شفیق خلش شفیق خلش ::::: دل یہ جنّت میں پھر کہاں سے رہے ::::: Shafiq Khalish

طارق شاہ

محفلین

غزل
شفیق خلش

دِل یہ جنّت میں پھر کہاں سے رہے
عِشق جب صُحبتِ بُتاں سے رہے

لاکھ سمجھا لِیا بُزرگوں نے !
دُورکب ہم طِلِسمِ جاں سے رہے

کب حَسِینوں سے عاشقی نہ رہی
کب نہ ہونٹوں پہ داستاں سے رہے

دِل میں ارمان کُچھ نہیں باقی
اِک قدم آگے ہم زماں سے رہے

دِل میں حسرت کوئی بھی باقی ہو
ایسے جانے سے ہم جہاں سے رہے


یاد ہے اب بھی وہ جگہ ہم کو !
جہاں ہم پُہنچے اورجہاں سے رہے

بَن کے فُرقت کے دِن وہ سارے، خَلِش
دِل پہ کندہ ہُوئے نِشاں سے رہے

شفیق خلش
 
Top