چوتھی سالگرہ لائبریری : گوشۂ اردو محفل

سیدہ شگفتہ

لائبریرین


لائبریری : گوشہ اردو محفل




اچھا جناب ہفتہ لائبریری سے ایک دھاگہ یہاں شیئر ہو جائے اور یہاں ذکر کریں گے لائبریری میں "گوشۂ اردو محفل" مختص کیے جانے کا ۔ یہ ایک پرانا خواب ہے تقریبا لائبریری کے آغاز کے وقت سے ہی اور اب اس خواب کی تعبیر کی سمت میں پہلا قدم بڑھانے کا وقت ہے ۔ خوش قسمتی سے اردو محفل فورم پر مختلف النوع مواد جمع ہوتا رہا ہے ، ہو چکا ہے اور جمع ہو رہا ہے ۔ یہ مواد تفریحی بھی ہے اور معلوماتی بھی جو کہ یہاں پر بہت سے اراکین اردو محفل کی انفرادی اور مشترکہ محنت اور دلچسپی سے یہاں جمع ہوا ہے اور ہو رہا ہے ۔ مثال کے طور پر شمشاد بھائی کے آغاز کیے ہوئے مختلف سلسلے ، نبیل بھائی اوردیگر اراکین کے کہانی نویسی کے سلسلے ، تعبیر کی تصاویر ، سارہ کی ذہانت ، زکریا بھائی کا فوٹو گرافی کا کھیل ، اسی طرح دوسرے بہت سے اراکین کے شروع کیے عنوانات ۔ چند سلسلوں کا آغاز تجرباتی طور پر بھی کیا تھا اور حوصلہ افزا اور مفید نتائج حاصل ہوئے ۔ اس ضمن میں کچھ دیگر سلسلے بھی آغاز کیے جا سکتے ہیں ۔

گوشہ اردو محفل کی تشکیل اس طرح ہو گی کہ ہم اردو محفل کے مختلف زمرہ جات اور ذیلی زمرہ جات سے ایسے مختلف عنوانات اور سلسلے منتخب کریں گے اور ان کے تمام متعلقہ مواد کو کانٹ چھانٹ کرکے ، اکٹھا کر کے ضروری معلومات شامل کر کے انہیں ای بک کی شکل میں لائبریری میں شامل کر دیا کریں گے ۔ مثال کے طور پر درج ذیل روابط دیکھیں :


کھیل ہی کھیل کے زمرہ میں



روزمرہ محاورے اورضرب الامثال


اقوال زریں



تصاویر



متفرقات


اپنا اپنا دیس



گپ شپ



روز مرہ کے معمولات سے


آپ تمام اراکین ایسے مختلف سلسلوں اور عنوانات کی نشاندہی کر سکتے ہیں ۔ آپ کو اس ربط پر موجود کسی بھی زمرہ یا ذیلی زمرہ سے ایسے تمام معلوماتی ، تفریحی ، علمی ، تحقیقی جواہر کی نشاندہی کی دعوت ہے ۔ علاوہ ازیں آپ خود بھی کوئی نیا سلسلہ آغاز کر سکتے ہیں جسے اردو محفل گوشہ میں شامل کیا جا سکے ۔


آپ سب کا شکریہ

 

نبیل

تکنیکی معاون
شگفتہ بہن، کیا ان زمرہ جات سے لائبریری کے لیے مواد منتخب کرنے کا پروگرام ہے؟ آئیڈیا اچھا ہے لیکن اس میں احتیاط کی ضرورت ہوگی، ورنہ آنے والا کون ہے کو کمپائل کرنے پر ہی طلسم ہوشربا جتنا والیوم بن جائے گا۔ :confused:
 

الف عین

لائبریرین
ایک سلسلہ میں نے اسی مقصد سے شروع کیا تھا، گھریلو نسخوں اور ٹوٹکوں کا، لیکن بعد میں یہ بھی غیر فعال ہو گیا۔ میں بھی اس طرف توجہ نہیں دے سکا۔ اب تو اس کا ربط بھی ڈھونڈنا مشکل ہے۔
 

نبیل

تکنیکی معاون
اعجاز اختر صاحب، شگفتہ کا آئیڈیا اسی اعتبار سے کارآمد ہے کہ اس طرح محفل فورم کے اچھے مراسلے سامنے لائے جا سکیں گے۔
 

سیدہ شگفتہ

لائبریرین
شگفتہ بہن، کیا ان زمرہ جات سے لائبریری کے لیے مواد منتخب کرنے کا پروگرام ہے؟ آئیڈیا اچھا ہے لیکن اس میں احتیاط کی ضرورت ہوگی، ورنہ آنے والا کون ہے کو کمپائل کرنے پر ہی طلسم ہوشربا جتنا والیوم بن جائے گا۔ :confused:


