ولی دکنی فدائے دلبرِ رنگیں ادا ہوں - ولی دکنی

[حسان خان]

فدائے دلبرِ رنگیں ادا ہوں​

شہیدِ شاہدِ گلگوں قبا ہوں​

​

ہر اک مہ رو کے ملنے کا نئیں ذوق​

سخن کے آشنا کا آشنا ہوں​

​

کیا ہوں ترک نرگس کا تماشا​

طلب گارِ نگاہِ باحیا ہوں​

​

نہ کر شمشاد کی تعریف مجھ پاس​

کہ میں اس سرو قد کا مبتلا ہوں​

​

کیا میں عرض اس خورشید رو سوں​

تو شاہِ حسن میں تیرا گدا ہوں​

​

قدم پر اس کے رکھتا ہوں سدا سر​

ولی ہم مشربِ رنگِ حنا ہوں​

​

(ولی دکنی)​

 

[محمد وارث]

قدم پر اس کے رکھتا ہوں سدا سر​

ولی ہم مشربِ رنگِ حنا ہوں​

واہ واہ واہ، لاجواب​

 

[mohsin ali razvi]

 

[mohsin ali razvi]

وارثی صاحب لو مفت میں فارسی مترجم دستیاب ھوا آپ کو

 

[صائمہ شاہ]

ہر اک مہ رو کے ملنے کا نئیں ذوق
سخن کے آشنا کا آشنا ہوں

 

[قیصرانی]

واہ حسان خان