رضوان

محفلین
محمد ابراہیم ذوق (1789ء۔۔۔۔۔1854ء)

ذوق کا اصل نام محمد ابراہیم تھا اور ذوق تخلص کرتے تھے۔ غریب سپاہی محمد رمضان کے لڑکے تھے۔ دلی میں پیدا ہوئے۔اس زمانے میں شاہ نصیر دہلوی کا طوطی بول رہا تھا۔ ذوق بھی ان کے شاگرد ہو گئے۔ دل لگا کر محنت کی اور ان کی شاعرانہ مقبولیت بڑھنے لگی۔ بہت جلد علمی ادبی حلقوں میں ان کا وقار اتنا بلند ہو گیا کہ کہ قلعہ معلیٰ تک رسائی ہو گئی۔ اور خود ولی عہد بہادر شاہ ظفر ان کو اپنا کلام دکھانے لگے۔ شاہ اکبر ثانی نے ایک قصیدہ کے صلے میں ملک الشعراء خاقانی ہند کا خطاب مرحمت فرمایا۔ ذوق کو عربی فارسی کے علاوہ متعدد علوم موسیقی، نجوم، طب تعبیر خواب وغیرہ پر کافی دسترس حاصل تھی۔

احساسات کے تنوع اور جذبہ کا فقدان کو ان کی غزل کی اساسی صفت قرار دیا جاسکتا ہے۔ اسی لیے انہوں نے محض الفاظ کے سہارے شاعری کی۔ (اور جہاں تک ایسی شاعری کا تعلق ہے) خوب کی۔ اس آخری ہچکی تمدن کے افراد میں ذوق کی مقبولیت کی سب سے بڑی وجہ ہی اشعار کا فکر سے پاک ہونا ہے۔ بس چلتی باتیں ہیں جنہیں محاورات کی چاشنی اور زور بیان سے ذود ہضم بنانے کی سعی ملتی ہے۔ ذوق پر گو تھے اور اردو زبان میں محاورات کی کمی نہیں۔ چنانچہ یہ احساس ہوتا ہے کہ ذوق نے تمام محاورات منظوم کرنے کی شرط باندھ رکھی ہے۔ فکر اورجذبہ کی کمی محاورات سے پوری کرنے کی کوشش ہی نہ کی بلکہ بعض اشعار دیکھ کر یوں محسوس ہوتا ہے گویا یہ صرف محاورہ بندی ہی کے لیے لکھے گئے۔ ویسے حسن و عشق کی واردات بھی ہیں اور تصوف اور اخلاقی پند بھی لیکن سب روایتی معلوم ہوتے ہیں۔ الغرض ان کے یہاں تاثیر کے علاوہ باقی سب کچھ مل سکتا ہے۔ حالانکہ غزلیں کافی سے زیادہ طویل ہیں۔

