غزل

عباد اللہ

محفلین
نیم وا غنچہ ء لب پر ہے تبسم کی کھنک
یا کہ اکسیر پئے رنجِ زماں ہے کوئی
رہرؤں ایک سنبھل کر رہِ ایقان کے بیچ
کیا کہیں کتنا کٹھن پیچِ گماں ہے کوئی
فکرِ بد کیش پہ ہے اب بھی تردد کا حجاب
دل یہ کہتا ہے کہ اس چپ میں نہاں ہے کوئی
ایک دل ہے کہ نہیں مائلِ شکوہ ورنہ
ہر نفس سلسلہ ء کرب نہاں ہے کوئی
گونج اٹھتی ہے کہیں عرصہ کن میں یہ صدا
چارہ ء زخم پئے دل زدگاں ہے کوئی
ڈھالتے جاتے ہیں ہم حدت خوں سے خورشید
ذوقِ ایجاد بتا ہم سا کہاں ہے کوئی
ہم سے سرگشتہ ء اطوار ہیں نازاں جس پر
وہ بھی اک حلقہ ء بے ننگ و نشاں ہے کوئی
ہم کو لگتا ہے عباد اپنے لہو کی ہر بوند
ہو نہ ہو حیطہ صد ریگ رواں ہے کوئی
عباد اللہ
 
آخری تدوین:

الف عین

لائبریرین
ماشاء اللہ اچھی غزل ہے۔ البتہ ردیف ’کوئی‘ کہیں کہیں فٹ نہیں لگتی۔
جیسے
گونج اٹھتی ہے کہیں عرصہ کن میں یہ صدا
چارہ ء زخم پئے دل ذدگاں ہے کوئی

ہم سے سرگشتہ ء اطوار ہیں نازاں جس پر
وہ بھی اک حلقہ ء بے ننگ و نشاں ہے کوئی
اوپر والے شعر میں ابہام بھی زیادہ ہی ہے÷ ہم کس پر نازاں ہیں؟
م ھاورہ نام و نشان ہوتا ہے، ننگ و نشاں نہیں۔
اور اس میں
رہرؤں ایک سنبھل کر رہِ ایقان کے بیچ
کیا کہیں کتنا کھٹن پیچِ گماں ہے کوئی
کھٹن؟ کیا مراد ک ٹ ھ ن ہے؟ بمعنی مشکل!
’ایک‘ اگر پیچ گماں کو کہا گیا ہے تو وہ بہت دور جا پڑا!!
 

عباد اللہ

محفلین
سر ایک سال سے کچھ نہیں لکھا بلکہ شعر پڑھنے کا بھی موقع نہیں مل سکا ،اب دوبارہ مشق شروع کی ہے قلم سیدھا ہونے میں شاید کچھ وقت لگے
ماشاء اللہ اچھی غزل ہے۔ البتہ ردیف ’کوئی‘ کہیں کہیں فٹ نہیں لگتی۔
جیسے
گونج اٹھتی ہے کہیں عرصہ کن میں یہ صدا
چارہ ء زخم پئے دل ذدگاں ہے کوئی

ہم سے سرگشتہ ء اطوار ہیں نازاں جس پر
وہ بھی اک حلقہ ء بے ننگ و نشاں ہے کوئی
اوپر والے شعر میں ابہام بھی زیادہ ہی ہے÷ ہم کس پر نازاں ہیں؟
م ھاورہ نام و نشان ہوتا ہے، ننگ و نشاں نہیں۔
چارۂ زخم پئے دل زدگاں ہے کوئی ؟
سوال ہے سر اور ہم ایک حلقۂ بے ننگ و نام سے نسبت پر نازاں ہیں نام و نشاں تو مقبول محاورہ ہے مگر اس سے ہمارا مطلب بیان نہیں ہوتا (یعنی ملامتی رنگ نہیں آتا) ابھی یاد آیا کہ غالب بھی فرما چکے ہیں
لو وہ بھی کہتے ہیں کہ یہ بے ننگ و نام ہے
یہ جانتا اگر تو لٹانا نہ گھر کو میں
اور اس میں
رہرؤں ایک سنبھل کر رہِ ایقان کے بیچ
کیا کہیں کتنا کھٹن پیچِ گماں ہے کوئی
کھٹن؟ کیا مراد ک ٹ ھ ن ہے؟ بمعنی مشکل!
’ایک‘ اگر پیچ گماں کو کہا گیا ہے تو وہ بہت دور جا پڑا!!
کٹھن ہی کہا ہے مگر ٹائیپو کی نذر ہو گیا ، یقین کی راہ پر وہم و گمان کے پیچ و خم کی طرف اشارہ مقصود ہے
 

