ن م راشد فلک سے گر گے بھی ٹوٹا نہ شیشۂ چینی

حسان خان نے 'پسندیدہ کلام' کی ذیل میں اس موضوع کا آغاز کیا، ‏ستمبر 23, 2012

  1. حسان خان

    حسان خان لائبریرین

    مراسلے:
    17,635
    جھنڈا:
    Pakistan
    موڈ:
    Bookworm
    فلک سے گر گے بھی ٹوٹا نہ شیشۂ چینی​
    کہ راس آ ہی گیا اہتمامِ خود بینی​
    رہِ فرار سے اُس تک کوئی پہنچ نہ سکا​
    کہ بے دلی سے تھا برتر مقامِ بے دینی​
    ابھی تو تیشہ بھی ہے اور کوہکن بھی ہے​
    عبث ہے حسن کا پندارِ کوہِ تمکینی​
    وہ ایک جرعہ جو تیری نگاہ نے بخشا​
    تمام زہرِ ہلاہل، تمام شیرینی​
    رہِ تلاش میں گزری تمام عمر مگر​
    ملا نہ کچھ بھی ہوس کو بجز خذف بینی​
    وہ آئے خواب میں یوں، بے صدا چلے جیسے​
    کنارِ کوثر و تسنیم، روحِ گل چینی​
    ہے سب فسردہ دلوں کی نظر کی نقشگری​
    رخِ نگار کی یہ آب و تاب و رنگینی​
    میں شعرِ نو کا خدا ہی سہی مگر راشد​
    مری غزل بھی ہے اُن کے حضور لاطینی​
    (ن م راشد)​
     
    • پسندیدہ پسندیدہ × 4
    • زبردست زبردست × 1
  2. طارق شاہ

    طارق شاہ محفلین

    مراسلے:
    10,618
    جھنڈا:
    Pakistan
    موڈ:
    Bookworm
    خانصاحب!
    بہت عمدہ
    شیئر کرنے کے لئے تشکّر

    " ہے سب فسردہ دلوں کی نظر کی نقشگری "

    بالا مصرع میں شاید ٹائپو ہے، دیکھ لیں، میرے خیال میں ہے کی جگہ ہیں ہونا چائیے
    ہیں سب فسردہ دلوں کی نظر کی نقشگری

    ایک بار پھر سے بہت سی داد
     
    • پسندیدہ پسندیدہ × 1
  3. الف عین

    الف عین لائبریرین

    مراسلے:
    33,762
    جھنڈا:
    India
    موڈ:
    Psychedelic
    یہ ن م راشد کی ہی غزل ہے؟؟؟
     
  4. حسان خان

    حسان خان لائبریرین

    مراسلے:
    17,635
    جھنڈا:
    Pakistan
    موڈ:
    Bookworm
    ایک غزلوں کے مجموعے کے مطابق جی ہاں یہ ن م راشد کی ہی غزل ہے۔
     
  5. سید زبیر

    سید زبیر محفلین

    مراسلے:
    4,362
    جھنڈا:
    Pakistan
    موڈ:
    Dunce
    رہِ تلاش میں گزری تمام عمر مگر
    ملا نہ کچھ بھی ہوس کو بجز خذف بینی
    واہ ۔ ۔ بہت اعلیٰ
     
    • پسندیدہ پسندیدہ × 1

اس صفحے کی تشہیر