ٹپس اور ٹرکس فےو آئکن(favicon) کس طرح بنائیں

دوست نے 'اردو آئی۔ٹی ٹیوٹوریل' کی ذیل میں اس موضوع کا آغاز کیا، ‏اکتوبر 11, 2006

  1. دوست

    دوست محفلین

    مراسلے:
    13,037
    جھنڈا:
    Germany
    موڈ:
    Fine
    فےو آئکن ایک سولہ ضرب سولہ پکسل کی تصویر ہوتی ہے جو براؤزر کے ایڈریس بار میں یو آر ایل کے بائیں طرف ظاہر ہوتی ہے۔ ویب سائٹ‌کو نشان زد کرنے کی صورت میں براؤزرز جیسے فائر فاکس میں یہ نشان زدگی کے ساتھ ہی محفوظ ہوجاتی ہے۔ ایک خوبصورت اور پرکشش فےو آئکن صارف پر اچھا تاثر چھوڑتا ہے اور اس وجہ سے وہ ویب سائٹ کا زیادہ وزٹ کرتا ہے۔ فےو آئکن کیسے بنایا جائے۔ میں نے اس سلسلے میں حکیم صاحب سے مدد لی اور پھر گوگل سے اس کے بعد مجھے جو کچھ معلوم ہوا حاضر ہے۔
    سب سے پہلے آپ پینٹ کھول لیں۔ اس میں لکھائی کا انتخاب چنیں اور اپنی پسند کا فونٹ منتخب کرکے ایک مناسب پوائنٹ سائز ( میں نے اس مثال میں 10 استعمال کیا ہے) رکھ کر اپنی عبارت لکھ لیں۔
    جیسے “شاکر کا بلاگ“ (آپ کو ونڈوز کی اردو سپورٹ درکار ہوگی یا لینکس جو بھی آپ استعمال کررہے ہیں)۔لفظ جتنے کم ہونگے فےوآئکن اتنا ہی واضح ہوگا۔ اب اگلا مرحلہ اس کو محفوظ کرنے کا ہے۔اس کو محفوظ اس طرح کرنا ہے کہ تصویر کا رقبہ اتنے حصے پر مشتمل ہو جتنے حصے پر لکھا ہوا نظر آرہا ہے اگر سفید حصہ بھی شامل ہوا تو فےوآئکن میں سفیدی اور چند دھبے ہی نظر آئیں گے۔تصویر ملاحظہ ہو۔[​IMG]
    اگر آپ اس کے مطابق کچھ رنگ بھی اطراف میں بھر لیں تو عبارت مزید واضح ہوجائے گی۔ اب اگلا مرحلہ اس کو محفوظ کرنے کا ہے۔ پینٹ میں جے پی جی بناوٹ میں تصویر محفوظ کرنے کی سہولت ہے اس مثال میں فائل اسی بناوٹ میں محفوظ کی گئی تھی۔ لینکس کے صارفین اپنا پسندیدہ تصویری مدِون استعمال کرکے اس طرح کی تصویر تخلیق کرلیں چاہے پی این جی میں ہی ہو۔ آگے کے مراحل ایک جیسے ہی ہیں۔ اب آپ نے جہاں جانا ہے وہ ویب سائٹ ذیل میں دی گئی ہے۔
    http://www.html-kit.com/favicon/
    یہاں جاکر فائل کو اپلوڈ کردیں۔ اور پھر جنریٹ فےوآئکن پر کلک کرکے ایک عدد فےو آئکن بنا لیں۔ تصویر ملاحظہ ہو۔[​IMG]
    یہاں اگر آپ دیکھیں تو نچلے خانے میں ایک اور چیز بھی دکھ رہی ہے یعنی متحرک فےو آئکن۔یہاں اپنی پسند کی عبارت داخل کریں اور وہ اینیمیشن کی صورت میں آپ کی پہلے تیار کردہ تصویر میں ضم ہوجائے گی۔ یاد رہے ابھی صرف انگریزی عبارت لکھ سکتے ہیں اردو یا یونیکوڈ کی سہولت میسر نہیں۔(اس ویب سائٹ پر۔ گرافک کےماہر احباب کسی یونیکوڈ سپورٹ کرنے والے مدوِن میں باآسانی ایسی متحرک تصویر بنا کر اسے فےوآئکن کی شکل دے سکتے ہیں)۔ اس مثال میں جو عبارت میں نے دی وہ یہ تھی
    SHAKIRKABLOG
    اس کے بعد فے وآئکن بنا لیا جو اس تصویر میں ایکشن میں نظر‌آرہا ہے۔[​IMG]
    اگلے مرحلے میں آپ اسے اتار سکتے ہیں یا اس کا پیش منظر بھی دیکھ سکتے ہیں جیسے[​IMG]
    فےو آئکن زپ فائل کی شکل میں ہوگا اس میں‌ ایک نارمل فےو آئکن ڈاٹ آئکو فائل ہوگی اور بونس میں متحرک آئکن بھی ہوگا۔ ساتھ ایک فائل ہوگی جس میں دو کوڈ ہیں۔ یہ دونوں کوڈ آپ نے اپنے بلاگ/سائٹ کے ہیڈر میں شامل کردینے ہیں اور فائلیں اپنی ہوم ڈائرکٹری میں چڑھا دینی ہیں۔ پاتھ دیتے وقت نام ٹھیک ہیں کی احتیاط کر لیجیے گا۔ کچھ ہی دیر میں آپ کی ویب سائٹ پر فےو آئکن نظر آنے لگے گا۔( کچھ دیر ہوجائے تو پریشان نہیں ہونا میرا دو تین گھنٹوں بعد چالو ہوا جب میں مایوس ہوچکا تھا۔)۔
    تو یہ تھا جناب فےو آئکن اب احباب اسے بنائیں اور موج اڑائیں۔ مزید معلومات اس سلسلے میں رکھتے ہوں تو بخل سے کام نہ لیں۔
    وسلام
     
