غزل ۔ شکوہ اول تو بے حساب کیا ۔ جون ایلیا

[پیاسا صحرا]

شکوہ اول تو بے حساب کیا
اور پھر بند ہی یہ باب کیا
جانتے تھے بدی عوام جسے
ہم نے اس سے بھی اجتناب کیا
تھی کسی شخص کی تلاش مجھے
میں نے خود کو ہی انتخاب کیا
اک طرف میں ہوں اک طرف تم ہو
جانے کس نے کسے خراب کیا
آخر اب کس کی بات مانوں میں
جو ملا اس نے لاجواب کیا
یوں سمجھ تجھکو مضطرب پا کر
میں نے اظہار اضطراب کیا
جون ایلیا​

 

[الف عین]

باز خوش مدید پیاسا صحرا بہت دن بعد آمد ہوئی!!

• جون ایلیا کا ایک عدد پری فکس وجود ہے، اسے استعمال کرنا تھا۔

 

[پیاسا صحرا]

شکریہ استاد محترم مجھے معلوم نہ تھا ۔

 

[عظیم]

میں نے خود کا ہی انتخاب کیا -

 

[الف عین]

میں نے خود کا ہی انتخاب کیا -

میری پوری غزل ہے اس زمین میں۔ لیکن جون ایلیا کی زمین کا مجھے علم نہیں تھا۔
میں نے کیا کام لا جواب کیا
اس کو عالم میں انتخاب کیا

 

[عظیم]

میری پوری غزل ہے اس زمین میں۔ لیکن جون ایلیا کی زمین کا مجھے علم نہیں تھا۔
میں نے کیا کام لا جواب کیا
اس کو عالم میں انتخاب کیا

جی بابا ۔ مجھے لگا کہ منتخب کے لئے ''کو'' اور انتخاب کے لئے ''کا'' ہونا چاہئے ۔ میں نے فلاں چیز کو منتخب کِیا ۔ میں نے فلاں چیز کا اتنخاب کِیا ۔

 

[الف عین]

میاں یہ بھی میر کا طرز بیان ہے۔

 

[عظیم]

''یہ'' کون سا بابا ؟

 

[x boy]

بہت خوب،
بابا جی (الف عین)۔
السلام علیکم
آپکی شاعری کا لنک دیجیئے

 

[الف عین]

پرانی برقی کتابوں میں میری ساری برقی کتابیں شامل ہیں۔ شاعری کی یہ ہیں

1. اپنی برہنہ پائی پر۔
2. تحریرِ آبِ زر
3. صاد اور دوسری نظمیں۔
4. صاد۔