جون ایلیا شکوہ اول تو بے حساب کیا ( جون ایلیا )

[ظفری]

شکوہ اول تو بے حساب کیا
اور پھر بند ہی یہ باب کیا

جانتے تھے بدی عوام جسے
ہم نے اس سے بھی اجتناب کیا

تھی کسی شخص کی تلاش مجھے
میں نے خود کو ہی انتخاب کیا

اک طرف میں ہوں ، اک طرف تم ہو
جانے کس نے کسے خراب کیا

آخر اب کس کی بات مانوں میں
جو مِلا ، اس نے لاجواب کیا

یوں سمجھ تجھ کو مضطرب پا کر
میں نے اظہارِ اضطراب کیا
​

 

[فرخ منظور]

یوں سمجھ تجھ کو مضطرب پا کر
میں نے اظہارِ اضطراب کیا

بہت عمدہ ظفری صاحب!