عادتاً وحشتوں میں جیتا ہوں ۔ فاتح الدین بشیر

[فاتح]

خاکسار کے متعلق ایک دھاگے میں سارہ خان نے اپنے تبصرے میں لکھا تھا کہ یہ غزل فاتح بھائی نے مکمل نہیں پڑھوائی۔۔۔ لہٰذا اسے یہاں ارسال کر رہا ہوں۔​

عادتاً وحشتوں میں جیتا ہوں
یاد کی تُربتوں میں جیتا ہوں

میں غریب الوطن، غریب مزاج
کیا عجب غربتوں میں جیتا ہوں

بھولنا تجھ کو میرے بس میں نہیں
کہنے کو جرّاتوں میں جیتا ہوں

شام کنجِ قفس میں، صبح بہ دار
جبر کی ہجرتوں میں جیتا ہوں

جان کر تیرے نقشِ پا منزل
خاک ہوں، راستوں میں جیتا ہوں

ضربِ نفیِ وجود و عشق ہوں میں
گویا میں مثبتوں میں جیتا ہوں

کھینچے جاتا ہوں میں عدم کا وجود
عارضی حالتوں میں جیتا ہوں

موت ہے انتہائے ہجر مگر
جینے کی ذلّتوں میں جیتا ہوں​

فاتح الدین بشیرؔ​

 

[سارہ خان]

بہت ہی زبردست ۔۔۔۔۔۔۔

شام کنجِ قفس میں، صبح بہ دار ۔۔۔۔۔۔۔۔۔ یہ مصرعہ سر سے گذر گیا ۔۔

 

[عسکری]

جب بھی شام ہوتی ہے
جی بھر کے پیتا ہوں

کیا کروں جان چھوڑتی نہیں
اس لیے مر مر کے جیتا ہوں

 

[فاتح]

بہت ہی زبردست ۔۔۔ ۔۔۔ ۔

شام کنجِ قفس میں، صبح بہ دار ۔۔۔ ۔۔۔ ۔۔۔ یہ مصرعہ سر سے گذر گیا ۔۔

کُنجِ قفس: قفس یا قید کا گوشہ یا کونا
بہ دار: پھانسی پر

 

[قرۃالعین اعوان]

جان کر تیرے نقشِ پا منزل
خاک ہوں، راستوں میں جیتا ہوں

بہت اعلی!
عمدہ!

 

[محمد امین]

بہت خوب۔۔۔۔۔۔۔۔ فاتح بھائی ہر شعر بہت خوبصورت ہے۔ ڈھیر ساری داد قبول کیجیے۔ پہلے بھی کہیں پڑھی تھی یہ شاید یہاں یا فیس بک پر۔۔۔

 

[فاتح]

جان کر تیرے نقشِ پا منزل
خاک ہوں، راستوں میں جیتا ہوں

بہت اعلی!
عمدہ!

بہت شکریہ۔ ممنون ہوں۔

 

[فاتح]

بہت خوب۔۔۔ ۔۔۔ ۔۔ فاتح بھائی ہر شعر بہت خوبصورت ہے۔ ڈھیر ساری داد قبول کیجیے۔ پہلے بھی کہیں پڑھی تھی یہ شاید یہاں یا فیس بک پر۔۔۔

جی امین بھائی۔۔۔ شاید فیس بک پر پڑھی ہو

 

[طارق شاہ]

میں غریب الوطن، غریب مزاج
کیا عجب غربتوں میں جیتا ہوں
کیا کہنے صاحب!

 

[فاتح]

میں غریب الوطن، غریب مزاج
کیا عجب غربتوں میں جیتا ہوں
کیا کہنے صاحب!

