مجذوب مجذوب : ان کو تو نے کیا سےکیا شوقِ فراواں کردیا

[سید زبیر]

خواجہ عزیز الحسن مجذوب کا کلام​

ان کو تو نے کیا سےکیا شوقِ فراواں کردیا​

پہلے جاں ،پھر جانِ جاں پھر جانِ جاناں کردیا​

طبع ِرنگیں نے مری ،گل کو گلستاں کر دیا​

کچھ سے کچھ حسن نظر نے حسنِ خوباں کردیا​

فکرِاین و آں نے جب مجھ کو پریشاں کردیا​

میں نے سر نذرِ جنونِ فتنہ ساماں کردیا​

دردِ دل نے اور سب دردوں کا درماںکردیا​

عشق کی مشکل نے ہر مشکل کو آساں کردیا​

دل قفس میں لگ چلا تھا، پھر پریشاں کردیا !​

ہم صفیرو!تم نے کیوں ذکرِ گلستاں کردیا ؟​

'ہر چہ بادا باد ماکشتی در آب انداختیم"​

کرکے جرأت ان سے آج اظہار ارمان کردیا​

زلف و رخ کو ڈھانکئے! یہ بھی کوئی انداز ہے !​

اس کو حیراں کردیا ،اس کو پریشاں کردیا​

پھونک دی اک روح ِنو مجھ میں مری ہر آہ نے​

دردِ دل نے میری رگ رگ کو رگِ جاں کردیا​

میرے چارہ گر کا تو دیکھے کوئی حُسنِ علاج​

محو دل سے امتیاز ِ درد و درماں کردیا​

تلخ کردی زندگی شورش! تری کچھ حد بھی ہے​

اُف مرے ہر زخم کو تو نے نمک داں کردیا​

یہ تری زلفیں یہ آنکھیں یہ ترا مکھڑا یہ رنگ​

حور کو اللہ کی قدرت نے انساں کردیا​

جن کی اُستادی پہ خود حکمت بجا کرتی تھی ناز​

ایک اُمّی نے انھیں طفلِ دبستاں کردیا​

چپکے چپکے اندر اندر تو نے اے شوق نہاں !ا​

دل کو میرے راز دار حسن پنہاں کردیا​

ٹوٹ جاتے کیوں نہ ٹانکے زخم کے دیکھا غضب!​

شاملِ بخیہ مرا تارِ گریباں کردیا​

مجھ کو سوجھا بھی تو کیا مجذوب وحشت کا علاج​

میں نے دل وابستۂ زلفِ پریشاں کردیا​

​

مجذوب​

 

[شوکت پرویز]

بہت اچھا کلام شئیر کیا ہے زبیر انکل!
شکریہ !!

 

[سید عاطف علی]

خواجہ عزیز الحسن مجذوب کا کلام​

'ہر چند بادا باد ماکشتی در آب انداختیم"​

شاندار انتخاب ہے مجذوب صاحب کا۔۔۔۔اور یہ مصرع اس طرح ہے۔
ہر چہ بادا باد ماکشتی در آب انداختیم

 

[سید زبیر]

شاندار انتخاب ہے مجذوب صاحب کا۔۔۔ ۔اور یہ مصرع اس طرح ہے۔
ہر چہ بادا باد ماکشتی در آب انداختیم

شکر گزار ہوں ، ٍغلطی کی بر وقت نشاندہی کردی ،تصحیح ہو گئی ورنہ تیر کمان سے نکل گیا تھا
سدا خوش رہیں

 

[سید عاطف علی]

شکر گزار ہوں ، ٍغلطی کی بر وقت نشاندہی کردی ،تصحیح ہو گئی ورنہ تیر کمان سے نکل گیا تھا
سدا خوش رہیں

اگرکہیں میسر ہو توخواجہ صاحب مجذوب کی وہ غزل شریک کیجیے گا ۔۔۔
زبر دستی لگادی ۔۔آج بوتل ۔۔ منھ سے ۔۔ ساقی نے
میں کہتا ہی رہا ۔۔ہاں ہاں ۔۔۔نہیں ساقی۔۔ نہیں ساقی

