میرا جی :::: غم کے بھروسے کیا کچھ چھوڑا، کیا اب تم سے بیان کریں

طارق شاہ

محفلین
غزلِ
میرا جی

غم کے بھروسے کیا کچھ چھوڑا، کیا اب تم سے بیان کریں
غم بھی راس نہ آیا دل کو، اور ہی کچھ سامان کریں

کرنے اور کہنے کی باتیں، کِس نے کہیں اور کِس نے کیں
کرتے کہتے دیکھیں کسی کو، ہم بھی کوئی پیمان کریں

بھلی بُری جیسی بھی گزری، اُن کے سہارے گزری ہے
حضرتِ دل جب ہاتھ بڑھائیں، ہر مشکل آسان کریں

ایک ٹھکانا آگے آگے، پیچھے پیچھے مسافر ہے
چلتے چلتے سانس جو ٹوٹے، منزل کا اعلان کریں

میر ملے تھے میرا جی سے، باتوں سے ہم جان گئے
فیض کا چشمہ جاری ہے، حفظ ان کا بھی دیوان کریں


۔۔میرا جی ۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔(خیال بمبئی)
 

عمر سیف

محفلین
واہ ۔۔۔

کرنے اور کہنے کی باتیں، کِس نے کہیں اور کِس نے کیں
کرتے کہتے دیکھیں کسی کو، ہم بھی کوئی پیمان کریں
 
Top