محفل کی روح سے ملاقات

عثمان

محفلین
نارفاک نیول بیس پر قدم رکھتے ہی سعود بھیا کو ٹیکسٹ کیا کہ میاں اب ہم یہاں تک تو پہنچ ہی چکے ہیں تو میزبانی بھگتانے کےلیے تیار رہیے۔ فوراً ہی محبت بھرا جواب آیا کہ جتنی جلد ہوسکے چلے آئیں۔ تاہم میں سارا دن اسی سوچ میں رہا کہ نیٹ پر بے تکلفی اپنی جگہ لیکن پہلی ہی باضابطہ ملاقات میں میزبان پر اتنا بوجھ ڈالنا مناسب نہیں کہ عاجز آجائے ۔ اس لیے مختصر اور مناسب وقت ڈھونڈ کر زیارت کر آتے ہیں۔ تمام دوپہر شہر کی سڑکوں پرآواراہ گردی کرتے گزری لیکن ذہن تھا کہ آنے والی ملاقات میں ہی الجھا رہا۔ آخر کوئی رات آٹھ بجے دوستوں سے رخصت چاہی ، سعود بھیا کو ایک عدد ٹیکسٹ اپنی آمد کا ارسال کیا اور ٹیکسی لے کر اولڈ ڈومینین یونیورسٹی کی طرف روانہ ہوئے۔
اونچی عمارتیں ایک ایک کرتی کھڑکی سے گزرتی رہی کہ اچانک ایک دبلے پتلے لیکن انتہائی چست نوجوان کا شناسا سا چہرہ نظر سے گزرا تو احساس ہوا کہ جامعہ کے پہلو میں مقررہ مقام پر پہنچ چکے ہیں۔ کیب سے اترتے ہی سعود بھائی پرتپاکی سےتین دفعہ گلے ملے۔ اور میں گلے ملتے کن انکھیوں سے ادھر ادھر دیکھتا رہا کہ کہیں گیس سٹیشن پر کوئی شخص ہمیں غلط نہ سمجھ بیٹھے۔
یونیورسٹی کی چمکتی عمارتوں کے درمیان خوبصورت اور کشادہ باغیچوں سے گذرتے اوپری منزل میں سعود بھیا کے دفتر پہنچے۔ ایک وسیع کمرہ ہے۔۔۔ جہاں بھاری میزیں اور ان کے گرد کرسیاں، دیواروں پر جگہ جگہ سفید بورڈ جن پر مارکر سے کسی جناتی زبان میں تحاریر، فارمولے، گوشوارے اور گراف موجود تھے۔ دائیں جانب دفتری طرز کے چار پانچ کیوبیکل اور ان میں چھپے میز کرسیاں اور دو دو مانیٹرز سے منسلک کمیپوٹرز جن پر پی ایچ ڈی کے طلبہ دن رات اپنے سر کھپاتے ہونگے۔ انہی میں سے ایک سعود بھیا کا کیوبیکل تھا جہاں کرسی کھینچ کر ہم نے سمانے کی کوشش کی۔ سامنے میز پر رکھے کمپیوٹر مانیٹرز میں لاتعداد ٹیب کھلے تھے۔ ۔۔۔تو یہ ہے اردو محفل کا آپریشنل ہیڈ کواٹر!۔۔۔ میرے ذہن میں خیال کوندا۔