    • پسندیدہ پسندیدہ × 5
    • معلوماتی معلوماتی × 1
  2. شاکرالقادری

    شاکرالقادری لائبریرین

    مراسلے:
    2,696
    موڈ:
    Cheerful
    زبردست شاکر بھائی
    میں بھی ٹرائی کرتا ہوں
    اگر مجھ سے نہ ہو سکا تو آپ کو زحمت دونگا
    زیادہ آداب
     
  3. پاکستانی

    پاکستانی محفلین

    مراسلے:
    4,529
    جھنڈا:
    Pakistan
    موڈ:
    Brooding
    خوب شاکر بھائی
     
  4. قیصرانی

    قیصرانی لائبریرین

    مراسلے:
    45,875
    جھنڈا:
    Finland
    موڈ:
    Festive
    شکریہ دوست بھائی اور جزاک اللہ۔ صرف ایک درخواست ہے کہ کچھ خطرناک مترادفات سے پرہیز کریں :lol:
     
  5. محمد فہیم

    محمد فہیم محفلین

    مراسلے:
    94
    جھنڈا:
    Pakistan
    موڈ:
    Cheerful
    بہت ہی اچھا لکھا ہے اللہ آپ کو اس کی جزا دے آمین
     
  6. دوست

    دوست محفلین

    مراسلے:
    13,037
    جھنڈا:
    Germany
    موڈ:
    Fine
    پسندیدگی کا شکریہ۔
     
  7. عبدالرحمٰن

    عبدالرحمٰن محفلین

    مراسلے:
    432
    دوست بھائی شکریہ
     
  8. رند

    رند محفلین

    مراسلے:
    359
    بہت زبردست مضمون تھریر کیا جی آپ نے شاکر بھائی آپ کی جتنی بھی تعریف کی جائے کم ہے بہت زبردست جناب
     
  9. دوست

    دوست محفلین

    مراسلے:
    13,037
    جھنڈا:
    Germany
    موڈ:
    Fine
    نوازش مہربانی
     
  10. lovehumanity

    lovehumanity محفلین

    مراسلے:
    1
    بہت خوبصورت لکھا ھے اللہ آپکو مزید لکھنے کی ہمت دے آمین
     
    • پسندیدہ پسندیدہ × 1
  11. شاکرالقادری

    شاکرالقادری لائبریرین

    مراسلے:
    2,696
    موڈ:
    Cheerful
    اگر مجھے یہ آئکن اپنے فورم میں شامل کرنا ہو تو میں اس کو کونسی فائل میں کہاں پر سکرپٹ ایڈ کروں
     
  12. دوست

    دوست محفلین

    مراسلے:
    13,037
    جھنڈا:
    Germany
    موڈ:
    Fine
    index.php نامی فائل لوڈ ہوا کرتی ہے شاید اس کے ہیڈر میں شامل ہوگا یہ۔ ورڈپریس میں ‌header.php نامی فائل الگ سے ہوتی ہے پی ایچ پی بی بی میں بھی اس طرح کا کوئی سسٹم ہونا تو چاہیے۔
     
  13. فرضی

    فرضی محفلین

    مراسلے:
    743
    فیو ائکن بک مارک میں کسی سائٹ کو ڈھونڈنے کے لیے بھی کافی مدد گار ثابت ہوتی ہے۔ یعنی پڑھنے کی ضرورت نہیں پڑھتی اور تصویر دیکھ کر ہی آپ کلک کر دیتے ہیں۔۔

    اردو محفل جب سے وی بیلٹن پر منتقل ہوئی ہے فیو آئکن سے محروم ہے۔۔۔ ناظمان حضرات سے گزارش ہے کہ شاکر کی تحریر سے استفادہ کیا جائے۔اور اردو محفل کو ایک خوبصورت فیو آئکن سے مزین کیا جائے
     
    • پسندیدہ پسندیدہ × 2
  14. ساجداقبال

    ساجداقبال محفلین

    مراسلے:
    2,018
    میں بھی کہوں کہ فرضی میاں پی ایچ ڈی ان فیویکن ابھی تک اس دھاگے سے کیوں غائب تھے۔ :grin:
     
  15. فرضی

    فرضی محفلین

    مراسلے:
    743
    ھاھاھاھا۔۔۔۔۔۔۔۔۔۔۔۔ فیو آئکن میری پسندیدہ چیز ہے۔:)

    فائر فوکس والوں نے اب نئے براؤزر میں فیو آئکن کے ساتھ ایک اور فیچر متعارف کرایا ہے۔ آپ سائٹ کی فیو آئکن پر کلیک کریں تو آپکو سائٹ کے اونر کی انفارمیشن وغیرہ دکھائی دیں گی۔
     
    • پسندیدہ پسندیدہ × 2

اس صفحے کی تشہیر