فرحان محمد خان
محفلین
عشق پیشہ نہ رہے داد کے حقدار یہاں
پیش آتے ہیں رُعونت سے جفا کار یہاں
سر پٹک کر درِ زنداں پہ صبا نے یہ کہا
ہے دریچہ، نہ کوئی روزنِ دیوار یہاں
عہدو پیمانِ وفا، پیار کے نازک بندھن
توڑ دیتی ہے زرو سیم کی جھنکار یہاں
ننگ و ناموس کے بکتے ہُوئے انمول رتن
لب و رُخسار کے سجتے ہُوئے بازار یہاں
سر خئی دامنِ گُل کس کو میسر آئی
اپنے ہی خوں میں نہائے لب و رُخسار یہاں
کشتیِ زیست سلامت ہے نہ پتوار یہاں
موج در موج ہیں سو رنگ کے منجدھار یہاں
ہمسفر چھوٹ گئے ، راہنما رُوٹھ گئے
یوں بھی آسان ہوُئی منزلِ دشوار یہاں
تیرگی ٹوٹ پڑی ،زور سے بادل گرجا
بجھ گئی سہم کے قندیل رُخِ یار یہاں
کتنے طوفان اُٹھے، کتنے ستارے ٹوٹے
پھر بھی ڈوبا نہیں اب تک دلِ بیدار یہاں
میرے زخمِ کفِ پا چومنے آئے گی بہار
میں اگر مر بھی گیا، وادئِ پُرخار یہاں
پیش آتے ہیں رُعونت سے جفا کار یہاں
سر پٹک کر درِ زنداں پہ صبا نے یہ کہا
ہے دریچہ، نہ کوئی روزنِ دیوار یہاں
عہدو پیمانِ وفا، پیار کے نازک بندھن
توڑ دیتی ہے زرو سیم کی جھنکار یہاں
ننگ و ناموس کے بکتے ہُوئے انمول رتن
لب و رُخسار کے سجتے ہُوئے بازار یہاں
سر خئی دامنِ گُل کس کو میسر آئی
اپنے ہی خوں میں نہائے لب و رُخسار یہاں
کشتیِ زیست سلامت ہے نہ پتوار یہاں
موج در موج ہیں سو رنگ کے منجدھار یہاں
ہمسفر چھوٹ گئے ، راہنما رُوٹھ گئے
یوں بھی آسان ہوُئی منزلِ دشوار یہاں
تیرگی ٹوٹ پڑی ،زور سے بادل گرجا
بجھ گئی سہم کے قندیل رُخِ یار یہاں
کتنے طوفان اُٹھے، کتنے ستارے ٹوٹے
پھر بھی ڈوبا نہیں اب تک دلِ بیدار یہاں
میرے زخمِ کفِ پا چومنے آئے گی بہار
میں اگر مر بھی گیا، وادئِ پُرخار یہاں
شکیب جلالی