شفیق خلش شفیق خلش ::::: اِک عجیب موڑ پہ زندگی سرِ راہِ عِشق کھڑی رہی ::::: Shafiq Khalish

طارق شاہ

محفلین
غزلِ
شفیق خلش

اِک عجیب موڑ پہ زندگی سرِ راہِ عِشق کھڑی رہی
نہ مِلا کبھی کوئی رّدِ غم ، نہ ہی لب پہ آ کے ہنسی رہی

کبھی خلوتوں میں بھی روز و شب تِری بزم جیسے سجی رہی
کبھی یوں ہُوا کہ ہجوم میں، مجھے پیش بے نفری رہی

سبھی مُشکلیں بھی عجیب تھیں رہِ وصل آ جو ڈٹی رہِیں
نہ نظر میں اِک، نہ گُماں میں کُچھ ، عجب ایک بے نظری رہی

مجھے ضبطِ غم سے نہیں گِلہ، رُکے سیلِ غم سے ہُوا بُرا
نہ عیاں تھا چہرے سے درد وغم، مگر آنکھ تھی کہ بھری رہی

میں تیار کب نہ تھا مرنے پر مگر اِس سِتم کا بھی کیا علاج
تِری گفتِ آمد و رفت سے، بَھلی موت سر سے ٹلی رہی

شفیق خلش
 
آخری تدوین:

طارق شاہ

محفلین
مجھے ضبطِ غم سے نہیں گِلہ، رُکے سیلِ غم سے ہُوا بُرا
نہ عیاں تھا چہرے سے درد وغم، مگر آنکھ تھی کہ بھری رہی
 
Top