 

[سید زبیر]

اگرکہیں میسر ہو توخواجہ صاحب مجذوب کی وہ غزل شریک کیجیے گا ۔۔۔
زبر دستی لگادی ۔۔آج بوتل ۔۔ منھ سے ۔۔ ساقی نے
میں کہتا ہی رہا ۔۔ہاں ہاں ۔۔۔ نہیں ساقی۔۔ نہیں ساقی

سر !میں کوشش کرتا ہوں

 

[سید عاطف علی]

سر !میں کوشش کرتا ہوں

بہت زور ڈال کے دیکھا ایک اور شعر یاد آیا۔
گھٹا اٹھی ہے ۔۔ تو بھی کھول ۔۔ زلفِ عنبریں ۔۔ ساقی
ترے ہوتے ۔فلک سے کیوں ہو ۔ شرمندہ زمیں۔۔ ساقی

 

[سید شہزاد ناصر]

خواجہ عزیز الحسن مجذوب کا کلام​

ان کو تو نے کیا سےکیا شوقِ فراواں کردیا​

پہلے جاں ،پھر جانِ جاں پھر جانِ جاناں کردیا​

طبع ِرنگیں نے مری ،گل کو گلستاں کر دیا​

کچھ سے کچھ حسن نظر نے حسنِ خوباں کردیا​

فکرِاین و آں نے جب مجھ کو پریشاں کردیا​

میں نے سر نذرِ جنونِ فتنہ ساماں کردیا​

دردِ دل نے اور سب دردوں کا درماںکردیا​

عشق کی مشکل نے ہر مشکل کو آساں کردیا​

دل قفس میں لگ چلا تھا، پھر پریشاں کردیا !​

ہم صفیرو!تم نے کیوں ذکرِ گلستاں کردیا ؟​

'ہر چہ بادا باد ماکشتی در آب انداختیم"​

کرکے جرأت ان سے آج اظہار ارمان کردیا​

زلف و رخ کو ڈھانکئے! یہ بھی کوئی انداز ہے !​

اس کو حیراں کردیا ،اس کو پریشاں کردیا​

پھونک دی اک روح ِنو مجھ میں مری ہر آہ نے​

دردِ دل نے میری رگ رگ کو رگِ جاں کردیا​

میرے چارہ گر کا تو دیکھے کوئی حُسنِ علاج​

محو دل سے امتیاز ِ درد و درماں کردیا​

تلخ کردی زندگی شورش! تری کچھ حد بھی ہے​

اُف مرے ہر زخم کو تو نے نمک داں کردیا​

یہ تری زلفیں یہ آنکھیں یہ ترا مکھڑا یہ رنگ​

حور کو اللہ کی قدرت نے انساں کردیا​

جن کی اُستادی پہ خود حکمت بجا کرتی تھی ناز​

ایک اُمّی نے انھیں طفلِ دبستاں کردیا​

چپکے چپکے اندر اندر تو نے اے شوق نہاں !ا​

دل کو میرے راز دار حسن پنہاں کردیا​

ٹوٹ جاتے کیوں نہ ٹانکے زخم کے دیکھا غضب!​

شاملِ بخیہ مرا تارِ گریباں کردیا​

مجھ کو سوجھا بھی تو کیا مجذوب وحشت کا علاج​

میں نے دل وابستۂ زلفِ پریشاں کردیا​

​

مجذوب​

واہ کیا خوبصورت کلام ہے
بہت لطف آیا پڑھ کر
اللہ آپ کو ڈھیروں خوشیاں نصیب فرمائے آمین

 

[سید زبیر]

اگرکہیں میسر ہو توخواجہ صاحب مجذوب کی وہ غزل شریک کیجیے گا ۔۔۔
زبر دستی لگادی ۔۔آج بوتل ۔۔ منھ سے ۔۔ ساقی نے
میں کہتا ہی رہا ۔۔ہاں ہاں ۔۔۔ نہیں ساقی۔۔ نہیں ساقی

