پہنچے، ٹھہرنے کا انتظام ایک گیسٹ ہاؤس میں تھا۔ اگلی صبح میں اپنے بھانجے کو ساتھ لے کر رکشہ پر، پرانے قلعہ گیا۔

قلعے میں حضرت شاہ رکن الدین عالمؒ اور حضرت بہا الدین زکریاؒ کے مزارات ہیں، قاسم باغ اور قاسم باغ کرکٹ سٹیڈیم ہے۔ مزارات پر دکانیں نہیں ہیں اور صرف کبوتروں کا دانہ فروخت ہوتا ہے۔ کھانے پینے کی دکانیں یا ہوٹل بھی نہیں ہیں، ایک یا دو کیبن ہیں جن میں بوتلیں اور بسکٹ اور چپس وغیرہ فروخت ہوتے ہیں۔

قلعہ کا گیٹ، تصویر اندر سے لی گئی ہے۔

حضرت شاہ رکن الدین عالمؒ کے مزار کا بغلی دروازہ۔

حضرت شاہ رکن الدین عالمؒ کا مزار۔

مزار کے صحن میں کبوتر۔

 

[اسد]

مزار کی تین مزید تصاویر۔

مزار سے نظر آنے والی ایک عمارت، غالباً مسجد۔

 

[اسد]

حضرت بہا الدین زکریاؒ کے مزار کی تصاویر۔

مزار کے احاطے میں موجود ایک قبر۔

مزار کا صدر دروازہ۔

بغلی دروازہ۔

مزار کے احاطے میں موجود مسجد۔ جمعے کی وجہ سے مساجد میں شامیانے نصب تھے اس لئے مساجد کی واضح تصاویر نہ لے سکا۔

 

[اسد]

حضرت بہا الدین زکریاؒ کے مزار کے ساتھ واقع ایک عمارت کا کھنڈر۔

قاسم باغ۔

قاسم باغ میں دو برطانوی افسروں کی قبروں پر بنی یادگار۔ ان افسروں کو 1848 میں قتل کیا گیا تھا اور 1849 میں ملتان پر برطانوی فوجوں نے قبضہ کر لیا۔

قاسم باغ سے قاسم باغ سٹیڈیم کا ایک منظر۔

قلعے میں پولیس کے ایک دفتر کے باہر نصب توپ۔

ملتان کا گھنٹہ گھر، قلعے سے کھینچی ہوئی تصاویر۔ پسِ منظر میں سٹیٹ بینک کی سفید عمارت نظر آ رہی ہے۔

 

[اسد]

ابھی ہمیں حضرت شمس الدین ولی سبزواریؒ کے مزار پر جانا تھا لیکن بھوک بہت لگ رہی تھی اس لئے ہم قلعے سے نکل کر گھنٹہ گھر کی طرف گئے اور وہاں ایک ہوٹل میں ناشتہ کیا۔

قلعے کے گیٹ پر کبوتروں کے لئے بکنے والا دانہ۔

کبوتر۔

گھنٹہ گھر۔

 

[اسد]

حضرت شمس الدین ولی سبزواریؒ کا مزار۔ تصویر باہر سے لی گئی ہے کیونکہ مزار کا صحن کافی چھوٹا ہے اور وہاں سے عمارت کی تصویر لینا مشکل ہے۔

مزار کے برآمدے کی چھت۔

مزار کا سامنے کا برآمدہ۔

قلعے سے مزار کا منظر۔

مزار کے باہر بکنے والے مٹی کے چراغ وغیرہ۔

ملتان میں بھی پٹرول نہیں مل رہا تھا۔

گھنٹہ گھر سے مزار کا فاصلہ تقریباً دو سے تین کلومیٹر ہے۔ حضرت شمس الدین ولی سبزواریؒ کے مزار سے نکل کر ہمارا ارادہ ملتان کے قدیم بازار حسین آگاہی جانے اور حافظ کا ملتانی سوہن حلوہ خریدنے کا تھا۔ لیکن مزار کے باہر ہی حافظ کے سوہن حلوے کی دکان تھی اور کیونکہ گرمی کی شدت میں کافی اضافہ ہو گیا تھا لہذا وہیں سے حلوہ خرید کر واپس گیسٹ ہاؤس چلے آئے۔

ہم صبح آٹھ بجے نکلے تھے اور تقریباً سوا گیارہ بجے واپس پہنچ گئے۔ جمعے کی نماز کے بعد شادی میں شرکت کی اور سہپہر میں واپس روانہ ہو گئے۔

 

[شمشاد]

بہت شکریہ جناب کہ آپ نے اتنی ساری تصاویر شریک محفل کین۔

افسوس ہوتا ہے دیکھ کر کہ محکمہ آثار قدیمہ والے کہاں سوئے ہوئے ہیں جو یہ ورثہ ضائع ہو رہا ہے۔

 

[شہزاد وحید]

بہت بہت اچھی شئیرنگ ہے۔ میرا ایک دوست ملتان رہتا ہے۔ میں اس تھریڈ کا لنک اسے دیتا ہوں۔

 

[اسد]

افسوس ہوتا ہے دیکھ کر کہ محکمہ آثار قدیمہ والے کہاں سوئے ہوئے ہیں جو یہ ورثہ ضائع ہو رہا ہے۔

غالباً آپ کا اشارہ کھنڈر کی طرف ہے۔ میرے خیال میں اس عمارت کی ملکیت تصفیہ طلب ہو گی اسی لئے اس حالت میں ہے۔ ملتان میں محکمہ آثار قدیمہ کے آثار نظر نہیں آئے، مزارات غالباً محکمہ اوقاف کے ذمے ہیں، پارک پی ایچ اے یا میونسپیلٹی کے اور توپ پولیس والوں کے۔

گھنٹہ گھر میں ضلعی انتظامیہ کے دفاتر ہیں۔ سنا ہے کہ اب اسے میوزیم بنایا جائے گا۔ آج کل ملتان وزیرِاعظم کا شہر ہے لہذا بیک وقت 6 فلائی اوور تعمیر ہو رہے ہیں، بہت سی سڑکیں بن رہی ہیں اور دیگر تعمیراتی کام ہو رہے ہیں۔ لیکن مجھے محسوس ہوا کہ بعض جگہوں پر کام کی رفتار، عام پاکستانی سست رفتار سے بھی گئی گزری ہے۔ شاید ٹھیکیدار اس انتظار میں ہیں کہ حکومت بدل جائے یا اپنی میعاد پوری کر لے۔

 

[جیلانی]

اسد ۔۔۔۔ آپ کی اس عمدہ شئیرنگ کا شکریہ ۔۔۔۔ بہت خوب جناب ۔۔۔

 

[mrkk]

بہت زبردست شیئرنگ!!!!!جزاک اللہ

ریاض