نبیل بھائی ، اس کے لیے اس طرح کریں گے کہ مواد کا انتخاب مشاورت سے کریں گے اور ترجیحاً ایسا مواد جسے ریفرینس کے طور پر استفادہ کیا جا سکے (ثانیاً تفریحی و دلچسپی کے حامل عنوانات بھی) یہ کام لائبریری کے شعبہ تحقیق و تالیف کے تحت انجام دیا جانا بہترہو گا اور اس میں اراکین محفل کی شمولیت ہو گی فورم پر بہت سے اراکین نے بہت اچھے ، دلچسپ اور مفید سلسلے شامل کیے ہوئے ہیں اوربہت محنت کی ہوئی ہے اس طرح ان کی محنت محفوظ بھی ہو جائے گی مستقل طور پر۔ میرے ذہن میں اس کے لیے بہت زیادہ آئیڈیاز ہیں تقریبا تمام فورم کے زمرہ جات کے حوالے سے فی الحال اس کا آغاز کرنا ہے پھر جیسے جیسے ایک ٹیم تشکیل پاتی جائے گی ایک واضح صورت سامنے آتی جائے گی ۔ میرے ذہن مین اردولائبریری کے لیے جو وژن ہے اگر ہم اسے عملی صورت میں تشکیل دے سکے تو اس طرح کی لائبریری دنیا بھر میں اپنی نوعیت کی واحد لائبریری ہو گی ۔

 

سیدہ شگفتہ

لائبریرین
ایک سلسلہ میں نے اسی مقصد سے شروع کیا تھا، گھریلو نسخوں اور ٹوٹکوں کا، لیکن بعد میں یہ بھی غیر فعال ہو گیا۔ میں بھی اس طرف توجہ نہیں دے سکا۔ اب تو اس کا ربط بھی ڈھونڈنا مشکل ہے۔


اعجاز انکل ، آپ نے وہ نسخے اور ٹوٹکے اپنے پاس محفوظ کیے تھے ؟
 

الف عین

لائبریرین
اب تو محفوظ نہیں رہے، ناگپور میں تھا تو شاید دفتر کے سسٹم میں محفوظ کئے تھے۔
اس پر یاد آیا کہ پرسوں ماوراء نے سکرب ڈ پر تحریر مقابلے کی انعام یافتہ تحریریں رکھی ہوئی ہیں ایک ای بک بنا کر۔
 

ماوراء

محفلین
اس پر یاد آیا کہ پرسوں ماوراء نے سکرب ڈ پر تحریر مقابلے کی انعام یافتہ تحریریں رکھی ہوئی ہیں ایک ای بک بنا کر۔
جی اعجاز انکل۔ میں نے بنائی تھی۔۔ سوچ رہی تھی کہ کب اور کس موقع پر اسے پوسٹ کروں۔ آپ نے ذکر کر دیا تو یہی پوسٹ کر دیتی ہوں۔
Tehreeri Muqaabla@@AMEPARAM@@/docinfo/17208558?access_key=key-2mklw9ow90nw5vfx51ai@@AMEPARAM@@17208558@@AMEPARAM@@key-2mklw9ow90nw5vfx51ai
 

الف عین

لائبریرین
ایک اور آئڈیا آیا ہے۔
آپ لوگوں میں سے بہت سوں نے Readers' Digest ضرور پڑھا ہو گا۔ اس میں اکثر اس قسم کے لطائف ہوتے ہیں، جن کا انتخاب بھی ریڈرس ڈائجیسٹ والے خود ہی شائع کرتے ہیں۔
Humour in Unform
All in a Day's work

Child speak (Or some thing like that)

اس قسم کا یہاں بھی شروع کیا جائے اور ان کو کمپائل کیا جائے۔
بچوں کی باتیں
کام کے دوران
مسجد میں مزاح (جی ہاں مسجد میں عبادات کے موقع پر بھی کبھی کبھی اس قسم کے دل چسپ واقعات ہوتے ہیں۔ ایک تو ابھی یاد آیا
 

سیدہ شگفتہ

لائبریرین
السلام علیکم ،

اس گوشہ کے لیے روابط یہیں اکٹھا کرتے جائیں گے ۔ آپ کو جو بھی عنوان گوشہ اردو محفل میں شامل کرنے لائق محسوس ہو یہاں اس کا ربط فراہم کرتے جائیں ۔

شکریہ


مسجد میں مزاح
 
Top