سر حسب ارشاد ، حاضر ہے

​

اگر ملتی رہی تھوڑی سی دردِ تہ نشیں ساقی​

تو بس پھر من و سلویٰ ہے مجھے نانِ جویں ساقی​

ہوا اب سرِ وحدت کا مجھے عین الیقیں ساقی​

کہ یکساں ہیں میرے دامان و جیب و آستیں ساقی​

ترے رندوں پہ سارے کھل گئے اسراِرِدیں ساقی​

ہوا علم الیقیں ، عین الیقین ، حق الیقیں ساقی​

زبردستی لگادی منھ سے بوتل آج ساقی نے​

میں کہتا ہی رہا ہاں ہاں نہیں ساقی نہیں ساقی​

الٰہی خیر ہو مجذوب میخانہ میں آیا ہے​

قدح کش لا اِؤبالی ، جام نازک نازنیں ساقی​

۔۔۔۔۔۔۔۔۔۔۔۔۔۔۔​

گھٹا اُٹھی ہے تو بھی کھول زُلف عنبریں ساقی​

ترے ہوتے ہوئے فلک سے کیوں ہو شرمندہ زمیں ساقی​

یہ کس بھٹّی کی دی تو نے شرا بِ آتشیں ساقی​

کہ پیتے ہی رگوں میں بجلیاں سی بھر گئیں ساقی​

یہیں سے پاوٗں گا ہر نعمت دنیا و دیں ساقی​

کہیں کیوں جاوٗں تیرے میکدہ میں کیا نہیں ساقی​

جو تر دامن ہے تیرا پاک دامانوں سے بہتر ہے​

گریباں چاک ہے اشکوں سے تر ہے آستیں ساقی​

نہ چھیٹ اے محتسب!میں ہوں مٔے وحدت کا متوال​

میں وہ مے خوار جس کے ہیں ختم المرسلیں ساقی​

سلامت تیرا میخانہ ،سلامت تیرے مستانے​

رہے گا رنگ عالم میں یہی تا یوم دیں ساقی​

وہی باتیں تو مجذوب اپنی بَڑ میں کہہ سناتا ہے​

ذرا سنبھلے ہؤے لفظوں میں جو تو نے کہیں ساقی​

عجب مشرب ہے تیرا تجھ کو اے مجذوب کیا سمجھیں​

کہیں پیر مغاں تو ہے 'کہیں میکش'کہیں ساقی​

 

[سید زبیر]

ٹیگ نامہ

 

[سید شہزاد ناصر]

