نبیل
تکنیکی معاون
السلام علیکم،
محفل فورم کی اپگریڈ کے بعد سے میں نے آپ دوستوں کو تجاویز اکٹھے کرنے کے کام میں مصروف رکھا ہوا ہے۔
ایک کام جسے میں محفل فورم کی اپگریڈتک مؤخر کیا ہوا تھا، فورم کی تنظیم نو کا ہے۔ محفل فورم پر کچھ نہ کچھ عرصے کے بعد یہاں پر موضوعات میں تنوع پیدا کرنے کے لیے زمرہ جات کا اضافہ کیا جاتا رہتا ہے۔ اس کے لیے شرط یہ ہے کہ ان زمرہ جات کے موضوعات محفل فورم کے مزاج سے ہم آہنگ ہوں اور اس کے علاوہ ان موضوعات میں خاطر خواہ دلچسپی پائی جاتی ہو تاکہ یہ غیر آباد نہ رہیں۔ اس سلسلے میں میرے ذہن میں کچھ آئیڈیاز ہیں جن کا میں یہاں ذکر کروں گا، اور اگر آپ کسی موضوع پر معلومات کے تبادلے میں دلچسپی رکھتے ہیں تو اس کے لیے یہاں تجویز پیش کر سکتے ہیں۔
- میرا ایک آئیڈیا صحافت کے موضوع پر ایک فورم سیٹ اپ کرنے کا ہے جہاں اخباری اور الیکٹرانک میڈیا کے بارے میں بات کی جا سکے۔ یہاں پرتجربہ کار صحافی مفید معلومات فراہم کر سکتے ہیں اور جرنلزم کے طلبا یا صحافت کے پیشے کا آغاز کرنے والے اس سے استفادہ کر سکتے ہیں۔
- میں کچھ عرصے سے اسلامی تعلیمات کے زمرہ میں ایک قران فہمی یا درس و تدریس قران کے موضوع پر ایک ذیلی زمرہ سیٹ اپ کرنا چاہ رہا ہوں۔ اس کا مقصد صر ف اور صرف قران مجید کے مطالب اور تفسیر بیان کرنا اور اس کے بارے میں سوالات کرنا ہوگا۔ میں اس فورم کو موڈریٹڈ رکھوں گا، یعنی اس پر پوسٹس منظوری کے بعد ہی شائع ہوں گی۔
- مذہبی تعلیمات کے زمرہ جات میں اکثر مباحثوں کی صورتحال پیدا ہو جاتی ہے۔ میرے خیال میں ایک ایسا ذیلی زمرہ بھی ہونا چاہیے جہاں منتظمین کچھ عرصے بعد اس طرح کے موضوعات کو مقفل کرکے منتقل کرتے رہیں۔
- محفل فورم کی ایک محترم خاتون رکن کی فرمائش ہے کہ ایک ایسا زمرہ تشکیل دے دیا جائے جہاں صرف خواتین پوسٹ کر سکیں۔ کچھ عرصہ قبل جب فورم پر گوشہ خواتین کے نام سے ایک زمرہ تشکیل دیا گیا تھا تو اس پر اعتراض اٹھایا گیا تھا کہ اس سے امتیازی سلوک کا اشارہ ملتا ہے کیونکہ گھرداری صرف عورتوں کے لیے ہی مخصوص نہیں ہے۔ لیکن میرے خیال میں اس فرمائش کا تعلق گھرداری کے معاملات پر گفتگو سے نہیں ہے اور اگر باقی دوستوں کو اس پر اعتراض نہ ہو تو یہ زمرہ بھی سیٹ اپ کیا جا سکتا ہے۔
