غزل - دولت پہ ہر ایک نے نظر کی -- شاہین فصیح ربانی

[ایس فصیح ربانی]

شاہین فصیح ربانی

غزل
دولت پہ ہر ایک نے نظر کی
توقیر نہیں رہی بشر کی

ہر سمت سراب رکھ دیئے ہیں
نیت ہے خراب رہگزر کی

سیدھے سے غرض بیان کر دو
باتیں نہ کرو اِدھر اُدھر کی

گو رات طویل ہو گئی ہے
رکھتے ہیں امید ہم سحر کی

صدیوں سے بیان کر رہا ہوں
تمہید ہے عمرِ مختصر کی

اللہ کو کیا جواب دیں گے
غفلت میں جو زندگی بسر کی

نازل ہوں فصیحؔ کے قلم پر
خواہش ہے حروفِ معتبر کی​

 

[الف عین]

اچھی غزل ہے، اس شعر میں کوئی لفظ چھوٹ گیا ہے
گو رات نے گاڑ لیے ہیں
ر

 

[ایس فصیح ربانی]

محترم الف عین صاحب!

آپ کا بہت شکریہ۔
اس مصرعے میں لفظ “پنجے“ ٹائپ ہونے سے رہ گیا تھا لیکن اس کے باوجود یہ مصرعہ گاڑ لیے کے مقام پر وزن سے خارج ہو رہا ہے، اس لیے اس مصرعے کو تبدیل کر دیا ہے؛
گو رات طویل ہو گئی ہے۔

 

[ایم اے راجا]

بہت خوب فصیح صاحب !

 

[محمداحمد]

ہر سمت سراب رکھ دیئے ہیں
نیت ہے خراب رہگزر کی

بہت خوب فصیح صاحب،
اچھی غزل ہے۔ داد قبول کیجے۔
تاخیر کے لئے معذرت!

 

[عمران شناور]

بہت خوب اچھا کلام ہے

 

[ایس فصیح ربانی]

راجا صاحب،
محمد احمد صاحب
اور
عمران شناور صاحب! آپ تینوں احباب کا بہت شکریہ۔
بہت خوش رہیے۔

 

[مغزل]

بہت خوب فصیح صاحب، ماشا اللہ ،

 

[ایس فصیح ربانی]

م م مغل صاحب!
بہت ممنون ہوں آپ کا، بہت خوش رہیے