جاوید اختر غزل ۔ میں پا سکا نہ کبھی اس خلش سے چھٹکارا ۔ جاوید اختر

[محمداحمد]

غزل ​

​

میں پا سکا نہ کبھی اس خلش سے چھٹکارا ​

وہ مجھ سے جیت بھی سکتا تھا جانے کیوں ہارا​

​

برس کے کُھل گئے آنسو، نِتھر گئی ہے فضا​

چمک رہا ہے سرِ شام درد کا تارا​

​

کسی کی آنکھ سے ٹپکا تھا، اک امانت ہے​

مِری ہتھیلی پہ رکھا ہوا یہ انگارا​

​

جو پَر سمیٹے تو اک شاخ بھی نہیں پائی​

کُھلے تھے پر تو مِرا آسمان تھا سارا​

​

وہ سانپ چھوڑ دے ڈسنا یہ میں بھی کہتا ہوں​

مگر نہ چھوڑیں گے لوگ اُس کو گر نہ پھنکارا​

​

جاوید اختر​

 

[شیزان]

جو پَر سمیٹے تو اک شاخ بھی نہیں پائی
کُھلے تھے پر تو مِرا آسمان تھا سارا

بہت خوب۔ عمدہ شیئرنگ احمد بھائی

 

[نیرنگ خیال]

میں پا سکا نہ کبھی اس خلش سے چھٹکارا​

وہ مجھ سے جیت بھی سکتا تھا جانے کیوں ہارا​

وہ سانپ چھوڑ دے ڈسنا یہ میں بھی کہتا ہوں​

مگر نہ چھوڑیں گے لوگ اُس کو گر نہ پھنکارا​

واہ بہت خوب۔۔۔ بہت عمدہ انتخاب ​

 

[محمد اسامہ سَرسَری]

اور شراکت پر جزاکم اللہ خیرا۔