محبت ذات ہوتی ہے۔۔۔۔۔۔

[امیداورمحبت]

اس فورم میں یہ میری پہلی باقاعدہ کوئی پوسٹ ہے۔۔۔ کسی بھی فورم میں خاموش قاری بننا ہمیشہ سے میرا پسندیدہ عمل رہا ہے۔۔۔اور صرف و صرف پوسٹ کو پڑھنا اچھا لگتا ہے۔۔۔۔۔۔۔۔ پر بہرحال فرحت عباس شاہ کی بہت پسندیدہ نظم لکھ رہی ہوں۔۔۔

محبت ذات ہوتی ہے۔۔۔۔۔

کوئی جنگل میں جا ٹہرے
کسی بستی میں بس جائے
محبت ساتھ ہوتی ہے۔۔۔۔۔۔۔۔۔
محبت خوشبوؤں کی لے
محبت موسموں کی دھن
محبت آبشاروں کے بہتے پانیوں کا من
محبت جنگلوں میں رقص کرتی مورنی کا تن
محبت برف پڑتی سردیوں میں دھوپ بنتی ہے
محبت چلچلاتے گرم صحراؤں میں ٹھنڈی چھاؤں کی مانند
محبت اجنبی دنیا میں اپنےگاؤں کی مانند

محبت دل۔۔۔۔۔۔۔۔۔!
محبت جاں۔۔۔۔۔۔۔۔۔
محبت روح کا درماں۔۔۔
محبت مورتی ہے۔
اور کبھی جو دل کے مندر میں کہیں پر ٹوٹ جائے تو؟؟؟؟؟؟
محبت کانچ کے گڑیا
فٍضاؤں میں کسی کے ہاتھ سے گر چھوٹ جائے تو؟؟؟؟؟
محبت آبلہ ہے کرب کا
اور پھوٹ جائے تو؟؟؟؟؟
محبت روگ ہوتی ہے ۔۔۔۔۔
محبت سوگ ہوتی ہے۔۔۔۔۔۔۔۔۔

محبت شام ہوتی ہے ۔۔۔
محبت رات ہوتی ہے۔۔۔۔۔
محبت جھلملاتی رات میں برسات ہوتی ہے!!!!!
محبت نیند کی رت میں حسیں خوابوں کے رستوں پر
سلگتے، جاں کو آتے ،رتجگوں کی گھات ہوتی ہے۔۔۔۔۔۔۔

محبت جیت ہوتی ہے؟؟؟
محبت مات ہوتی ہے۔۔۔۔۔۔
محبت ذات ہوتی ہے۔۔۔۔۔۔۔۔۔۔۔۔۔۔۔۔

 

[نبیل]

السلام علیکم امید اور محبت اور خوش آمدید۔ آپ یہاں خواہ خاموش قاری بن کر ہی آئیں، یہ ہمارے لیے باعث مسرت ہوگا۔ اتنی خوبصورت نظم ارسال کرنے کا شکریہ۔

 

[محب علوی]

بہت خوب امید شکر ہے تم نے پوسٹ کر ہی دیا کچھ۔ ویسے خاموش قاری اور بہت ہیں ضرور ان میں نام لکھوانا ہے۔ چلو شاباش ہمت کرو اور ہفتہ میں کم از کم سات پوسٹس کرو۔ آئیندہ خلیل جبران کی کلیات میں سے کچھ پوسٹ کرنا ہے اور ساتھ میں نظمیں اور غزلیں حسبِ ذائقہ میرا مطلب ہے حسبِ خواہش۔ باقاعدگی سے آنا ہے اور پوسٹس کرنی ہیں۔

 

[ماوراء]

بہت زبردست انتخاب ہے امید اور محبت۔
لیکن اب آپ یہاں آتی رہنا۔ جیسا کہ محب نے کہا ہے کہ ہفتے میں سات پوسٹس وہ بھی کم از کم۔ زیادہ سے زیادہ آپ کو کھلی اجازت ہے جتنی مرضی کیجیئے گا۔

 

[وہاب اعجاز خان]

جواب

بہت خوب محبت کی تکرار اچھی لگی۔

 

[امیداورمحبت]

نبیل،ماوراء، محمد وہاب خان،محب،
جواب دینے کا شکریہ۔۔۔۔
نبیل آپ کی بات کتنی قابل غور ہے نا۔۔۔۔۔خاموش قاری بن کر آنے والی۔۔۔۔۔۔۔
ماوراء۔۔۔۔سات پوسٹ کچھ زیادہ نہیں۔۔۔کچھ کمی نہیں ہوسکتی ۔۔۔۔۔۔۔۔۔۔
محب،
ویسے میرے پوسٹ کرنے پر شکر ہی ادا کرنا چاہیے تھا۔۔۔ باقاعدگی سے آنا۔؟؟؟؟؟؟؟سوچ لیں کتنی محنت کرنی پڑے گی۔۔۔۔
خلیل جبران۔۔۔ہمممممم سوچنا پڑے گا۔

 

[ماوراء]

aww۔۔محب نے آپ کا شکریہ ادا نہیں کیا کیا۔۔یہ تو اچھا نہیں کیا ۔۔

میری گڑیا دن میں ایک ہی تو پوسٹ کرنی ہے زیادہ کہاں ہیں۔ یہ تو بہت کم ہیں۔ پھر آہستہ آہستہ ترقی ہوتی جائے گی۔۔

 

[قیصرانی]

امید صاحبہ، بہت عمدہ۔
بےبی ہاتھی

 

[امیداورمحبت]

بہت شکریہ قصرانی-

 

[قیصرانی]

قصرانی کہ قیصرانی؟
بےبی ہاتھی

 

[امیداورمحبت]

قیصرانی،
انسانوں اور فرشتوں میں یہی ایک بنیادی فرق ہے کہ غلطی انسانوں سے ہوتی ہے- - -

 

[زونی]

محبت مات ہوتی ھے

محبت مات ہوتی ھے



محبت ذات ہوتی ھے
محبت ذات کی تکمیل ھوتی ھے
کوئی جنگل میں جا ٹھرے ، کسی بستی میں بس جائے
محبت ساتھ ہوتی ھے
محبت خوشبوؤں کی لے
محبت موسموں کی دھن
محبت آبشاروں کے نکھرتے پانیوں کا من
محبت جنگلوں میں رقص کرتی مورنی کا تن
محبت برف پڑتی سردیوں میں دھوپ بنتی ھے
محبت چلچلاتے گرم صحراؤں میں ٹھنڈی چھاؤں کی مانند
محبت اجنبی دنیا میں اپنے گاؤں کی مانند
محبت دل
محبت جاں
محبت روح کا درماں
محبت مورتی ھے
اور کبھی جو دل کے مندر میں کہیں پر ٹوٹ جائے تو
محبت کانچ کی گڑیا
فضاؤں میں کسی کے ھاتھ سے گر چھوٹ جائے تو
محبت آبلہ ھے کرب کا
اور پھوٹ جائے تو
محبت روگ ھوتی ھے
محبت سوگ ھوتی ھے
محبت شام ھوتی ھے
محبت رات ھوتی ھے
محبت جھلملاتی آنکھ میں برسات ھوتی ھے
محبت نیند کی رت میں خوابوں کے رستوں پر سلگتے،
جاں کو آتے رتجگوں کی گھات ہوتی ھے
محبت جیت ہوتی ھے
محبت مات ھوتی ھے
محبت ذات ھوتی ھے


(فرحت عباس شاہ)