ان کی چند نمائندہ غزلیں درج ذیل ہیں۔

لائي حيات آئے ، قضا لے چلي چلے
اپني خوشي نہ آئے نہ اپني خوشي چلے

ھم عمر خضر بھي تو ھو معلوم وقت مرگ
ھم کيا رھے يہاں ابھي آئے ابھي چلے

ھم سے بھي اس بساط پہ کم ھوں گے بد وقمار
جو چال ھم چلے سو نہايت بري چلے

بہتر تو ھے يہي کہ نہ دنيا سے دل لگے
پر کي کريں جو کام نہ بے دل لگي چلے

ليلي کا ناقہ دشت ميں تاثير عشق سے
سن کر فغاں قيس بجائے حدي چلے

نازاں نہ ھو خرد پہ جوھونا ھے ھو وھي
دانش تيري نہ کچھ مري دانش وري چلے

دنيا نے کس کا راھ ميں ديا ھے ساتھ
تم بھي چلے چلو يونہي جب تک چلي چلے

جاتے ھوئے شوقميں ھے اس چمن سے ذوق
اپني بلا سے باد صبا اب کبھي چلے
 

رضوان

محفلین
معلوم جو ھوتا ھميں انجام محبت
ليتے نہ کبھي بھول کے ھم نام محبت

ھيں داغ محبت درم و دام محبت
مثردھ روز اڑا ديتا ھے وھ کرکے تصديق

ھر روز اڑا ديتا ھے وھ کرکے تصديق
دو چار اسير قفس دام محبت

مانند کباب آگے پہ گرتے ھيں ھميشہ
دل سوز ترے بستر آرام محبت

کاسہ ميں فلک کے نہ رھے نام کو زھر آب
دہر کہينچے اگر تشنہ لب جام محبت

کي جس سے رھ و سم محبت اسے مارا
پيغام قضا ھے ترا پيغام محبت

نے زھد سے ھے کام نہ زاھد سے کہ ھم تو
ھيں بادھ کش عشق و مئے جام محبت

ايمان کو گرو رکہ کے نہ يوں کفر کو لے مول
کافر نہو گرويدھ اسلام محبت

کہتي تہي وفا کناں نعش پہ مري
سونپا کسے تو نے مجھے ناکام محبت

معراج سمجھ ذوق تو قاتل کي سناں کو
چڑھ سر کے بل سے زينے پہ تا بام محبت
 

رضوان

محفلین
آنکھ اس پر جفا سے لڑتي ھے
جان کشتي قضا سے لڑتي ھے

شعلہ بھڑکے گے کيا بہلا سر بزم
شمع تجہ بن ھوا سے لڑتي ھے

قسمت اس بت سے جا لڑي اپنبي
ديکھو احمق خدا سے لڑتي ھے

صف مثرگان تري خدا کي پناھ
اک بلا ايک بلا سے لڑتي ھے

شور و غل قل يہ کيوں ھے دختر رز
کيا کسي آشنا سے لڑتي ھے

نگہ ناز اس کي عاشق سے
چھوٹ کس کس ادا سے لڑتي ھے

تيرے بيمار کے سر باليں
موت کيا کيا شفا سے لڑتي ھے

آج کہتے ھو کيا طبعيت کو
عشق ميں ابتدا سے لڑتي ھے

آج دنيا نے چلح کي کس دن
يہ لڑاکا سدا سے لڑتي ھے

تيري شمشير خوں کے چہينٹوں سے
چہينٹے آب بقا سے لڑتي ھے

ديکھو اس چشم مست کي شوخي
جب کسي پارسا سے لڑتي ھے

ذوق دنيا ھے مکر کا ميداں
نگہ اس کي دغا سے لڑتي ھے
 

رضوان

محفلین
اب تو گھبرا کے يہ کہتے ھيں کہ مرجائيں گے
مر کے بھي چين نہ پايا تو کدہر جائيں گے

تم نے ٹھرائي اگر غير کے گہر جانے کي
تو ارادے يہاں کچھ اور ٹھر جائيں گے

خالي اے چارھ گر ھوں گے بہت مرھم داں
پر مرے زخم نہيں ايسے کہ بہر جائيں گے

پہنچيں گے رھ گزر يار تلک کيوں کر ھم
پہلے جب تک دو عالم سے گزر جائيں گے

شعلہ آھ کو بجلي کي طرح چمکائوں
پت مجھے ڈر ھے کہ وھ ديکہ کے ڈر جائيں گے

ھم ھيں وھ جو کريں خون کا دعوي تجھ پر
بلکہ پوچہے گا خدا بھي تو مکر جائيں گے

آگ دوزخ کي بھي ھو جائے گي پاني پاني
جب يہ عاصي عرق شرم سے تر جائيں گے

نہيں پائے گا نشاں کوئي ھمار ھر گز
ھم جہاں سے روشن تير نظر جائيں گے

ذوق جو مدرسے کے بگڑے ھوئے ھيں ملا
ان کو مے خانے ميں لے آئو سنور جائيں گے
 

رضوان

محفلین
جان کے جي ميں سدا جينے کا ارمان ھي رھا
دل کو بھي ديکھ کيے ھہ بھي پريشان ھي رھا

