مومن غیروں پہ کھل نہ جائے کہیں راز دیکھنا

نمرہ

محفلین
غیروں پہ کھل نہ جائے کہیں راز دیکھنا
میری طرف بھی غمزہءغماز دیکھنا

اڑتے ہی رنگ رخ مرا نظروں سے تھا نہاں
اس مرغِ پر شکستہ کی پرواز دیکھنا

دشنامِ یار طبعِ حزیں پر گراں نہیں
اے ہم نفس ، نزاکتِ آواز دیکھنا

دیکھ اپنا حال زار منجم ہوا رقیب
تھا سازگار طالعِ ناساز دیکھنا

بد کام کا مآل برا ہے جزا کے دن
حالِ سپہرِ تفرقہ انداز دیکھنا

مت رکھیو گردِ تارکِ عشاق پر قدم
پامال ہو نہ جائے سر افراز دیکھنا

کشتہ ہوں اس کی چشمِ فسوں گر کا اے مسیح
کرنا سمجھ کے دعوئ اعجاز دیکھنا

میری نگاہِ خیرہ دکھاتے ہیں غیر کو
بے طاقتی پہ سرزنشِ ناز دیکھنا

ترکِ صنم بھی کم نہیں سوزِ جحیم سے
مومن غمِ مآل کا آغاز دیکھنا

 
مدیر کی آخری تدوین:

طارق شاہ

محفلین
غیروں پہ کھُل نہ جائے کہیں راز دیکھنا
میری طرف بھی غمزۂ غمّاز دیکھنا
اُڑتے ہی رنگِ رُخ مِرا، نظروں سے تھا نہاں
اُس مرغِ پرشِکستہ کی پرواز دیکھنا
دُشنامِ یار طبعِ حزِیں پر گِراں نہیں
اے ہم نفَس، نزاکتِ آواز دیکھنا
دیکھ اپنا حال زار منجّم ہُوا رقیب
تھا سازگار طالعِ ناساز دیکھنا
بد کام کا مآل بُرا ہے جزا کے دن
حالِ سپہر تَفرَقہ انداز دیکھنا
مت رکھیو گردِ تارکِ عُشّاق پر قدم
پامال ہو نہ جائے سرافراز دیکھنا
کُشتہ ہُوں اُس کی چشمِ فسُوں گر کا اے مسیح
کرنا سمجھ کے دعوٰئ اعجاز دیکھنا
مِیری نگاہِ خِیرہ دِکھاتے ہیں غیر کو
بے طاقتی پہ سرزنِشِ ناز دیکھنا
ترکِ صنم بھی کم نہیں سوزِ جحیم سے
مومن غمِ مآل کا آغاز دیکھنا
مومن خاں مومن
ترکِ صنم بھی کم نہیں سَوزِ جَحِیم سے
مومن غمِ مآل کا آغاز دیکھنا
کیا کہنے جی !​
بہت خُوب غزل پیش کی مومن خاں مومن کی
تشکّر شیئر کرنے پر صاحبہ!

بہت خوش رہیں :)
 
Top