سر حسب ارشاد ، حاضر ہے

​

اگر ملتی رہی تھوڑی سی دردِ تہ نشیں ساقی​

تو بس پھر من و سلویٰ ہے مجھے نانِ جویں ساقی​

ہوا اب سرِ وحدت کا مجھے عین الیقیں ساقی​

کہ یکساں ہیں میرے دامان و جیب و آستیں ساقی​

ترے رندوں پہ سارے کھل گئے اسراِرِدیں ساقی​

ہوا علم الیقیں ، عین الیقین ، حق الیقیں ساقی​

زبردستی لگادی منھ سے بوتل آج ساقی نے​

میں کہتا ہی رہا ہاں ہاں نہیں ساقی نہیں ساقی​

الٰہی خیر ہو مجذوب میخانہ میں آیا ہے​

قدح کش لا اِؤبالی ، جام نازک نازنیں ساقی​

۔۔۔ ۔۔۔ ۔۔۔ ۔۔۔ ۔۔۔​

گھٹا اُٹھی ہے تو بھی کھول زُلف عنبریں ساقی​

ترے ہوتے ہوئے فلک سے کیوں ہو شرمندہ زمیں ساقی​

یہ کس بھٹّی کی دی تو نے شرا بِ آتشیں ساقی​

کہ پیتے ہی رگوں میں بجلیاں سی بھر گئیں ساقی​

یہیں سے پاوٗں گا ہر نعمت دنیا و دیں ساقی​

کہیں کیوں جاوٗں تیرے میکدہ میں کیا نہیں ساقی​

جو تر دامن ہے تیرا پاک دامانوں سے بہتر ہے​

گریباں چاک ہے اشکوں سے تر ہے آستیں ساقی​

نہ چھیٹ اے محتسب!میں ہوں مٔے وحدت کا متوال​

میں وہ مے خوار جس کے ہیں ختم المرسلیں ساقی​

سلامت تیرا میخانہ ،سلامت تیرے مستانے​

رہے گا رنگ عالم میں یہی تا یوم دیں ساقی​

وہی باتیں تو مجذوب اپنی بَڑ میں کہہ سناتا ہے​

ذرا سنبھلے ہؤے لفظوں میں جو تو نے کہیں ساقی​

عجب مشرب ہے تیرا تجھ کو اے مجذوب کیا سمجھیں​

کہیں پیر مغاں تو ہے 'کہیں میکش'کہیں ساقی​

دیوانے کو فرزانہ اور فرزانے کو دیوانہ بنا دینے والا کلام ہے
شریک محفل کا شکریہ
شاد و آباد رہیں

 

[سید عاطف علی]

سر حسب ارشاد ، حاضر ہے

​

اگر ملتی رہی تھوڑی سی دردِ تہ نشیں ساقی​

تو بس پھر من و سلویٰ ہے مجھے نانِ جویں ساقی​

ہوا اب سرِ وحدت کا مجھے عین الیقیں ساقی​

کہ یکساں ہیں میرے دامان و جیب و آستیں ساقی​

ترے رندوں پہ سارے کھل گئے اسراِرِدیں ساقی​

ہوا علم الیقیں ، عین الیقین ، حق الیقیں ساقی​

زبردستی لگادی منھ سے بوتل آج ساقی نے​

میں کہتا ہی رہا ہاں ہاں نہیں ساقی نہیں ساقی​

الٰہی خیر ہو مجذوب میخانہ میں آیا ہے​

قدح کش لا اِؤبالی ، جام نازک نازنیں ساقی​

۔۔۔ ۔۔۔ ۔۔۔ ۔۔۔ ۔۔۔​

گھٹا اُٹھی ہے تو بھی کھول زُلف عنبریں ساقی​

ترے ہوتے ہوئے فلک سے کیوں ہو شرمندہ زمیں ساقی​

یہ کس بھٹّی کی دی تو نے شرا بِ آتشیں ساقی​

کہ پیتے ہی رگوں میں بجلیاں سی بھر گئیں ساقی​

یہیں سے پاوٗں گا ہر نعمت دنیا و دیں ساقی​

کہیں کیوں جاوٗں تیرے میکدہ میں کیا نہیں ساقی​

جو تر دامن ہے تیرا پاک دامانوں سے بہتر ہے​

گریباں چاک ہے اشکوں سے تر ہے آستیں ساقی​

نہ چھیٹ اے محتسب!میں ہوں مٔے وحدت کا متوال​

میں وہ مے خوار جس کے ہیں ختم المرسلیں ساقی​

سلامت تیرا میخانہ ،سلامت تیرے مستانے​

رہے گا رنگ عالم میں یہی تا یوم دیں ساقی​

وہی باتیں تو مجذوب اپنی بَڑ میں کہہ سناتا ہے​

ذرا سنبھلے ہؤے لفظوں میں جو تو نے کہیں ساقی​

عجب مشرب ہے تیرا تجھ کو اے مجذوب کیا سمجھیں​

کہیں پیر مغاں تو ہے 'کہیں میکش'کہیں ساقی​

واہ واہ واہ۔۔۔ کیا ہی دلبستگی ہے لب و لہجے کی ۔۔۔۔کیا کہنے ۔۔۔۔مجذوب صاحب کے ساتھ محترم برادر زبیر صاحب کو اکیس توپوں کی سلامی۔۔۔ واہ

اپنی یاد داشت سے ایک اور شعر ذرا متفاوت نکلا ۔۔۔​

وہی باتیں ۔۔تو مجذوب اپنی بَڑ میں۔۔ بڑبڑاتا ہے​

ذرا سنبھلے ہؤے لفظوں میں جو تو نے کہیں ساقی
​

 