بعد مرون بھي خيال چشم فتاں ھي رھا
سبزھ تربت مرا وقف گلستان ھي رھا

ميں ھميشہ عاشق پيچيدہ موباں ھي رھا
خاک پر روئيدہ ميرے عشق پيچاں ھي رھا

پستہ قدمي ھے کام غير ميں وھ لعل لب
پر مرےحق ميں تو سنگ زير دنداں ھي رھا

بندہ سکا مضمون نہ ھم سے اس دھان تنگ کا
ہاتھ اپنا فکر ميں زير زخنداں ھي رھا

جاھل منکر نہ آئے راھ پررمعجز سے بھي
جہل سے ابو جہل اپني نا مسلمان ھي رھا

پائوں کب نکلے رکاب حلقہ زنجير سے
تو سن وحشت ھمارا گرم جولاں ھي رھا

کب لباس دنيوي ميں چہپتے ھيں روشن ضمير
خانہ فانوس ميں بھي شعلہ عرياں ھي رھا

آدميت اور شے ھے علم ھے کچہ اور شے
کتنا طوطے کو پڑھايا پع وھ حيوان ھي رھا

جلوھ اےقاتل اگر تيرا نہيں حيرت فزا
ديدھ بسمل نے کيا ديکھا کہ حيران ھي رھا

حلقہ گيسو بے ديکھي کس کے رخسار کي تاب
شب مہ ھالہ نشين سرور گربياں ھي رھا

مدتوں دل اور پيکاں دونوں سينے ميں رھے
آخرش دل بہہ گيا خوں ھو کے پيکاں ھي رھا

اب کو ديکہا اس سے اور اس کو نہ ديکہا جوں نظر
وھ رھا آنکہوں ميں اور آنکہوں مے پہناں ھي رھا

آگے زلفيں دل ميں بستي تہيں اور اب آنکہيں تري
ملک دل اپنا ھميشہ کافرستاں ھي رھا

مجھ ميں اس ميں ربط ھے گويا برنگ بوئے گل
وھ رھا آغوش ميں ليکن گريزاں ھي رھا

دين و ايمان ڈھونڈت ھے ذوق کيا اس وقت
اب نہ کچھ ديں ھي رھا باقي نہ ايمان ھي رھا
 

رضوان

محفلین
ان سے کچھ وصل کا ذکر اب نہيں لانا اچھا
وہ جو کچھ کہيں تو تم بھي کہو جانا اچھا

