فورٹران لینگوئیج کے بارے میں ۔۔۔؟؟

[سیفی]

فورٹران لینگوئیج کے بارے میں ۔۔۔

سلام دوستانِ بزمِ اردو
امید ہے کہ سب لوگ خیریت سے ہوں گے۔
مجھے پوچھنا تھا کہ کیا فورٹران لینگوئیج آجکل بھی استعمال ہو رہی ہے یا نہیں۔ مزید برآں اس میں کوئی مزید نئے ورژن آئے ہیں یا ۔۔۔۔۔
اور فورٹران میں Object Oriented Programming ہو سکتی ہے یا نہیں۔

 

[جیسبادی]

اچھا سوال ہے۔ فورٹران زندہ ہے۔ میٹلیب جیسے پروگراموں کے پیچھے فورٹران میں لکھے نمبری انجن ہی کام کر رہے ہوتے ہیں۔ سائینس کے وہ مقام جہاں واقعی نمبری ضروریات ہیں، فورٹران میں ہی کام کرتے ہیں۔ اچھے کمپائیلر گنّو اور انٹیل سے مل سکتے ہیں۔ فورٹران ۷۷، ۹۰، ۹۵ کا ذکر سننے میں ملتا ہے۔ اوبجیکٹ کی طرف بھی کچھ کام ہوا ہے۔
http://www.cs.rpi.edu/~szymansk/oof90.html

 

[سیفی]

اچھا سوال ہے۔ فورٹران زندہ ہے۔

ع۔۔ زندہ ہیں کتنے لوگ محبت کئے بغیر۔۔۔۔

شکریہ جیسبادی !!
آپ کی بتائی url کافی معلوماتی ہے۔ ویسے یہ بتائیں url کا اردو ترجمہ بھی ہے یا ۔۔۔۔۔۔۔۔۔۔؟؟

 

[سیفی]

السلام علیکم

جناب ایچ پی کی ویژول فورٹران اب میدان میں ہے مگر پروفیشنل ورژن کی قیمت

سن کر تو ۔۔۔۔۔۔۔۔

ایچ پی والوں نے اس کا ٹرائل ورژن بھی نہیں دیا۔۔۔۔دیکھتے ہیں کب اس کا کریکڈ ورژن آتا ہے بازار میں۔۔۔۔۔۔۔۔

ویسے کسی صاحب کو یہاں فورٹران یا اسمبلی پروگرامنگ سے دلچسپی ہے یا نہیں۔۔۔۔۔۔۔

 

[نبیل]

سیفی، یہ وژیوئل انوائرنمنٹ میں اپلیکیشن ڈیولپمنٹ تو نئی نسل کے چونچلے ہیں جنہوں نے پی سی سے آگے کی دنیا نہیں دیکھی۔ آج بھی بزنس انفارمیشن سسٹمز میں کوبول استعمال ہوتی ہے۔ یہ اکثر کہا جاتا رہا ہے کہ یہ ایک متروک زبان ہے، اسکے باوجود اس میں وقت کے ساتھ بہتری لائی جاتی رہی ہے۔ اسکے علاوہ یہ بھی مسئلہ ہے کہ اس وقت کئی دہائیوں سے کوبول پر کیا گیا کام اربوں ڈالرز کی مالیت کا ہے۔ اسے اتنے آرام سے نہیں کوڑے میں پھینکا جا سکتا۔

رہی بات فورٹران کی تو یہ سپر کمپیوٹرز اور سپر کمپیوٹنگ کی زبان ہے۔ فورٹران ان پرابلمز کے حل کے لیے زیادہ موزوں ہے جن میں بے تحاشہ ہندساتی کام ہوتا ہے۔ انہیں نمبر کرنچنگ اپلیکیشنز بھی کہتے ہیں۔ ایسی اپلیکیشنز کے لیے فورٹران سی یا سی پلس پلس کی نسبت کیوں زیادہ موزوں ہے، اس کی وجہ تاریخی ہے۔ سی، سی پلس پلس کمپائلرز نہ جانے کیوں کوڈ جنریٹ کرتے ہوئے فلوٹنگ پوائنٹ نمبرز کی ایکوریسی تہ و بالا کر دیتے ہیں جبکہ فورٹران کمپائلرز بہترین ایکوریسی مہیا کرتے ہیں۔ اسکے علاوہ فورٹران کمپائلرز بہتر طور پر کوڈ آپٹمائزیشن کر سکتے ہیں۔ اسکی وجہ یہ ہے کہ فورٹران میں سی، سی پلس پلس کی طرح گھن چکریاں نہیں دکھائی جاسکتی۔

چلیں اب کچھ اردو دانی کا ڈھونگ رچاتے ہیں۔ یو آر ایل کا لفظی ترجمہ تو کائناتی تلاش کنندہ بنے گی۔ ہمم۔۔کچھ بات بنی کہ نہیں؟

 

[جیسبادی]

نمبروں کی کمپوٹنگ (سائینٹفنگ کمپوٹینگ) میں scilab بہت مفید ہے۔ تمام بڑے numerical package اس میں پہلے سے موجود ہیں۔ آسان سی سکرپٹنگ زبان ہے۔ اس میں آپ فورٹران یا C کی روٹینز بھی لنک کر سکتے ہو۔ تمام پلیٹ فارم پر چلتی ہے۔ صحیح معنوں میں "ویژول" ہے۔ اس کا بڑا فائدہ یہ ہے کہ غلطی کا امکان بہت کم ہو جاتا ہے اور صحیح معنوں میں تیز رفتار rapid development پرورش ہوتی ہے۔ اگر آپ کو ریاضی سے کسی طرح کا بھی شغف ہے (یا آپ کو خوش فہمی ہے کہ شغف ہے ) تو یہ ایک لازمی پروگرام ہے جو آپ کے کمپوٹر پر نصب ہونا چاہیے۔