غزل

[dilshadnazmi]

سورج کی کرنوں سے اغوا ہونے والا کھارا پانی
آ بادی میں گھوم رہا ہے گدلائے بنجارہ پانی

آنگن کی سوندھی بیٹھک پہ ، دھوپ بدن کو سینک رہی ہے
بل کھائی زلفوں پہ لرزاں ، جھِلمل پارہ پارہ پانی

میں نہ کہتا تھا کہ ضبط کی خوش فہمی کچھ ٹھیک نہیں ہے
د یکھ ذرا سا بندھ کُھلا اور ، پھیل گیا آ وارہ پانی

آگ کی لپٹیں ناچ رہی ہیں ، دجلہ والوں کی بستی میں
پیاس کے مارے چیخ رہا ہے روز فرات کا سارا پانی

صدیوں سے کیوں ٹھر گیا ہے اس بستی میں ایک سا موسم
سیپی ، گھونگھے ، ریت ، چٹانیں ، جال لئے مچھوارہ ، پانی

موڑ سے پہلے پیچھے مُڑ کر ایک نظر جب میں نے د یکھا
چاند سے چہرے پر پلکوں سے ڈھلکا دُ کھ کا مارا پانی

چاروں اُ و ر گھٹا ئیں کب سے مُکھ درشائے ٹھر گئی ہیں
نین گگن کو تاک رہے ہیں ۔ بنجر کھیت کا چارہ پانی

حمد و ثنا رب العزت کی ناممکن دلشاد ہے گر چہ
سارے پیڑ قلم بن جائیں ، اور سیاہی سارا پانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مطلع میں نے پچھلے برس بمبئی کے سیلاب ذدہ حالات کے
پیش ِ نظر کہا تھا ۔

 

[آب حیات]

سبحان اللہ بہت خوب غزل ہے۔ امید ہے کہ یونہی آپ کے کلام سے استفادہ ہوتا رہے گا۔

آگ کی لپٹیں ناچ رہی ہیں ، دجلہ والوں کی بستی میں
پیاس کے مارے چیخ رہا ہے روز فرات کا سارا پانی

کیا اس شعر میں آپ کا اشارہ کربلا کی طرف ہے؟

 

[dilshadnazmi]

سبحان اللہ بہت خوب غزل ہے۔ امید ہے کہ یونہی آپ کے کلام سے استفادہ ہوتا رہے گا۔

آگ کی لپٹیں ناچ رہی ہیں ، دجلہ والوں کی بستی میں
پیاس کے مارے چیخ رہا ہے روز فرات کا سارا پانی

کیا اس شعر میں آپ کا اشارہ کربلا کی طرف ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترم آب حیات صاحب
سلام و علیکم
غزل کی پسندیدگی کا شکریہ ۔ انشاءاللہ میں ضرور اپنی تخلیقات سے
آپ جیسے با ذوق اُردو دوستوں کو رُو شناس کراتا رہوں گا ۔ آپ لوگوں کی
گرا ں قدر آراء میرے کئے رہنمائی کا سامان ثابت ہوگی۔۔۔۔
میں نے یہ شعر اُس پس منظر میں نہیں کہا ،جس کا آپ نے زکر کیا ہے۔
بلکہ آج کے موجودہ حالات کی عکاسی کرنا ہی فقط میرا مقصد تھا ۔یہ تو
آپ پہ منحصر ہے کے آپ شعر کو کس صورت ،اپنی فہم کے کینوس پر منتقل
کرتے ہیں ۔ ہر قاری اپنی فہم و فراست سے مفہوم اخذ کرتا ہے ۔ اگر آپ
اس شعر کو کربلا کے پس منظر میں دیکھ رہے ہیں تو یہ آپ کے تخیل کی
پرواز ہے۔ بہر حال میں آپ کا ممنون ہوں ۔کہ آپ نے میری کاوش پہ توجہ
فرمائی ۔ شکریہ ۔ دلشاد نظمی

 

[فرذوق احمد]

السلام علیکم
نظمی صاحب کہنا تو یوں چاہیں کے آپ اس بزم کا سرمایہ ہیں اگر آپ جیسے لوگ یہاں آتے رہے گے تو مجھے امید ہیں کے ہم جیسے کبھی بھی مایوس نہیں ہو گے ،آپ کی غزل بہت اچھی ہیں بلکہ بہت اچھی ہیں ،میں نے آپ کی بہت ساری تحریریں پڑھی ہیں مگر آپ کی تعریف کے لیے الفاظ کا چناؤں نہیں تھا میرے پاس ۔سو میں نے سنا تھا کے تعریف دل سے ہوتی ہیں الفاظ چاہے ہو یا نہ ہے
باقی مجھے با زوق کہنے کا شکریہ
یہ میں نے مذاق میں کہا ہے یہاں تو سبھی بازوق ہیں
نظمی صاحب خدا آپ کو ہمیشہ سلامت رکھے اور ہم آپ کی غزلوں سے ہمیشہ مستفید ہوتے رہے

 

[dilshadnazmi]

غزل ۔۔۔

السلام علیکم
نظمی صاحب کہنا تو یوں چاہیں کے آپ اس بزم کا سرمایہ ہیں اگر آپ جیسے لوگ یہاں آتے رہے گے تو مجھے امید ہیں کے ہم جیسے کبھی بھی مایوس نہیں ہو گے ،آپ کی غزل بہت اچھی ہیں بلکہ بہت اچھی ہیں ،میں نے آپ کی بہت ساری تحریریں پڑھی ہیں مگر آپ کی تعریف کے لیے الفاظ کا چناؤں نہیں تھا میرے پاس ۔سو میں نے سنا تھا کے تعریف دل سے ہوتی ہیں الفاظ چاہے ہو یا نہ ہے
باقی مجھے با زوق کہنے کا شکریہ
یہ میں نے مذاق میں کہا ہے یہاں تو سبھی بازوق ہیں
نظمی صاحب خدا آپ کو ہمیشہ سلامت رکھے اور ہم آپ کی غزلوں سے ہمیشہ مستفید ہوتے رہے[/quote
۔۔۔۔۔۔۔۔۔۔۔۔۔۔۔۔۔۔۔۔۔۔۔

محترم جناب فرزوق احمد
سلام و علیکم
آپ کی نوازشوں کا بے حد شکریہ ،
یوں بھی لاہور دل والوں کا شہر ہے ، مجھے معلوم ہے ،
میں آپ تمامی حضرات کی خدمت میں ہمیشہ رہوں گا ، انشاء اللہ دعائں میں یاد رکھیں ، دلشاد نظمی

 

[مریم افتخار]

موڑ سے پہلے پیچھے مُڑ کر ایک نظر جب میں نے د یکھا
چاند سے چہرے پر پلکوں سے ڈھلکا دُ کھ کا مارا پانی

واہ!