تم نے دشمن ھے جو اپنا ھميں جانا اچھا
يار نادان س تو ھے دشمن دانا اچھا

پہول گل مھندي کے لالا نہ ہاتہوں ميں ملو
خون عاشق نہيں مرقد پہ بہانا اچھا

طائر جاں کے سوا کوچہ جاناں کي طرف
نامہ بر کون ھے جو کيجئے روانہ اچھا

طاق ابرو کے تصور ميں دل کہينچ نہ آھ
سمت کعبہ پر نہيں تيرلگانا اچھا

بدگمان ديکھوں کچھ اس ميں بھي نہ ڈليں رخنہ
روزن در سے نہيں آنکھ لڑانا اچھا

آتش عشق ھے سينہ ميں دبي ديکھ اے چشم
اب نہيں دامن مثگان کابلانا اچھا

بيٹھ رھ کرکے قناعت کہ بشکل مہ نو
چہوڑے آدھي تو نہيں ساري کو جانا اچھا

مرغ دل نگہ يار سے پوچھا اڑ کر
پھر بھي کہنا کہ لگاتے ھيں نشانہ اچھا

ياں تو دم ميں نہيں دم اور وھ ليے تيغ دو دم
کہتے ھيں ديکھو نہيں دم کا چرانا اچھا

طرہ شمشاد دکھاتا ھے تري زلفوں کو
لاوا رھ کہ يہي اس کو ھے شانا اچھا

ساقيا ابر ھے آيا تو بڑہا خم پر ھاتہ
کہ گھٹا ميں نہيں ہمت کا گہٹانا اچھا

جل کے گر قطرھ خون دل کا ھوا اشک آلود
تو نہيں نيمچہ مثرگاں سےگرانا اچھا

گردش عمر ميں تسبح سليماني کا
آج ايک ہاتھ لگا ھے مرے دانا اچھا

سامنے يار کے اے ذوق بہانا آنسو
ھے توچاھت کے جتانے کو بھانہ اچھا
 

رضوان

محفلین
مذکورہ تري بزم ميں کس کا نہيں آتا
پر ذکر ھمارا نہيں آتا نہيں آتا

جينا ھميں اصلا نظر اپنا نہيں آتا
گر آج بھي وھ رشک مسيحا نہيں آتا

کيا جانے اسے وھم ھے کيا ميرے طرف سے
جو خواب ميں بھي رات کو نہيں آتا

بيجا ھے ولا اس کے نہآنے کي شکايت
کيا کيجئے گا فرمائيے اچھا نہيں آتا

کس دن نہيں ھوتا قلق ھجر ھے مجھ کو
کس وقت مرا منہ کو کليجہ نہيں آتا

ھم رونے پہ آجائيں تو دريا ھي بہائيں
شبنم کي طرح سے ھميں رونا نہيں آتا

آنا ھے تو آجا کہ کوئي دم کي ھے فرصت
پھر ديکہئے آتا ھے دم يا نہيں آتا

ھستي سے زيادہ کچھ آرام عدم ميں
جو جاتا ھے يہاں سے وھ دوبارھ نہيں آتا

دنيا ھے وھ صياد کہ سب دام ميں اس کے
آ جاتے ھيں ليکن کوئي دانا نہيں آتا

جو کوچہ قاتل ميں گيا پھر وھ نہ آيا
کيا جانے مزہ کيا ھے کہ جيتا نہيں آتا

قسمت ھي سے لاچار ھوں اے ذوق و گرنہ
سب فن ميں ھوں ميں طاق مجہے کيا نہيں آتا
 

رضوان

محفلین
کيا مد نظر ہے ياروں سے تو کہے
گرمنہ سے نہيں کہتے اشاروں سے تو کہے

حال دل بےتاب کہا جائے تو ھم سے
گر کہئيے نہ لاکہوں سے ھزاروں سے تو کہے

کچھ سوز دل اپنا دل سوز کے آگے
فرصت ھو تو تپ غم کے حرارون سےتو کہے

موقف ھے گر دل کا شکار آن داد پر
تو پہلے کچھ ان مير شکاروں سے تو کہے

اس گوھر دنداں پہ اگر سوجھے کوئي بات
موري ت وھيں کيا مآل ستاروں سے تو کہے

جس راھ سے شانہ ھے گيا زلف رسا ميں
اس دستہ کو ان سينہ فگاروں سے تو کہئے

کہے نہ تنگ ظرف سے اے ذوق راز
کہہ کر اسے سننا ھو ھزاروں سے تو کہے
 

رضوان

محفلین
ھو ھجر مدتوں جو وصل ايک دم نصيب
کم ھو گا کوئي مجھ سا محبت ميں کم نصيب

ھوں ميري خاک کو جو تمھارے قدم نصيب
کھايا کريں نصيب کي جو ميرے قسم نصيب

بہتر ھيں لاکھ لطف وکرم سے ترے ستم
اپنے زھے نصيب کہھوں يہ ستم نصيب

ماھي ھوا يا ھو مادھ وھ دے ايک يا ھزار
بيداغ ھوں نہ دست فلک سے درم نصيب

ھے خوش نصيب عشق ميں اے ابوالہوس وھي
جس کو کہ غم پہ غم ھو الم پر الم نصيب

غافل جو غم کي آمد و شد سے نہود دے تو
ھر دم ھے تجھ کوسير وجود و عدم نصيب

سو بار جوں قلم ھو زباں شمع کي قلم
اک حرف ھو يا نہ مثل زبان قلم نصيب

مجنوں سياہ خميہ ليلي کے گرد پھر
اے خوف نصيب تجھ کو طواف حرم نصيب​
 

محمد وارث

لائبریرین
بشکریہ پیاسا صحرا


کون سا ہمدم ہے تیرے عاشقِ بے دم کے پاس
غم ہے اس کے پاس ہمدم- اور وہ ہے دم کے پاس​