محمد وارث

لائبریرین
ڈھالتے جاتے ہیں ہم حدتِ خوں سے خورشید
ذوقِ ایجاد بتا ہم سا کہاں ہے کوئی

واہ واہ واہ، لاجواب۔ مجھے تو یہ بیت الغزل لگا :)
 

الف عین

لائبریرین
سر ایک سال سے کچھ نہیں لکھا بلکہ شعر پڑھنے کا بھی موقع نہیں مل سکا ،اب دوبارہ مشق شروع کی ہے قلم سیدھا ہونے میں شاید کچھ وقت لگے

چارۂ زخم پئے دل زدگاں ہے کوئی ؟
سوال ہے سر اور ہم ایک حلقۂ بے ننگ و نام سے نسبت پر نازاں ہیں نام و نشاں تو مقبول محاورہ ہے مگر اس سے ہمارا مطلب بیان نہیں ہوتا (یعنی ملامتی رنگ نہیں آتا) ابھی یاد آیا کہ غالب بھی فرما چکے ہیں
لو وہ بھی کہتے ہیں کہ یہ بے ننگ و نام ہے
یہ جانتا اگر تو لٹانا نہ گھر کو میں

کٹھن ہی کہا ہے مگر ٹائیپو کی نذر ہو گیا ، یقین کی راہ پر وہم و گمان کے پیچ و خم کی طرف اشارہ مقصود ہے
ننگ و نشان تو چلے گا۔ لیکن دوسرے شعر میں ’ایک‘ کی نشست کہاں ہے۔ اسے تو دیکھو۔ الفاظ یا ان کی نشست بدلو تو سمجھ میں آ سکے
 

ظہیراحمدظہیر

لائبریرین
سبحان اللہ ، سبحان اللہ !!! کیا اعلیٰ اشعار ہیں ! بہت خوب عباداللہ بھائی !!!
بہت رواں دواں اور زور آور غزل ہے ! بہت ہی خوب!! آپ نے اسے اصلاحِ سخن میں پوسٹ کیا لیکن کچھ معمولی سے اسقام کے علاوہ تو کہیں اصلاح کی حاجت نہیں ۔

نیم وا غنچہ ء لب پر ہے تبسم کی کھنک​
یا کہ اکسیر پئے رنجِ زماں ہے کوئی​

اچھا شعر ہے ! تبسم کی دھنک کہیں تو بہتر ہے کہ تبسم میں آواز یعنی کھنک نہیں ہوتی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رہرؤں ایک سنبھل کر رہِ ایقان کے بیچ​
کیا کہیں کتنا کٹھن پیچِ گماں ہے کوئی​

یہاں رہرؤ! کا محل ہے ۔ جمع ندائیہ کے آخر سے نون غنہ ہمیشہ گرادیا جاتا ہے ۔ یہ شعر بھی اچھا ہے اگرچہ ردیف نہیں نبھتی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فکرِ بد کیش پہ ہے اب بھی تردد کا حجاب​
دل یہ کہتا ہے کہ اس چپ میں نہاں ہے کوئی​

یہ بہت مبہم سا ہے ۔فکر کو بدکیش کہنے سے تو بظاہر یہی لگتا ہے کہ شاعر اپنی فکر کی بات کررہا ہے ۔ لیکن اگر کسی اور کی فکر کو بدکیش کہا ہے تو اس کا اظہار شعر مین ہونا چاہیئے ۔ اب اگر پہلی بات درست ہے کہ شاعر اپنی ہی فکر کو بدکیش کہہ رہا ہے تو پھر دوسرے مصرع میں ’’دل یہ کہتا ہے‘‘ بے محل اور بے معنی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک دل ہے کہ نہیں مائلِ شکوہ ورنہ​
ہر نفس سلسلہ ء کرب نہاں ہے کوئی​

یہاں پہلے مصر کو یوں کر دیکھئے: ایک یہ دل کہ نہیں مائلِ شکوہ ورنہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈھالتے جاتے ہیں ہم حدت خوں سے خورشید​
ذوقِ ایجاد بتا ہم سا کہاں ہے کوئی​

بہت اچھا شعر ہے !! بہت داد!! بہت سلیقے سے کہا ہے !!!