photo-1.jpg

ابن سعید محفل کے آپریشنل ہیڈ کواٹر میں

نو بج رہے تھے۔ تمام دفتر بلکہ کل عمارت ویران معلوم ہوتی تھی۔ غالباً طلبہ۔۔ بلکہ جامعائی مکین ویک اینڈ کی رات پڑھائی اور دفتری مصروفیات سے فرار ہو کر کہیں اور مگن تھے۔ صرف سعود کی آواز گونج تھی۔ وہ کمال گرمجوشی اور چستی سے کبھی اردو محفل پر آئیندہ آنے والے نئی تکنیکی اپ ڈیٹس کا تعارف کراتے اور کبھی اپنے دقیق تحقیقی مقالات کی تفصیل میرے لیے آسان کرنے کی کوشش کرتے۔ اور میں ہونقوں کی طرح بے چینی سے پہلو بدلتے تمام وقت یہ تاثر دینے کی کوشش میں رہا کہ جیسے میں اس جناتی تفصیل کو بخوبی سمجھ پا رہا ہوں۔ مجھے سعود کی پھرتی نے بہت حیران بلکہ کسی حد تک محظوظ بھی کیا۔ ابھی میرے ذہن میں گذشتہ موضوع کی بازگشت ہوتی اور وہ ایک لحظہ میں کسی دوسرے موضوع میں گم ہوچکے ہوتے۔ جتنی دیر میں میں پلک جھپکتا وہ پہلو بدل چکے ہوتے۔ میں گردن موڑتا تو وہ کیوبکل کے دوسرے کونے میں کھڑے مسکراتے نظر آتے۔
کچھ ہی دیر میں ہم اٹھ کر ملحقہ کمرے میں آ گئے جہاں آرام دہ صوفوں پر جوں جوں اعصاب کا تناؤ دور ہوا ،توں توں بات چیت تکلفات کے مراحل پیچھے چھوڑتی گپ شپ میں بدلتی چلی گئی۔ ایک کے بعد ایک موضوعات کھلنے لگے۔ محفل گفتگو میں حاوی ہوتی چلی گئی۔ برس ہا برس ہونے والا محفل کا تکنیکی اور سماجی ارتقاء ، مختلف ادوار میں ہونے والے اتار چڑھاؤ، مشکلات ، تنازعات ، خوشگوار لمحات۔۔۔ ایک ایک کرکے زیر گفتگو آنے لگے۔ سعود زبانی گفتگو میں بھی ایسے ہی شیریں، محتاط اور قادر کلام ہیں جیسے وہ محفل پر کمپیوٹر کے پردے کے پیچھے اپنی رطب اللسانی کے جوہر دکھاتے معلوم ہوتے ہیں۔ تاہم کمپیوٹر سکرین پر لکھے الفاظ کے برعکس ، زبانی ہم کلامی کا فائدہ ہے کہ تاثرات عیاں رہتے ہیں۔ سعود رواں ہوتے چلے گئے اور مجھے محفل کی تاریخ کے ساتھ ساتھ۔۔ الفاظ کے کہیں پیچھے گم سعود کو پڑھنے کا موقع ملتا گیا۔۔ مجھے لگا کہ جیسے ان کی صلاحیتوں کا محفل پر جو اثر ہے۔ ویسے ہی برس ہا برس محفل کی ذمہ داریوں نے بھی ان کی شخصیت پر ایک اثر چھوڑا ہے۔ محفل ان کے لیے مشغلے سے کہیں بڑھ چکی ہے۔ یہاں تک کہ عین ممکن ہے کہ اس پر ان کا کیا تکنیکی کام کبھی ان کے کسی تحقیق مقالے میں فٹ نوٹ کی جگہ بھی پائے۔ اس کے عوض انھوں نے اپنی مصروفیات کا ایک قیمتی حصہ محفل کو دیا۔ ہمارے جیسا کوئی ہوتا تو محفل کی ارتقائی تاریخ میں اب تک آنے والی قسم قسم کی مشکلات سے بیزار ہو کر کب کا رخصت ہوچکا ہوتا (کئی تو ہوچکے!)۔ تاہم جیسے ایک عام محفلین کو محفل اور انتظامیہ سے وقت بو وقت شکایت اٹھتی ہے ویسے سعود بھی اس سے محروم نہیں۔ ہاں البتہ وہ کمال حسن ظن قائم رکھتے ہیں۔ ان کا اصرار تھا کہ وہ محض منتظم ہیں ، منصف نہیں کہ محفلین جا بجا بکھرے اپنے فکری تنازعات میں انہیں کھنچتے رہیں۔ یا جذبات میں بے قابو ہو کرمحفل کی حیثیت کو چیلنج کریں۔ لوگوں کے مراسلات کی ادارت سے آگے ایک منتظم کو درپیش بہت کچھ ہے جو اکثر محفلین کی نظروں سے پوشیدہ ہے۔ مبتدی سے بانیوں تک۔۔ سب پر ان کی نرم گرم دلچسپ رائے تھی۔

گذشتہ رات گئے تک گپ شپ سے جی نہ بھرا تو اگلے دن میں پھر آ پہنچا۔ اب کی بار انھوں نے اپنی رہائش گاہ میں مہمان نوازی کی۔ تمام دن وہیں گذرا۔ موصوف مخصوص پھرتی سے کمرے اور کچن کے درمیان چکر لگاتے رہے۔ انگور، پتیسہ ، پراٹھوں اور ملک شیک کے بعد ابھی ان کا مزید پروگرام تھا۔ تاہم شام ڈھلنے پر میں نے اجازت چاہی اور بندرگاہ کی طرف راہ پکڑی ۔
شائد اسی سال اکتوبر میں نارفاک سے پھر گذر ہو۔ تاہم اس بار میزبانی کی میز میں سنبھالوں گا تاوقتیکہ سعود بھائی ہیلی فیکس کے سفر پر آمادہ ہوں۔ :)
 