ہم کو کیا ساقی، جو تھا جامِ جہاں بیں جم کے پاس
تیرا جامِ بادہ ہو -اور تو ہو اس پُر غم کے پاس

خط کہاں آغاز ہے پشتِ لبِ دلدار پر
ہیں جنابِ خضر آئے عیسیٰ ء مریم کے پاس​

مردمک کے پاس ہے یہ اشکِ خونیں کا ہجوم
یا دھرے یاقوت ہیں یہ دانۂ نیلم کے پاس؟

روح اس آتش بجاں کی بعدِ مردن جوں پتنگ
آئے گی اڑ کر چراغِ خانۂ ماتم کے پاس

کس کی قسمت ہے کہ زخمِ تیغِ قاتل ہو نصیب
جان سے جائیں- نہ جائیں گے مگر مرہم کے پاس

کیا مزے لے لے کے گل کھائیں اگر آجائے ہاتھ
یہ جو چھلا آپ کی انگلی میں ہے خاتم کے پاس​

زلف سے بے وجہ خطِ سبز ہم پہلو نہیں
ہے لہکتا عشق پیچاں سنبلِ پُر خم کے پاس​

واہ صیّادِ اجل اور واہ صیّادی کا پیچ
کھچ کے ہے اسفند یار آیا کہاں رستم کے پاس​

دیکھو فیّاضِ ازل نے کیا دیا آنکھوں کو فیض
کاسہ در کف ہو کے یم آتے ہیں ان کی نم کے پاس​

ہے جو قسمت میں تو دریا بھی کبھی ہو جائے گا
آ لگا ہے اپنا قطرہ بھی کنارِ یم کے پاس​

کر کے بحر و قافیہ تبدیل لکھ اور اک غزل
بیٹھ کوئی دم تو اے ذوق اور اس پُر غم کے پاس​
 