[امجد میانداد]

زلف و رخ کو ڈھانکئے! یہ بھی کوئی انداز ہے !
اس کو حیراں کردیا ،اس کو پریشاں کردیا
پھونک دی اک روح ِنو مجھ میں مری ہر آہ نے
دردِ دل نے میری رگ رگ کو رگِ جاں کردیا


تلخ کردی زندگی شورش! تری کچھ حد بھی ہے
اُف مرے ہر زخم کو تو نے نمک داں کردیا
یہ تری زلفیں یہ آنکھیں یہ ترا مکھڑا یہ رنگ
حور کو اللہ کی قدرت نے انساں کردیا

واہ جناب واہ،

آپ اہلیانِ ذوق کا ساتھ رہا تو اِس نا اہل و کاہل انسان تک بھی علم اور ذوق رستا رستا پہنچ ہی جائے گا انشاءاللہ۔

 

[آبی ٹوکول]

مجھ کو سوجھا بھی تو کیا مجذوب وحشت کا علاج
میں نے دل وابستۂ زلفِ پریشاں کردیا
واہ کیا کہنے واہ واہ سبحان اللہ

 

[نایاب]

سبحان اللہ
کیا ہی خوب انتخاب ہے
بہت شکریہ بہت دعائیں محترم سید بھائی

جن کی اُستادی پہ خود حکمت بجا کرتی تھی ناز
ایک اُمّی نے انھیں طفلِ دبستاں کردیا

 

[باباجی]

آہا آہا آہا
لطف آگیا پڑھ کر ، بہت شکریہ شاہ جی
آج کا دن ہی سرشاری و سکوں کا ہے اتنا خوبصورت کلام پڑھ کر مزہ دوبالا ہوگیا

زلف و رخ کو ڈھانکئے! یہ بھی کوئی انداز ہے !
اس کو حیراں کردیا ،اس کو پریشاں کردیا
مجھ کو سوجھا بھی تو کیا مجذوب وحشت کا علاج
میں نے دل وابستۂ زلفِ پریشاں کردیا​

​

اور اس پر سوا سیر آپ نے حسب خواہش جناب سید عاطف علی صاحب ایک​

اور دیوانہ کردینے والا کلام شیئر کردیا ہائے ہائے​

​

ترے رندوں پہ سارے کھل گئے اسراِرِدیں ساقی
ہوا علم الیقیں ، عین الیقین ، حق الیقیں ساقی
زبردستی لگادی منھ سے بوتل آج ساقی نے
میں کہتا ہی رہا ہاں ہاں نہیں ساقی نہیں ساقی
جو تر دامن ہے تیرا پاک دامانوں سے بہتر ہے
گریباں چاک ہے اشکوں سے تر ہے آستیں ساقی

 

[سید عاطف علی]

آج تو برادر زبیر نے ایسا ذکر چھیڑ دیا کہ محفل گویا سج گئی ۔

 

[سید زبیر]

سر

آج تو برادر زبیر نے ایسا ذکر چھیڑ دیا کہ محفل گویا سج گئی ۔

سرکار آپ کی نوازشیں ہیں

 

[سید زبیر]

واہ واہ واہ۔۔۔ کیا ہی دلبستگی ہے لب و لہجے کی ۔۔۔ ۔کیا کہنے ۔۔۔ ۔مجذوب صاحب کے ساتھ محترم برادر زبیر صاحب کو اکیس توپوں کی سلامی۔۔۔ واہ

اپنی یاد داشت سے ایک اور شعر ذرا متفاوت نکلا ۔۔۔​

وہی باتیں ۔۔تو مجذوب اپنی بَڑ میں۔۔ بڑبڑاتا ہے​

ذرا سنبھلے ہؤے لفظوں میں جو تو نے کہیں ساقی​

​

میں نے اصل کتاب سے اخذ کیا تھا ، وہاں ایسا ہی تھا

 

[عمر سیف]

بہت خوب ۔