سیدہ شگفتہ
لائبریرین
لائبریری کے مستقل اراکین کے گوشے
لائبریری پراجیکٹ کو آغاز سے اب تک بہت سے مخلص اراکین میسر آئے ہیں جو اپنی محنت اور کوشش سے لائبریری پراجیکٹ میں کسی نہ کسی حوالے سے اہم کردار ادا کرتے رہے ہیں اور یقینا لائبریری کو آئندہ بھی ایسے مخلص اراکین میسر آتے رہیں گے جو لائبریری کو بہترین صورت میں فعال ادارہ بنانے میں اپنا کردار مستقل و مسلسل ادا کرتے رہیں گے ۔ ایسے تمام اراکین کی کاوش و کوششوں کے اعتراف کے طور پر لائبریری میں تمام مستقل اراکین کے لیے ایک جداگانہ گوشہ مخصوص رہے گا جہاں ان کا تمام کام انفرادی کاوش کی نشاندہی کے طور پر موجود رہے گا ۔ اس ذیل میں ایک فہرست مرتب ہو رہی ہے تاہم آپ سب کی آرا کی روشنی میں اس فہرست کو شفاف رکھنے میں مدد ملے گی ۔ یہاں میں آپ تمام اراکین کو بھی دعوت دینا چاہوں گی کہ اگر آپ اس فہرست کے لیے لائبریری اراکین میں سے جو نام پیش کرنا چاہیں یہاں کر سکتے ہیں ، ایسے اراکین جنہوں نے مسلسل کام کیا ہو یا ان کا کام مفید نتائج حاصل کرنے کا سبب بنا ہو ، یہ دھاگہ اسی سلسلے میں پیش کیا جا رہا ہے ۔ میں یہاں پر بہت سے نام پیش کرنا چاہ رہی ہوں لیکن مجھے اپنا ہاتھ روکنا پڑے گا تاکہ دیگر اراکین پہلے یہاں نام پیش کرنا چاہیں تو کر سکیں ۔
شکریہ
