عباس تابش عشق کی جوت جگانے میں بڑی دیر لگی

عشق کی جوت جگانے میں بڑی دیر لگی
سائے سے دھوپ بنانے میں بڑی دیر لگی

میں ہوں اس شہر میں تاخیر سے آیا ہوا شخص
مجھ کو اک اور زمانے میں بڑی دیر لگی

یہ جو مجھ پہ کسی اپنے کا گماں ہوتا ہے
مجھ کو ایسا نظر آنے میں بڑی دیر لگی

اک صدا آئی جھروکے سے کہ تم کیسے ہو
پھر مجھے لوٹ کے جانے میں بڑی دیر لگی

بولتا ہوں تو میرے ہونٹ جھلس جاتے ہیں
اس کو یہ بات بتانے میں بڑی دیر لگی

میرے عرصے میں کوئی سہل نہ تھا کار سخن
ایک دو شعر کمانے میں بڑی دیر لگی

میں سرِ خاک کوئی پیڑ نہیں تھا تابش
اس لیے پاؤں جمانے میں بڑی دیر لگی
 
کیا خوبصورت غزل ہے.

واہ

مابدولت برادرعزیزعبدالقیوم چوہدری کے خوبصورت انتخاب سے محظوظ ہوئے اوران کوداددیتے ہیں۔:):)

میرا بھی کچھ ایسا ہے
عمدہ انتخاب چوہدری صیب:clap:

بہت ہی خوبصورت انتخاب ۔۔ زبردست

چوہدری صاحب کیا بات ہے واہ:act-up:
آپ احباب کا بہت شکریہ۔
 
Top