- میرے خیال میں فورم پر آڈیو اور ویڈیو میڈیا پوسٹ کرنے کے لیے بھی مزید زمرہ جات کا اضافہ کیا جانا چاہیے۔ موسیقی والے زمرہ میں کچھ پوسٹس ایسی ہوتی ہیں جن میں گانوں کے بول بھی پوسٹ کیے جاتے ہیں جبکہ کچھ میں صرف آڈیو یا ویڈیو کا ربط پوسٹ کیا جاتا ہے۔ میرے خیال میں ان کے لیے بھی علیحدہ زمرہ جات ہونے چاہییں۔
- نئے زمرہ جات تشکیل دینے کے ساتھ ساتھ میں کچھ پرانے زمرہ جات کو ختم کر دینا چاہتا ہوں جن کی اب ضرورت نہیں رہی ہے۔ اس کے لیے یہ بھی کیا جا سکتا ہے کہ ایک علیحدہ کٹیگری محفوظات یعنی آرکائیو کے طور پر سیٹ اپ کر دی جائے جہاں ایسے فورم مقفل کرکے منتقل کر دیے جائیں۔ اسی سے متعلق ایک تجویز یہ ہے کہ انٹرویو فورم کی ایک ذیلی فورم پرانے انٹرویو کے نام سے تشکیل دے دی جائے جہاں پرانے انٹرویو منتقل کیے جاتے رہیں۔
- فورم پر اکثر زمرہ جات پر ابھی تک موڈریٹرز کا تقرر نہیں کیا گیا ہے۔ اگر کوئی دوست کسی زمرہ کو منظم کرنے میں ہمارے ساتھ تعاون کرنا چاہتے ہیں تو ہم سے رابطہ کر سکتے ہیں۔ موڈریٹرز کے لیے ضروری ہے کہ وہ فورم پر باقاعدگی سے آتے ہوں اور متعلقہ موضوع میں خاطر خواہ دلچسپی بھی رکھتے ہوں۔ اس سلسلے میں چند دوستوں کے نام میرے ذہن میں ہیں۔ ان سے میں خود رابطہ کر لوں گا۔
فی الحال تو میری جانب سے اتنا ہی۔ اب مجھے آپ کی تجاویز کا انتظار رہے گا۔
محفل فورم کی اپگریڈ کے بعد سے میں نے آپ دوستوں کو تجاویز اکٹھے کرنے کے کام میں مصروف رکھا ہوا ہے۔
ایک کام جسے میں محفل فورم کی اپگریڈتک مؤخر کیا ہوا تھا، فورم کی تنظیم نو کا ہے۔ محفل فورم پر کچھ نہ کچھ عرصے کے بعد یہاں پر موضوعات میں تنوع پیدا کرنے کے لیے زمرہ جات کا اضافہ کیا جاتا رہتا ہے۔ اس کے لیے شرط یہ ہے کہ ان زمرہ جات کے موضوعات محفل فورم کے مزاج سے ہم آہنگ ہوں اور اس کے علاوہ ان موضوعات میں خاطر خواہ دلچسپی پائی جاتی ہو تاکہ یہ غیر آباد نہ رہیں۔ اس سلسلے میں میرے ذہن میں کچھ آئیڈیاز ہیں جن کا میں یہاں ذکر کروں گا، اور اگر آپ کسی موضوع پر معلومات کے تبادلے میں دلچسپی رکھتے ہیں تو اس کے لیے یہاں تجویز پیش کر سکتے ہیں۔
- میرا ایک آئیڈیا صحافت کے موضوع پر ایک فورم سیٹ اپ کرنے کا ہے جہاں اخباری اور الیکٹرانک میڈیا کے بارے میں بات کی جا سکے۔ یہاں پرتجربہ کار صحافی مفید معلومات فراہم کر سکتے ہیں اور جرنلزم کے طلبا یا صحافت کے پیشے کا آغاز کرنے والے اس سے استفادہ کر سکتے ہیں۔
