مشاعرے کیلئے رہنمائی درکار ہے

[فرحان عباس]

السلام علیکم۔
ہمارے ادارے میں ٹرینگ ختم ہونے پر جونیئر پیئر ویل پارٹی دے رہے ہیں۔ جس میں سب کچھ نہ کچھ پرفوم کرینگے میں شاعری پرفوم کرنا چاہتا ہوں۔ لیکن پہلے کبھی مشاعرے میں شرکت نہیں کی۔ مجھے آپ سب کی رہنمائی درکا ہے، میں مندرجہ زیل غزلیں پڑھنا چاہتا ہوں،
اور اس کے بیچ بیچ کیا بولنا چاہئے
الف عین اور باقی دوست بھی بتائیں گائیڈ کردیں شکریہ۔ کل پرفوم کرنا ہے​

اول

یاروں کی کیا ادا ہے کہ ظلم وجفا کے بعد
پھر معذ رت بھی کرتے ہیں فوراََ خطا کے بعد​

چارہ گرو ں نے مجھ کو یہ نسخہ ہے اب دیا
ملتا رہوں میں روز ہی تم سے شفا کے بعد

تو نے بنایا مجھ کومحمدﷺ کا امتی
کچھ اور کیسے مانگو میں اب اس عطا کے بعد

ہے کامیابی اس میں یقیناََمری اگر
میری رضا ہمیشہ ہو تیری رضا کے بعد

رکھا تھا راہ ِعشق میں کس شان سے قدم
کیوں اٹھ گیا یقیں ترا اک بے وفا کے بعد

بہتر ہے ایسی جیلوں سے مجرم کھلے پھریں
مجرم بگڑتا ہو جہاں اور بھی سزا کے بعد

فرحت سی آ گئی ہے طبیعت میں پھر مری
ہلکا ہوا ہے دل مرا ! قتلِ انا کے بعد

مشرق کو ہے پسند ! مَرَض مغربی مگر​

سن لو بچے گا کچھ نہیں مرگِ حیا کے بعد​

دوم

عقل والوں میں کوئی ناداں نہ ہوتا
دنیا میں پھر جینا بھی آساں نہ ہوتا
.
خاک ہوتا، شعلہ بیاں اور شاعر
جان جاں گر تو دشمن جاں نہ ہوتا
.
قابو کرلیتے خواہشوں کو اگر ہم
غیر ہاتھوں میں یہ گریباں نہ ہوتا

کاش ہوتا عشق محمد میں فرحاں
عشق میں تیرا کوئی نقصاں نہ ہوتا​

سوم

"سامنے اپنے آئنہ رکھنا"
نام تب میرا بے وفا رکھنا
مسکراہٹ سے بات جب نہ بنے
روٹھ جانے کی تم ادا رکھنا
جو نہیں سنتا والدین کی بات
اس سے امید کوئی کیا رکھنا
آگے بڑھنا اگرہو چاہتے تو
یاد تم اپنی ابتدا رکھنا
جیتنے کیلئے ضروری ہے
ہار جانے کا حوصلہ رکھنا
چاہے چادر ہو جتنی بھی فرحاںؔ
دل ہمیشہ مگر بڑا رکھنا​

 

[الف عین]

یہ دوسری غزل کس بحر میں ہے؟ میری نظر سے تو نہیں گزری۔ پہلی اور تیسری غزل مشاعرے میں پڑھ سکتے ہو، یا جس تقریب میں بھی چاہو۔

 

[فرحان عباس]

دوسری غزل بحر خفیف میں ہے، فاعلاتن مستفعلن فاعلاتن۔ غیر مانوس بحر ہے۔

 

[شکیب]

کچھ درد ایسے ہوتے ہیں جو بہت کاری ہوتے ہیں، اور جس کا اثر ہماری روح تک پہنچتا ہے۔۔۔ لیکن اس سے بھی زیادہ درد اس وقت ہوتا ہے جب کوئی آپ سے اس تکلیف پر صرف Sorry کہہ کر آگے بڑھ جاتا ہے۔ ان کی اس سوری کے انداز پر گویا کسک دوگنا ہو جاتی ہے۔ اسی کو یوں کہنے کی کوشش کی ہے:
یاروں کی کیا ادا ہے کہ ظلم وجفا کے بعد
پھر معذ رت بھی کرتے ہیں فوراََ خطا کے بعد

بہتر ہے ایسی جیلوں سے مجرم کھلے پھریں
مجرم بگڑتا ہو جہاں اور بھی سزا کے بعد

مصرع ثانی مناسب نہیں لگا۔
مجرم بگڑ ت ہو جہا ار بھی سزا ک بعد
کیا خیال ہے چچا جان الف عین

اور اگر آپ کو اکبر الہ بادی کی شاعری کے رنگ سے واقف ہیں تو اس شعر سے صحیح معنوں میں محذوذ ہوں گے۔

مشرق کو ہے پسند ! مَرَض مغربی مگر
سن لو بچے گا کچھ نہیں مرگِ حیا کے بعد​

 

[فرحان عباس]

بہتر ہے ایسی جیلوں سے مجرم کھلے پھریں
مجرم بگڑتا ہو جہاں اور بھی سزا کے بعد

اس کا وزن تو مجھے ٹھیک لگتا ہے

 

[شکیب]

بہتر ہے ایسی جیلوں سے مجرم کھلے پھریں
مجرم بگڑتا ہو جہاں اور بھی سزا کے بعد

اس کا وزن تو مجھے ٹھیک لگتا ہے

• وزن پر کوئی اعتراض نہیں، البتہ تقطیع میں جس طرح حروف گر رہے ہیں وہ مناسب نہیں لگ رہا، اسی کی طرف سرخ حروف میں نشاندہی کی ہے۔