عدل و انصاف سے متعلق اشعار

[جاسمن]

سب جرم میری ذات سے منسوب ہیں محسن
کیا میرے سوا شہر میں معصوم ہیں سارے؟

 

[جاسمن]

شہر کے آئین میں یہ مد بھی لکھی جائے گی
زندہ رہنا ہے تو قاتل کی سفارش چاہیئے

حکیم منظور

 

[شمشاد]

پنجابی کا ایک شعر ہے :

عدل کریں تا تھر تھر کمبن اُچیاں شانا والے
فضل کریں تاں بخشے جاون مے ورگے مُنہ کاے

اللہ تعالٰی سے کہہ رہے ہیں کہ اے اللہ اگر تُو عدل کرے تو بڑی بڑی اونچی شان والے بھی تھر تھر کانپیں گے،
اور اگر تُو فضل کرے تو میرے جیسے کالے منہ والے بھی بخشے جائیں گے۔

 

[جاسمن]

جہاں ہیں محبوس اب بھی ہم وہ حرم سرائیں نہیں رہیں گی
لرزتے ہونٹوں پہ اب ہمارے فقط دعائیں نہیں رہیں گی
غصب شدہ حق پہ چپ نہ رہنا ہمارا منشور ہو گیا ہے
اٹھے گا اب شور ہر ستم پر دبی صدائیں نہیں رہیں گی
ہمارے عزم جواں کے آگے ہمارے سیل رواں کے آگے
پرانے ظالم نہیں ٹکیں گے نئی بلائیں نہیں رہیں گی
یہ قتل گاہیں یہ عدل گاہیں انہیں بھلا کس طرح سراہیں
غلام عادل نہیں رہیں گے غلط سزائیں نہیں رہیں گی
حبیب جالب

 

[جاسمن]

آپ بولیں گے میرے حق میں نہیں رہنے دیں
میرے منصف بھی نہیں مجھ کو بچانے والے
مرزا راحیل

 

[جاسمن]

کچھ نہ بولیں گے مدعی کے خلاف
دوستوں کو کبھی وکیل نہ کر
رمز عظیم آبادی

 

[جاسمن]

بے حسی کے جذبوں کو خون کی ضرورت ہے
کب ضمیر جاگیں گے کب روم بولیں گے
سید عاشور کاظمی

 

[جاسمن]

تو چپ رہے گا تیرے ہاتھ پاؤں بولیں گے
یقیں نہ آئے تو اک روز مر کے دیکھ ذرا
مرکزی دھر شرما طالب

 

[اکمل زیدی]

ظلم رہے اور امن بھی ہو
کیا ممکن ہے تم ہی کہو
حبیب جالب

 

[اکمل زیدی]

اسی کا شہر ، وہی محتسب ، وہی قاتل
ہمیں یقیں تھا ہمارا قصور نکلے گا
وسیم بریلوی

اس کا شاعر امیر قزلباش نہیں ہیں کیا ؟؟

اسی کا شہر وہی مدعی وہی منصف
ہمیں یقیں تھا ہمارا قصور نکلے گا

 

[جاسمن]

اس کا شاعر امیر قزلباش نہیں ہیں کیا ؟؟

اسی کا شہر وہی مدعی وہی منصف
ہمیں یقیں تھا ہمارا قصور نکلے گا

درست کرتی ہوں ۔

 

[سیما علی]

ہے منصف ہی گرفتار تعصب
عدالت میں ہماری ہار طے ہے
ڈاکٹر اعظم

 

[سیما علی]

کون اس دیس میں دے گا ہمیں انصاف کی بھیک
جس میں خونخوار درندوں کی شہنشاہی ہے

جس میں غلے کے نگہباں ہیں وہ گیدڑ جن سے
قحط و افلاس کے بھوتوں نے اماں چاہی ہے
قتیل شفائی

 

[خورشیداحمدخورشید]

دنیا میں قتیل اس سا منافق نہیں کوئی
جو ظلم تو سہتا ہے بغاوت نہیں کرتا

 

[جاسمن]

ﻭﮦ ﺟﻮ ﺳﭻ ﺑﻮﻟﺘﮯ ﺭﮨﻨﮯ ﮐﯽ ﻗﺴﻢﮐﮭﺎﺗﮯ ﮨﯿﮟ
ﻭﮦ ﻋﺪﺍﻟﺖ ﻣﯿﮟ ﮔُﻨﮩﮕﺎﺭ ﮨُﻮﺍ ﮐﺮﺗﮯ ﮨﯿﮟ
محسن نقوی

 

[جاسمن]

عدالتیں تو خریدی گئی ہیں مدت سے
سو چشم دید گواہوں کے اب بیاں بھی خرید
اسد اعوان

 

[صریر]

قانون اس جہان کا کیسا ہے آج کل
طاقت کے حق میں فیصلہ ہوتا ہے آج کل

 

[جاسمن]

پناہ دامن قانون میں نہ مسجد میں
ہمارے شہر میں ہر سائبان ایک سا ہے
خالد یوسف

 

[اکمل زیدی]

کہانی آپ الجھی ہے کہ الجھائی گئی ہے
یہ عقدہ تب کھلے گا جب تماشا ختم ہوگا
زمیں جب عدل سے بھر جائے گی نور علیٰ نور
بنام مسلک و مذہب تماشا ختم ہوگا
افتخار عارف

 

[سیما علی]

اُس کی تقدیر ہی محکومی و مظلومی ہے
قوم جو کر نہ سکی اپنی خودی سے انصاف “