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم کو لگتا ہے عباد اپنے لہو کی ہر بوند​
ہو نہ ہو حیطہ صد ریگ رواں ہے کوئی

صد ریگِ رواں کی ترکیب غلط ہے ۔ صد کا سابقہ ان چیزوں کے لئے آسکتا ہے کہ جو گنی جاسکیں ۔ ریگ سے پہلے صد نہیں آئے گا ۔

۔۔۔۔۔۔۔۔۔۔۔۔۔۔۔۔
عباداللہ بھائی ، امید ہے کہ میری ان معروضات کو مثبت تبصرے کے طور پر لیں گے ۔ غزل بہت اچھی ہے ۔ آپ کے مخصوص انداز کی !! بہت داد!!
 

عباد اللہ

محفلین
سبحان اللہ ، سبحان اللہ !!! کیا اعلیٰ اشعار ہیں ! بہت خوب عباداللہ بھائی !!!
بہت رواں دواں اور زور آور غزل ہے ! بہت ہی خوب!! آپ نے اسے اصلاحِ سخن میں پوسٹ کیا لیکن کچھ معمولی سے اسقام کے علاوہ تو کہیں اصلاح کی حاجت نہیں ۔

نیم وا غنچہ ء لب پر ہے تبسم کی کھنک
یا کہ اکسیر پئے رنجِ زماں ہے کوئی​

اچھا شعر ہے ! تبسم کی دھنک کہیں تو بہتر ہے کہ تبسم میں آواز یعنی کھنک نہیں ہوتی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رہرؤں ایک سنبھل کر رہِ ایقان کے بیچ
کیا کہیں کتنا کٹھن پیچِ گماں ہے کوئی​

یہاں رہرؤ! کا محل ہے ۔ جمع ندائیہ کے آخر سے نون غنہ ہمیشہ گرادیا جاتا ہے ۔ یہ شعر بھی اچھا ہے اگرچہ ردیف نہیں نبھتی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فکرِ بد کیش پہ ہے اب بھی تردد کا حجاب
دل یہ کہتا ہے کہ اس چپ میں نہاں ہے کوئی​

یہ بہت مبہم سا ہے ۔فکر کو بدکیش کہنے سے تو بظاہر یہی لگتا ہے کہ شاعر اپنی فکر کی بات کررہا ہے ۔ لیکن اگر کسی اور کی فکر کو بدکیش کہا ہے تو اس کا اظہار شعر مین ہونا چاہیئے ۔ اب اگر پہلی بات درست ہے کہ شاعر اپنی ہی فکر کو بدکیش کہہ رہا ہے تو پھر دوسرے مصرع میں ’’دل یہ کہتا ہے‘‘ بے محل اور بے معنی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک دل ہے کہ نہیں مائلِ شکوہ ورنہ
ہر نفس سلسلہ ء کرب نہاں ہے کوئی​

یہاں پہلے مصر کو یوں کر دیکھئے: ایک یہ دل کہ نہیں مائلِ شکوہ ورنہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈھالتے جاتے ہیں ہم حدت خوں سے خورشید
ذوقِ ایجاد بتا ہم سا کہاں ہے کوئی​

بہت اچھا شعر ہے !! بہت داد!! بہت سلیقے سے کہا ہے !!!

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم کو لگتا ہے عباد اپنے لہو کی ہر بوند
ہو نہ ہو حیطہ صد ریگ رواں ہے کوئی

صد ریگِ رواں کی ترکیب غلط ہے ۔ صد کا سابقہ ان چیزوں کے لئے آسکتا ہے کہ جو گنی جاسکیں ۔ ریگ سے پہلے صد نہیں آئے گا ۔

۔۔۔۔۔۔۔۔۔۔۔۔۔۔۔۔
عباداللہ بھائی ، امید ہے کہ میری ان معروضات کو مثبت تبصرے کے طور پر لیں گے ۔ غزل بہت اچھی ہے ۔ آپ کے مخصوص انداز کی !! بہت داد!!
بہت نوازش سر ہم اسے بہتر کرنے کی کوشش کرتے ہیں
 

عباد اللہ

محفلین
ڈھالتے جاتے ہیں ہم حدتِ خوں سے خورشید
ذوقِ ایجاد بتا ہم سا کہاں ہے کوئی

واہ واہ واہ، لاجواب۔ مجھے تو یہ بیت الغزل لگا :)
بہت شکریہ استاد
ننگ و نشان تو چلے گا۔ لیکن دوسرے شعر میں ’ایک‘ کی نشست کہاں ہے۔ اسے تو دیکھو۔ الفاظ یا ان کی نشست بدلو تو سمجھ میں آ سکے
از سر نو غزل کہنے کی کوشش کرتے ہیں سر
 
Top