- میں کچھ عرصے سے اسلامی تعلیمات کے زمرہ میں ایک قران فہمی یا درس و تدریس قران کے موضوع پر ایک ذیلی زمرہ سیٹ اپ کرنا چاہ رہا ہوں۔ اس کا مقصد صر ف اور صرف قران مجید کے مطالب اور تفسیر بیان کرنا اور اس کے بارے میں سوالات کرنا ہوگا۔ میں اس فورم کو موڈریٹڈ رکھوں گا، یعنی اس پر پوسٹس منظوری کے بعد ہی شائع ہوں گی۔
- مذہبی تعلیمات کے زمرہ جات میں اکثر مباحثوں کی صورتحال پیدا ہو جاتی ہے۔ میرے خیال میں ایک ایسا ذیلی زمرہ بھی ہونا چاہیے جہاں منتظمین کچھ عرصے بعد اس طرح کے موضوعات کو مقفل کرکے منتقل کرتے رہیں۔
- محفل فورم کی ایک محترم خاتون رکن کی فرمائش ہے کہ ایک ایسا زمرہ تشکیل دے دیا جائے جہاں صرف خواتین پوسٹ کر سکیں۔
کچھ عرصہ قبل جب فورم پر گوشہ خواتین کے نام سے ایک زمرہ تشکیل دیا گیا تھا تو اس پر اعتراض اٹھایا گیا تھا کہ اس سے امتیازی سلوک کا اشارہ ملتا ہے کیونکہ گھرداری صرف عورتوں کے لیے ہی مخصوص نہیں ہے۔ لیکن میرے خیال میں اس فرمائش کا تعلق گھرداری کے معاملات پر گفتگو سے نہیں ہے اور اگر باقی دوستوں کو اس پر اعتراض نہ ہو تو یہ زمرہ بھی سیٹ اپ کیا جا سکتا ہے۔- میرے خیال میں فورم پر آڈیو اور ویڈیو میڈیا پوسٹ کرنے کے لیے بھی مزید زمرہ جات کا اضافہ کیا جانا چاہیے۔ موسیقی والے زمرہ میں کچھ پوسٹس ایسی ہوتی ہیں جن میں گانوں کے بول بھی پوسٹ کیے جاتے ہیں جبکہ کچھ میں صرف آڈیو یا ویڈیو کا ربط پوسٹ کیا جاتا ہے۔ میرے خیال میں ان کے لیے بھی علیحدہ زمرہ جات ہونے چاہییں۔
- نئے زمرہ جات تشکیل دینے کے ساتھ ساتھ میں کچھ پرانے زمرہ جات کو ختم کر دینا چاہتا ہوں جن کی اب ضرورت نہیں رہی ہے۔ اس کے لیے یہ بھی کیا جا سکتا ہے کہ ایک علیحدہ کٹیگری محفوظات یعنی آرکائیو کے طور پر سیٹ اپ کر دی جائے جہاں ایسے فورم مقفل کرکے منتقل کر دیے جائیں۔ اسی سے متعلق ایک تجویز یہ ہے کہ انٹرویو فورم کی ایک ذیلی فورم پرانے انٹرویو کے نام سے تشکیل دے دی جائے جہاں پرانے انٹرویو منتقل کیے جاتے رہیں۔
- فورم پر اکثر زمرہ جات پر ابھی تک موڈریٹرز کا تقرر نہیں کیا گیا ہے۔ اگر کوئی دوست کسی زمرہ کو منظم کرنے میں ہمارے ساتھ تعاون کرنا چاہتے ہیں تو ہم سے رابطہ کر سکتے ہیں۔ موڈریٹرز کے لیے ضروری ہے کہ وہ فورم پر باقاعدگی سے آتے ہوں اور متعلقہ موضوع میں خاطر خواہ دلچسپی بھی رکھتے ہوں۔ اس سلسلے میں چند دوستوں کے نام میرے ذہن میں ہیں۔ ان سے میں خود رابطہ کر لوں گا۔
فی الحال تو میری جانب سے اتنا ہی۔ اب مجھے آپ کی تجاویز کا انتظار رہے گا۔