اوشو

لائبریرین
خوب صورت لوگوں کی خوب صورت ملاقات کی خوب صورت روداد
اللہ کریم یہ سلسلے قائم و دائم رکھے۔ آمین
خوش رہیں
بہت جئیں
 

سید فصیح احمد

لائبریرین
آپ بہت نصیب والے ہیں کہ سعود بھائی سے ملاقات بالمشافہ ہوئی :) ،،، ابن سعید بھائی بہت خوشی ہوئی آپ کی ایک اور تصویر دیکھ کر ،،، ورنہ مجھے تو لگا ایک پر ہی گزارا کرنا ہو گا جب تک کہیں عثمان بھائی کی طرح ہم بھی آپ کو گرفتار نہ کر لیں :p اور اس بات سے اتفاق ہے کہ محفل پر سعود بھائی ایک حد سے زیادہ ذاتی انداز میں دخل اندازی نہیں کر سکتے جس کی وجہ ان کا اہم کردار ہے جسے انہوں نے ہمیشہ احسن طریق سے نبھایا ہے۔ اور ان کی طرح ہم سب کے لیئے بھی محفل صرف وقت گزاری کا بہانہ نہیں ہونا چاہیئے! نہ ہی محفل کو محض اختلافِ رائے پر خیر آباد کہنا چاہیئے ، میں اپنے دھاگے جھریاں میں یہ سب تاکید کر چکا ہوں، یہ ہمارا گھر ہے ، سرائے نہیں (گھر اصل سرائے ہی ہے جس میں ہم اپنا اپنا وقت گزار کر چلے جاتے ہیں مگر وہ وقت محض چند گھنٹے یا روز کا قیام نہیں ہوتا اور اس سے دوری پر بھی ہم ہمیشہ اس سے وابستہ و پیوستہ رہتے ہیں!) ۔۔۔ ،،

پیوستہ رہ شجر سے اُمید بہار رکھ
میری بہت خواہش ہے کہ کبھی سعود بھائی سے بالمشافہ ملاقات ہو ، انہیں مزید جاننے کا موقع مل سکے۔ :)
اور عثمان بھائی آپ کا بہت بہت بہت بہت سے بھی زیادہ شکریہ کے یہ روداد قلمبند کی اور ہمیں آدھے سعود بھائی دکھا دیئے ( ہماری طرف تو رُخ ہی نہیں کر رکھا سعود بھائی نے جیسے کہ خفا ہیں!! :confused: )
اللہ ہم سب کا حامی و ناصر ہو ، آمین! ۔۔ :) :)
 
حد ہوتی ہے بھئی، لوگ اس قدر باریکی سے چھوٹی بڑی بات کا مطالعہ کرتے ہیں! :) :) :)

خیر ہم بھی کچھ تصاویر یہاں شامل کر دیتے ہیں، تاکہ سند رہے اور بوقت ضرورت کام آوے! :) :) :)

IMG_20140607_194808.jpg


IMG_20140607_194800.jpg


IMG_20140607_194744.jpg


IMG_20140607_195150.jpg


IMG_20140607_195202.jpg
 

زبیر مرزا

محفلین
سعودسے میں تو کبھی نہ ملنا چاہوں کے یہ حضرت اُن چند لوگوں میں سے ہیں جو ہمیں رسی تُڑوانے نہیں دیتے :( یعنی کہ حد ہے کون ہے جو ان سے ملنے کا حوصلہ رکھتا ہے ان میٹھی باتوں سے کس کی مجال جو نکل سکے-
حوصلہ ہے عثمان آپ کا مل بھی آئے اور دلچسپ احواال بھی تحریر کرڈالا- ویسے حیران مت ہوں آپ کے مراسلے پر یہ ریٹنگ اور تبصرہ میراہی ہے یہ اعجاز ہے اُس خلوص کے جس کے آگے ہم ہار گئے-
بھلا خلوص والوں سے کوئی کہاں بھاگ سکتا ہے:)
 
آخری تدوین:

سید فصیح احمد

لائبریرین
حد ہوتی ہے بھئی، لوگ اس قدر باریکی سے چھوٹی بڑی بات کا مطالعہ کرتے ہیں! :) :) :)

