شریکِ جرم نہ ہوتے تو مخبری کرتے ۔۔۔ازہر درانی

شریکِ جرم نہ ہوتے تو مخبری کرتے
ہمیں خبر ہے لٹیروں کے ہر ٹھکانے کی

یہ شعر ہمارے معاشرے میں کچھ زیادہ ہی مشہور ہوا ہے لیکن شاعر کا نام بہت کم لوگوں کو ہی پتہ ہے لیکن ض نوید صاحب کی زبانی معوم ہوا کہ یہ شعر ازہر درانی صاحب کا ہے۔ اس پر اُن سے مکمل غزل کی فرمائش کی، جس پہ انہوں نے مکمل غزل بھی شریک کی۔ محفلین کے لئے غزل جناب نوید صاحب کے نوٹ کے ساتھ شریک کر ہا ہوں۔ نوید ظفر کیانی صاحب محفل کے رکن بھی ہیں مگر محفل والا نام یاد نہ آنے کی وجہ سے ٹیگ نہیں کر پا رہا۔

ازہر درانی صاحب نے یہ شعر بزمِ جام اسلام آباد کے طرحی مشاعرے میں کہی گئی اپنی غزل میں پڑھی تھی جس میں میں بھی سامع کی حیثیت سے شریک تھا۔ مشاعرہ کا مصرعِ طرح تھا۔​

​

تمہاری بات نہیں بات ہے زمانے کی​

​

اُن کی پوری غزل کچھ یوں تھی​

​

مرا نصیب ہوئیں تلخیاں زمانے کی​

کسی نے خوب سزا دی ہے مسکرانے کی​

​

مرے خدا مجھے طارق کا حوصلہ ہو عطا​

ضرورت آن پڑی کشتیاں جلانے کی​

​

میں دیکھتا ہوں ہر اک سمت پنچھیوں کا ہجوم​

الٰہی خیر ہو صیاد کے گھرانے کی​

​

قدم قدم پہ صلیبوں کے جال پھیلا دو​

کہ سرکشی کو تو عادت ہے سر اُٹھانے کی​

​

شریکِ جرم نہ ہوتے تو مخبری کرتے​

ہمیں خبر ہے لٹیروں کے ہر ٹھکانے کی​

​

ہزار ہاتھ گریباں تک آ گئے ازہر​

ابھی تو بات چلی بھی نہ تھی زمانے کی​

​

اسی مشاعرے میں ایک اور شعر بہت پسند کیا گیا جو جناب انور سلیم صاحب کا تھا اور جو کچھ یوں تھا​

​

سلیم ہم بھی خدا پر یقین رکھتے ہیں​

مگر وہ بات کہاں کشتیاں جلانے کی​

​

ماخذ​

 

یہ تم پرچوں کی تیاری کر رہے ہو منے بتاتی ہوں تمہاری امی کو جا کر ابھی

 

ایک ایسی غزل جس کا ہر شعر لاجواب اور باربار پڑھنے اور داد کے لائق ہے
اسے ایک شاہکار کلام کہا جائے تو بے جا نہ ہوگا

 

ساری غزل ہی بہت خُوب ہے
مرا نصیب ہوئیں تلخیاں زمانے کی
کسی نے خوب سزا دی ہے مسکرانے کی

 

بہت شکریہ نیلم آپی

 

بہت خوب
میں دیکھتا ہوں ہر اک سمت پنچھیوں کا ہجوم
الٰہی خیر ہو صیاد کے گھرانے کی

 

واہ واہ۔۔۔ کمال ہے۔۔۔ زبردست منے۔۔۔ زبردست۔۔۔

قدم قدم پہ صلیبوں کے جال پھیلا دو​

کہ سرکشی کو تو عادت ہے سر اُٹھانے کی​

 

واہ واہ بہت خوب انتخاب ہے۔

 

عینی نشاندہی کا شکریہ۔۔۔۔!

​

ہمیں خبر ہے کہ جو حرکتیں ہیں منے کی​

ہمارا دل بھی یہ کہتا ہے مخبری کی جائے​

​

​

​

​

ویسے ہم نے محب بھائی کو ٹیگ نہیں کیا ہے۔ ​

 

زبردست شعر ہے۔
​

 

ایک لا جواب غزل پیش کرنے کے لیے شکریہ

 

اف اف اف اف یہ رونی کھانی مخبری آئی مین پوئٹری
محب علوی بھائی کو میں ٹیگ دیتی ہوں اس میں کیا ہے

 

عینی ، دل خوش کر دیا ہے ۔ اور زور سے اور لگا تار "پھینٹی" کرنی ہے منے کی۔ یہ پائتھون کلاس کا بھگوڑا ہے اور دیکھو امتحانوں کا بہانہ کرکے کر کیا کیا رہا ہے۔

شاباش ایسے ہی کڑی نظر رکھو۔

 

بہت اچھا کیا عینی شاہ ۔ میں دیکھتا ہوں کہ منے پر کیسی کیسی شاعری ہو رہی ہے۔

 

جی آپ فکر ہی نہ کریں محب بھائی ایسی خبر رکھنی ہے اس پر کہ فضول پوئٹری پر مضمون چھاپ را ہے اور محفل پر کلاس نہیں لینی ۔۔

 

اور یہ نا احمد بھائی بھی ساتھ ملے وے ہیں اس منے کے بچے کے ۔۔انکی بھی ذرا کلاس لیں

 

عینی آپ سے زیادہ اس بات پر اتفاق کرنے والوں پر غصہ آ رہا ہے مجھے۔

 

اور مجھے تو ان کو ایک گولڈ میڈل دینے کو دل کر را ہے خبردار انکو کچھ کہا تو ۔۔

 

بڑے ظالم لوگ ہیں بئی۔۔۔۔ اگر کسی معصوم آدمی نے کسی معصوم کی بات پر متفق کا بٹن دبایا ہے۔۔۔ تو کوئی وجہ تو ہوگی ناں۔۔۔

 

اور میرا دل کر رہا ہے کہ آپ دونوں کو "یہ بڑے بڑے" کراس سے نوازا جائے۔

افسوس کہ 7 سے بڑا فونٹ سائز دستیاب نہیں ہے۔