شہریار ::::: شہرِجنُوں میں کل تلک جو بھی تھا سب بدل گیا ::::: Shahryar

طارق شاہ

محفلین


غزلِ

شہرِجنُوں میں کل تلک جو بھی تھا سب بدل گیا
مرنے کی خُو نہیں رہی جینے کا ڈھب بدل گیا

پَل میں ہَوا مِٹا گئی ، سارے نقوش نُور کے
دیکھا ذرا سی دیر میں، منظرِ شب بدل گیا

میری پُرانی عرض پر غور کیا نہ جائے گا
یُوں ہے، کہ اُس کی بزم میں طرزِ طلب بدل گیا

ساعتِ خُوب وصل کی، آنی تھی آنہیں سکی
وہ بھی تو وہ نہیں رہا، میں بھی تو اب بدل گیا

دُوری کی داستان میں، یہ بھی کہیں پہ درج ہو !
تشنہ لبی تو ہے وہی، چشمۂ لب بدل گیا

میرے سِوا، ہر ایک سے، دُنیا یہ پُوچھتی رہی
مجھ سا جو ایک شخص تھا، پتھر میں کب بدل گیا
شہریار
 
Top