خیر ہم بھی کچھ تصاویر یہاں شامل کر دیتے ہیں، تاکہ سند رہے اور بوقت ضرورت کام آوے! :) :) :)

IMG_20140607_194808.jpg


IMG_20140607_194800.jpg


IMG_20140607_194744.jpg


IMG_20140607_195150.jpg


IMG_20140607_195202.jpg

سعود بھائی سب سے پہلی بات یہ کہ آپ کے بارے کوئی بات چھوٹی نہیں (کیونکہ آپ مجھ سے بڑے ہیں :D) ،، اور دوسری بات یہ کہ ہُن بندہ باتیں بھی نا نوٹ کرے ؟؟ ۔۔۔ دیکھ لو ماہی احمد چِڑیا سعود بھائی کہہ رہے باتیں مت نوٹ کیا کرو ۔۔ ہُنہ !! :unsure: ۔۔۔۔۔۔ اللہ آپ کی مسکان ہمیشہ سلامت رکھے سعود بھائی (آمین ثُم آمین!! ) :) :)
 
آخری تدوین:

نایاب

لائبریرین
ٹھگاں دے ٹھگ پروہنے ۔۔۔۔۔
مجھ جیسے ٹھگ کی نگاہ میں " 10 نمبری ٹھگ " ہیں محترم سعود ابن سعید بھائی ۔۔۔
نہ صرف لوٹ لیتے ہی پل میں " انسانوں " کو ۔۔۔ بلکہ قید کر لیتے ہیں خلوص و وفا کے پنجرے میں ۔۔
بہت دل چسپ احوال ملاقات ۔۔۔
بہت دعائیں ۔
 

قیصرانی

لائبریرین
پہلے میں سمجھا کہ محفل کے بارے کوئی خواب دیکھا ہوگا جس کے بارے لکھا جا رہا ہے۔ اگرچہ عثمان اور سعود بھائی کی ملاقات کے بارے علم تھا، لیکن پھر بھی صاحبِ دھاگہ کا نام تب دکھائی دیا جب دھاگہ کھلا :)
مزے کی روداد اور تصاویر کےلئے سعود بھائی کا شکریہ، عثمان نے تو "رج" کے کنجوسی کی ہے تصاویر کے لئے :)
 
خوش قسمت ہیں وہ لوگ جن کو ابن سعید کے دیدار کا شرف حاصل ہے ہمیں تو حسرت ہی ہے
عثمان جی بہت خوب روداد لکھی :)
بہت اچھا لگا ملاقات کا احوال پڑھ کر ساتھ آپ کی تصاویر دیکھ کر بھی بہت خوشی ہوئی محفل پر آپ کے بارے میں جو تاثر پھیلا ہوا تھا یکسر غلط ثابت ہوا
ہیں کواکب کچھ ، نظر آتے ہیں کچھ
دیتے ہیں دھوکہ یہ بازی گر کھلا
ورنہ یہ دھاگہ تو ایسا ہے کہ میں اس دھاگے کی وجہ سے سات خون معاف کر سکتا ہوں :)
سلامت رہیں
 

نیرنگ خیال

لائبریرین
ان کا اصرار تھا کہ وہ محض منتظم ہیں ، منصف نہیں کہ محفلین جا بجا بکھرے اپنے فکری تنازعات میں انہیں کھنچتے رہیں۔ یا جذبات میں بے قابو ہو کرمحفل کی حیثیت کو چیلنج کریں۔ لوگوں کے مراسلات کی ادارت سے آگے ایک منتظم کو درپیش بہت کچھ ہے جو اکثر محفلین کی نظروں سے پوشیدہ ہے۔ مبتدی سے بانیوں تک۔۔ سب پر ان کی نرم گرم دلچسپ رائے تھی۔
صد ہزار متفق۔۔۔۔۔ اور بے شک اس کے لئے ایک بڑے ظرف کی ضرورت ہے۔ اور ابن سعید بھائی اس بڑے سے بھی زیادہ ظرف رکھتے ہیں۔ باقی نرم گرم رائے تو حق ہے۔۔۔ بس بتائیے گا نہیں۔۔۔ :p
 

شمشاد

لائبریرین
ماشاء اللہ

تقریب ملاقات تو بہت خوب رہی۔ لیکن یہ ساری روداد عثمان بھائی واقعی آپ نے ہی لکھی ہے ناں۔ (مجھے لگا کہ پیسے دے کر کسی نثر نگار سے لکھوائی ہے۔)
 
Top