آپ کی محبت ہے جناب

 

[باباجی]

فاتح بھائی
کمال کردیا
آئی ایم سپیچ لیس


شام کنجِ قفس میں، صبح بہ دار
جبر کی ہجرتوں میں جیتا ہوں


جان کر تیرے نقشِ پا منزل
خاک ہوں، راستوں میں جیتا ہوں

ضربِ نفیِ وجود و عشق ہوں میں
گویا میں مثبتوں میں جیتا ہوں


موت ہے انتہائے ہجر مگر
جینے کی ذلّتوں میں جیتا ہوں
کمال کمال
آپ کی اجازت ہو تو میں اسے اپنے دوستوں کو ایس ایم ایس کر سکتا ہوں ؟؟؟

 

[مدیحہ گیلانی]

لاجواب غزل ہے فاتح صاحب، سبھی اشعار بہت اچھے ہیں۔
ضربِ نفیِ وجود و عشق ہوں میں
گویا میں مثبتوں میں جیتا ہوں ۔
کیا کہنے۔ بہت خوب۔ بہت داد قبول کیجیئے ۔
لگتا ہے قبل مسیح کی سبھی غزلیں پڑھنے کو ملنے والی ہیں ۔اللہ بھلا کرے آپکا

 

[فاتح]

فاتح بھائی
کمال کردیا
آئی ایم سپیچ لیس


شام کنجِ قفس میں، صبح بہ دار
جبر کی ہجرتوں میں جیتا ہوں


جان کر تیرے نقشِ پا منزل
خاک ہوں، راستوں میں جیتا ہوں

ضربِ نفیِ وجود و عشق ہوں میں
گویا میں مثبتوں میں جیتا ہوں


موت ہے انتہائے ہجر مگر
جینے کی ذلّتوں میں جیتا ہوں
کمال کمال
آپ کی اجازت ہو تو میں اسے اپنے دوستوں کو ایس ایم ایس کر سکتا ہوں ؟؟؟

اس درجہ پذیرائی اور محبت پر ممنون ہوں۔

 

[فاتح]

لاجواب غزل ہے فاتح صاحب، سبھی اشعار بہت اچھے ہیں۔ضربِ نفیِ وجود و عشق ہوں میں
گویا میں مثبتوں میں جیتا ہوں ۔
کیا کہنے۔ بہت خوب۔ بہت داد قبول کیجیئے ۔
لگتا ہے قبل مسیح کی سبھی غزلیں پڑھنے کو ملنے والی ہیں ۔اللہ بھلا کرے آپکا

بہت شکریہ مدیحہ صاحبہ۔
جی بالکل! ان دنوں پرانی غزلیں نکل رہی ہیں۔۔۔

 

[باباجی]

اس درجہ پذیرائی اور محبت پر ممنون ہوں۔

آپ سے کچھ اجازت بھی مانگی ہے

 

[فاتح]

آپ سے کچھ اجازت بھی مانگی ہے

ارے بھائی اس میں اجازت کیسی۔۔۔ یہ تو اعزاز ہے ہمارے لیے۔

 

[مقدس]

ارے فاتح بھائی میری لکھی غزل پر اپنا نام لکھ دیا آپ نے
ذرا گھر آنے دیں مجھے
ٹھیک کرتی ہوں آپ کو

 

[فاتح]

ارے فاتح بھائی میری لکھی غزل پر اپنا نام لکھ دیا آپ نے
ذرا گھر آنے دیں مجھے
ٹھیک کرتی ہوں آپ کو

تم مدیرنِ عالیہ کس لیے ہو؟ اس کا فائدہ اٹھاؤ اور نام پتے تبدیل کر دو۔۔۔ ہاہاہا

 

[مقدس]

تم مدیرنِ عالیہ کس لیے ہو؟ اس کا فائدہ اٹھاؤ اور نام پتے تبدیل کر دو۔۔۔ ہاہاہا

جی نہیں۔۔ اب آپ کی شامت آئے گی بس

 

[محمد خلیل الرحمٰن]

میں غریب الوطن، غریب مزاج​

کیا عجب غربتوں میں جیتا ہوں​

​

​

​

شام کنجِ قفس میں، صبح بہ دار​

جبر کی ہجرتوں میں جیتا ہوں​

​

​

​

کھینچے جاتا ہوں میں عدم کا وجود​

عارضی حالتوں میں جیتا ہوں​

​

بہت خوبصورت غزل جناب فاتح بھائی، بہت داد قبول فرمائیے۔
واہ کیا بات ہے

​

​

کھینچے جاتا ہوں میں عدم کا وجود​

عارضی حالتوں میں جیتا ہوں​

​