ظرف

[جٹ صاحب]

اس دھاگے میں ایسے اشعار پوسٹ کیجیئے جن میں لفظ “ظرف“ آتا ہو۔ میں شروعات کرتا ہوں احمد فراز کے شعر سے:


نہ جانے ظرف تھا کم یا انا زیادہ تھی
کلاہ سر سے تو قد سے قبا زیادہ تھی

 

[خواجہ طلحہ]

ظرف یعنی ظروف کی جمع ناں؟

 

[جٹ صاحب]

میرے ناقص علم کے مظابق ظرف کا مطلب حوصلہ ہوتا ہے اور جو آپ ظروف کی بات کررہے ہیں غالباً وہ برتن ہوتے ہیں۔ اگر کوئی غلطی ہوئی تو اصلاح کی درخواست ہے۔

 

[خواجہ طلحہ]

اگر ظرف سے مراد حوصلہ یا وسعت نظر ی ہے تو پھر ظروف کی واحد کی ہے؟

 

[جٹ صاحب]

یہ تو کوئی ماہر ہی بتا سکتا ہے۔

 

[خواجہ طلحہ]

فارسی میں ظروف سے مراد ڈشز، عربی میں مراد حالات ہے۔

 

[جٹ صاحب]

ارے آپ کو پتا تھا۔۔۔! مجھے چیک کرہے تھے

 

[فرخ منظور]

رند جو ظرف اٹھا لیں وہی ساغر بن جائے
جس جگہ بیٹھ کے پی لیں وہی میخانہ بنے

(اصغر گونڈوی)

 

[محمد وارث]

میں خود زمیں ہوں مگر ظرف آسمان کا ہے
کہ ٹوٹ کر بھی مرا حوصلہ چٹان کا ہے

(محسن نقوی)

 

[راجہ صاحب]

تب وتابِ عاشقی ہی تب و تابِ زندگی ہے
کہ بقدر ظرفِ دل ہی ملے سب کو یہ خزانہ

سرور عالم راز سرور

 

[شمشاد]

اتنا کم ظرف نہ بن, اس کے بھی سینے میں ہے دل
اس کا احساس بھی رکھ, اپنی ہی راحت پہ نہ جا
(اعتبار ساجد)

 

[راجہ صاحب]

میں خود زمیں ہوں مگر ظرف آسمان کا ہے
کہ ٹوٹ کر بھی میرا حوصلہ چٹان کا ہے

محسن نقوی

 

[شمشاد]

بقدرِ ظرف ہے ساقی! خمارِ تشنہ کامی بھی
جوتو دریائے مے ہے، تو میں خمیازہ ہوں ساحل کا
(چچا)

 

[راجہ صاحب]

میرے ظرف کا یہ قصور تھا
کہ میں درد دل نہ چھپا سکا
میرے ظرف نے بھی دغا دیا
میں تو ظرف بھی نہ بچا سکا

نامعلوم

 

[شمشاد]

گرنی تھی ہم پہ برقِ تجلّی، نہ طو ر پر
دیتے ہیں بادہ' ظرفِ قدح خوار' دیکھ کر
(چچا)

 

[تانیہ]

میں نے تمھارے ظرف پہ چھوڑا ہے فیصلہ
خوشبو، ستارہ، پھول یا پتھر کہو مجھے

 

[شمشاد]

بہ قدرِ شوق نہیں ظرفِ تنگنائے غزل
کچھ اور چاہیے وسعت مرے بیاں کے لئے
(چچا)

 

[راجہ صاحب]

زمانہ کیا ہمارے ظرف کو اب آزمائگا
لگا کر جان کی بازی دیا ہے امتحاں ہم نے

 

[شمشاد]

تب وتاب عاشقی ہی تب و تاب زندگی ہے
کہ بقدر ظرف دل ہی ملے سب کو یہ خزانہ
(سرور عالم راز سرور)

 

[راجہ صاحب]

نہ جانے ظرف تھا کم،یا انا زیادہ تھی
کلاہ سر سے تو قد سے قبا زیادہ تھی

فراز