محمد حفیظ نے ون ڈے کرکٹ میں منفرد ریکارڈبنادیا۔

[محمد عدنان اکبری نقیبی]

پاکستان کرکٹ ٹیم کے سابق کپتان اور آل رانڈر محمد حفیظ نے ون ڈے کرکٹ میں منفرد ریکارڈ اپنے نام کر لیا ۔

محمد حفیظ نے اپنے ون ڈے کیریئر میں کل 1200 اوورز کئے، جن میں انہوں نے کوئی نو بال نہیں کی۔سری لنکا کیخلاف کھیلے گئے دوسرے ون ڈے میچ میں محمد حفیظ نے اپنے کوٹے کے مقررہ 10 اوورز میں 24 رنز کے عوض ایک وکٹ حاصل کی اور ٹیم کی جیت میں اہم کردار ادا کیا۔

محمد حفیظ پاکستان کی جانب سے 192 میچز کھیل چکے ہیں جن میں انہوں نے 135 وکٹیں حاصل کی ہیں، آف اسپنر بائیں ہاتھ کے بلے بازوں کیخلاف عمدہ بالنگ میں اپنی مثال آپ ہیں اور نئی گیند سے بھی بلے بازوں کو تگنی کا ناچ نچایا۔

ان کے کیرئیر کو زوال اس وقت آیا جب2015 میں ان پر بالنگ ایکشن کی وجہ سے ایک سال کیلئے گیند کرانے پر پابندی لگ گئی تاہم کئی سال بعد انہوں نے اپنے بالنگ ایکشن کو ٹھیک کیا اور اب وہ ٹیم کی کامیابی میں اپنی بالنگ سے اہم کردار ادا کررہے ہیں ۔
روزنامہ جنگ

 

[محمد وارث]

چلو جی، "پروفیسری" کسی کام تو آئی۔

 

[محمد تابش صدیقی]

نو بال سے یاد آیا کہ مشہورِ زمانہ اور بدنامِ زمانہ نو بال، عامر کی پہلی نو بال تھی۔

 

[ابن توقیر]

اب وقت آگیا ہے کہ محمد حفیظ کی شاندار پرفارمنس پر انہیں خراج تحسین پیش کرتے ہوئے، قوم کے لیے ان کی "مسلسل" خدمات پر انہیں آرام کا موقع دیا جائے۔یہ بہت مشکل فیصلہ ہوگا قوم کے لیے، مگر پروفیسر صاحب کو آرام دینے کی غرض سے، پی سی بی کو دل پر پتھر رکھ کر انہیں ریٹائر کردینا چاہیے تاکہ وہ اپنی زندگی جی سکیں۔یہ بھی ممکن نہیں ہے کہ ان کی جگہ کوئی پُرسکے مگر مجبوراً ہم کسی "ایویں ہی" کے ساتھ گزارا کرلیں گے۔

 

[محمد وارث]

اب وقت آگیا ہے کہ محمد حفیظ کی شاندار پرفارمنس پر انہیں خراج تحسین پیش کرتے ہوئے، قوم کے لیے ان کی "مسلسل" خدمات پر انہیں آرام کا موقع دیا جائے۔یہ بہت مشکل فیصلہ ہوگا قوم کے لیے، مگر پروفیسر صاحب کو آرام دینے کی غرض سے، پی سی بی کو دل پر پتھر رکھ کر انہیں ریٹائر کردینا چاہیے تاکہ وہ اپنی زندگی جی سکیں۔یہ بھی ممکن نہیں ہے کہ ان کی جگہ کوئی پُرسکے مگر مجبوراً ہم کسی "ایویں ہی" کے ساتھ گزارا کرلیں گے۔

یہ ویسا ہی پروفیسر ہے جیسا دیواروں پر لکھا ہوتا ہے، "پروفیسر حمید اللہ بنگالی عامل"۔