فرخ منظور
لائبریرین
لے آئے اِنقلابِ سپہرِ بریں کہاں
اللہ ہم کہاں وہ ثُریّا جبیں کہاں؟
در ہے نہ آستاں ، نہ حرم ہے نہ بُتکدہ
یارب مچل پڑی ہے ہماری جبیں کہاں؟
سُورج کی سب سے پہلی کِرن خوشنما سہی
لیکن تر ی نظر کی طرح دلنشیں کہاں؟
ہاں دل کی حسرتوں کا تو ماتم کریں گے ہم
لیکن وہ خوں فشانیء چشمِ حزیں کہاں
دامن کشِ نظر ہے کسی کا حریمِ ناز
دُنیا میں آ گئی یہ بہشتِ بریں کہاں؟
آنکھوں نے ذرّے ذرّے پہ سجدے لُٹائے ہیں
کیا جانے جا چھپا مرا پردہ نشیں کہاں؟
کوثر پلا کے ہم سے نہ حوریں کریں مذاق
ہم رندِ تلخ نوش کہاں ، انگبیں کہاں؟
زاہد تری بہشت میں حوریں سہی مگر
ہم جس کو چاہتے ہیں وہ زہرہ جبیں کہاں؟
ساقی کی چشمِ مست کا صدقہ ہے ورنہ شیخ
اختر کہاں ، یہ شعلہء مینا نشیں کہاں؟
(اختر شیرانی)
اللہ ہم کہاں وہ ثُریّا جبیں کہاں؟
در ہے نہ آستاں ، نہ حرم ہے نہ بُتکدہ
یارب مچل پڑی ہے ہماری جبیں کہاں؟
سُورج کی سب سے پہلی کِرن خوشنما سہی
لیکن تر ی نظر کی طرح دلنشیں کہاں؟
ہاں دل کی حسرتوں کا تو ماتم کریں گے ہم
لیکن وہ خوں فشانیء چشمِ حزیں کہاں
دامن کشِ نظر ہے کسی کا حریمِ ناز
دُنیا میں آ گئی یہ بہشتِ بریں کہاں؟
آنکھوں نے ذرّے ذرّے پہ سجدے لُٹائے ہیں
کیا جانے جا چھپا مرا پردہ نشیں کہاں؟
کوثر پلا کے ہم سے نہ حوریں کریں مذاق
ہم رندِ تلخ نوش کہاں ، انگبیں کہاں؟
زاہد تری بہشت میں حوریں سہی مگر
ہم جس کو چاہتے ہیں وہ زہرہ جبیں کہاں؟
ساقی کی چشمِ مست کا صدقہ ہے ورنہ شیخ
اختر کہاں ، یہ شعلہء مینا نشیں کہاں؟
(اختر شیرانی)