محمد وارث

لائبریرین
بشکریہ پیاسا صحرا

اسے ہم نے بہت ڈھونڈا نہ پایا
اگر پایا، تو کھوج اپنا نہ پایا

جس انساں کو سگِ دنیا نہ پایا
فرشتہ اس کا ہم پایا نہ پایا

مقدر پہ ہی گر سود و زیاں ہے
تو ہم نے یاں نہ کچھ کھویا، نہ پایا

سراغِ عمرِ رفتہ ہو - تو کیونکر؟
کہیں جس
کا نشاں نہ پایا

رہِ گم گشتگی میں ہم نے اپنا
غبارِ راہ بھی عنقا نہ پایا

رہا ٹیڑھا مثالِ نیشِ کژدم
کبھی کج فہم کو سیدھا نہ پایا

احاطے سے فلک کے - ہم تو کب کے
نکل جاتے - پر رستا نہ پایا

جہاں دیکھا - کسی کے ساتھ دیکھا
کبھی ہم نے تجھے تنہا نہ پایا

کہے کیا ہائے زخمِ دل ہمارا !
دہن پایا - لبِ گویا نہ پایا

کبھی تو اور کبھی تیرا رہا غم
غرض - خالی دلِ شیدا نہ پایا

نظیر اس کا کہاں عالم میں! اے ذوق
کہیں ایسا نہ پائے گا - نہ پایا
 

محمد وارث

لائبریرین
بشکریہ پیاسا صحرا

نہیں ثبات بلندی عز و شاں کے لئے
کہ ساتھ اوج کے پستی ہے آسماں کے لئے

نہ چھوڑ تو کسی عالم میں راستی - کہ یہ شے
عصا ہے پیر کو اور سیف ہے جواں کے لئے

جو پاسِ مہرو محبت کہیں یہاں بکتا
تو مول لیتے ہم اک اپنے مہرباں کے لئے

اگر امید نہ ہمسایہ ہو - تو خانہء یاس
بہشت ہے ہمیں آرامِ جاوداں کے لئے

وبالِ دوش ہے اس ناتواں کو سر - لیکن
لگا رکھا ہے ترے خنجر و سناں کے لئے

بنایا آدمی کو ذوق! ایک جزو ضعیف
اور اس ضعیف سے کل کام دو جہاں کے لئے
 

محمد وارث

لائبریرین
بشکریہ دل پاکستانی


پھرتا لیے چمن میں ہے دیوانہ پن مجھے
زنجیرِ پا ہے موجِ نسیمِ چمن مجھے

ہمدم وبالِ دوش نہ کر پیرہن مجھے
کانٹا سا کھٹکتا ہے مرا تن بدن مجھے

ہوں شمع یا کہ شعلہ خبر کچھ نہیں مگر
فانوس ہو رہا ہے مرا پیرہن مجھے

کوچہ میں تیرے کون تھا لیتا بھلا خبر
شب چاندنی نے آ کے پنھایا کفن مجھے

دکھلاتا اک ادا میں ہے سو سو طرح بناؤ
اس سادہ پن کے ساتھ ترا بانکپن مجھے

اک سر زمینِ لالہ بہار و خزاں میں ہوں
یکساں ہے داغِ تازہ و داغِ کہن مجھے

آ اے مرے چمن کہ ہَوا میں تری ہُوا
صحرائے دل ہوائے چمن در چمن مجھے

آیا ہوں نور لے کے میں بزمِ سخن میں ذوق
آنکھوں پہ سب بٹھائیں گے اہلِ سخن مجھے
 

محمد وارث

لائبریرین
بشکریہ کاشفی


کیا آئے تم جو آئے گھڑی دو گھڑی کے بعد
سینے میں ہوگی سانس اڑی دو گھڑی کے بعد

کیا روکا اپنے گریے کو ہم نے کہ لگ گئی
پھر وہ ہی آنسوؤں کی جھڑی دو گھڑی کے بعد

کوئی گھڑی اگر وہ ملایم ہوئے تو کیا
کہہ بیٹھیں گے پھر ایک کڑی دو گھڑی کے بعد

کل اُس سے ہم نے ترکِ ملاقات کی، تو کیا؟
پھر اُس بغیر کل نہ پڑی دو گھڑی کے بعد

پروانہ گرد شمع کے شب دو گھڑی رہا
پھر دیکھی اُسکی خاک پڑی دو گھڑی کے بعد

کیا جانے دو گھڑی وہ رہے ذوق کس طرح
پھر تو نہ ٹھہرے پاؤں گھڑی دو گھڑی کے بعد
 

محمد وارث

لائبریرین
بشکریہ کاشفی

جُدا ہوں یار سے ہم، اور نہ ہوں رقیب جُدا
ہے اپنا اپنا مقدر جُدا نصیب جُدا

دکھا دے جلوہ جو مسجد میں وہ بُتِ کافر
تو چیخ اُٹھے مؤذن جُدا خطیب جُدا

جُدا نہ دردِ جُدائی ہو، گر مرے اعضا
حروفِ درد کی صورت ہوں، ہے طبیب جُدا

ہے اور علم و ادب، مکتبِ محبت میں
کہ ہے، وہاں کا مُعلم جُدا، ادیب جُدا

فراقِ خلد سے گندم ہے سینہ چاک اب تک
الٰہی ہو نہ وطن سے کوئی غریب جُدا

کیا حبیب کو مُجھ سے جُدا فلک نے اگر
نہ کر سکا مِرے دل سے غمِ حبیب جُدا

کریں‌جُدائی کا کس کس کی رنج ہم؟ اے ذوق
کہ ہونے والے ہیں سب ہم سے عنقریب جُدا
 
Top