عدم صنم خانۂ خیال

[صادق آبادی]

شیریں لبوں میں خلد کا مفہوم بے نقاب
زلفوں میں جھومتی ہوئی موجِ جنوں نواز

موجِ جنوں نواز میں طوفانِ بےخودی
طوفانِ بے خودی میں تمناؤں کا گداز

باتوں میں لہلہاتی ہوئی جام کی کھنک
اور جام کی کھنک میں بہاروں کے برگ و ساز

اعضاء میں لوچ، باتوں میں رس، دل میں مستیاں
آنکھوں میں نور، نور میں رنگینیٔ مَجاز

رنگینیٔ مَجاز میں گہری حقیقتیں
گہری حقیقتوں میں بہت ہی عَمیق راز

رازوں میں میرے شعر کا سر چشمۂ خیال
وہ ہیں عدمؔ کہ ایک صنم خانۂ خیال​

 

[نیرنگ خیال]

خوبصورت انتخاب پر داد قبول کریں۔ آپ کا تعلق صادق آباد سے ہے؟

 

[صادق آبادی]

بہت نوازش۔
جی میں صادق آباد سے تعلق رکھتا ہوں۔

 

[عمر سیف]

بہت خوب ۔۔