شب تو ہے سکوں بخش ، مگر دل میں ہے ہلچل

شب تو ہے سکوں بخش ، مگر دل میں ہے ہلچل
بے ابر فضا ہے ، مگر آنکھوں میں ہیں بادل

آنکھیں جو ہوئیں چار سیاہی سے ہیں دوچار
یاں تیرگی غم کی ہے تو واں حسن کا کاجل

اک پل نہ ملا کیف ہمیں وصل سے پہلے
اب درد کی لذت میں مگن ہوگئے ہر پل

توبہ کے مقابل نہ ٹکیں کافر ادائیں
ہر حسنِ صنم دل کی نظر سے ہوا اوجھل

دل دل ہے اتر جاتا ہے اس میں جو اسامہ!
ہر آن سموتی ہے اسے اور یہ دلدل
​

 

دل دل ہے اتر جاتا ہے اس میں جو اسامہ!
ہر آن سموتی ہے اسے اور یہ دلدل

بہت عمدہ ، کیا کہنے ہیں علامہ صاحب کے۔ شاد باشید

 

جزاکم اللہ خیرا۔
بھائی کچھ اصلاح بھی فرمادیں۔

 

دلدل سموتی نہیں اسامہ بھائی دھنساتی ہے۔

 

سمائیلی کے بعد ان کلمات "مذاق برطرف" کا اضافہ نہ کرنا شاید عجلت کا شاخسانہ ہے
ناچیر جب بھی انگشت اشارت اٹھاتا ہے تو محض اپنی آگہی مقصود ہوتی ہے۔ ہم کہاں اور اصلاح کہاں۔ ہاں البتہ مشاورت و تجاویز موزونیت کے حساب سے اپنی جگہ ہیں

 

برادرانہ استفسار
مطلع کے مصرع اولٰی میں حشو ِ اول کا اختتامی لفظ بخش کچھ بھاری سا محسوس نہیں ہو رہا؟؟مطلب برا نہیں مگر روانی کی بابت استفسار ؟ اور دونوں ہی مصروعوں میں دوسرے حشو کا آغاز مگر سے ہی کیوں؟ مزید یہ کہ جو ربط و جمال دوسرے شعر میں ہے وہ مطلع میں نہیں محسوس ہورہا۔ مطلع کی بابت یہ شعر بطور نمونہ پیش کرتا ہو کہ پہلے مصرع میں غم بیان کیا گیا ہے اور دوسرے میں اس کا مداوا کیا گیا ہے ۔

اُسے بلاؤ کہ جس کے چہرے پہ چاند تارے سجے ہوئے ہیں
کہ اپنی دھرتی کے آسماں پر سیاہ بادل تنے ہوئے ہیں

اک پل نہ ملا کیف ہمیں وصل سے پہلے
(نثر : ہمیں وصل سے پہلے ایک پل کیف نہ ملا یعنی محبوب سے ملنے سے پہلے ایک پل سرور مستی یا نشہ نہ ملا)
اب درد کی لذت میں مگن ہوگئے ہر پل
(نثر : اب ہر پل درد کی لذت میں مگن ہو گئے، اب کیا ہوا ایسا کہ ہر پل درد کی لذت میں مگن ہو گئے؟)
پہلے مصرع میں کیف کی بات ہے تو دوسرےمیں درد کی مگر نشہ مستی یا سرور اور درد باہم متضاد ہیں کیا؟؟

 

آفس میں ہوں رضا بھائی۔بعض اوقات سمائیلی لگائے بغیر مدعا عرض کرنا پڑت اہے۔۔۔

 

پر سکون بھی ہو سکتا ہے۔

 

حشو کیا ہوتا ہے اور لفظ ”بخش“ کا بھاری پن کس اعتبار سے محسوس ہورہا ہے، اس سے پہلے سکوں ہے اور اس کے بعد مگر ہے۔

 

دل کو دلدل سے تشبیہ دی ہے کہ جیسے دلدل دھنساتی چلی جاتی ہے ویسے یہ دل سموتا چلاجاتا ہے۔
چونکہ بات دل کی چل رہی تھی اس لیے دھنسانا عجیب سا لگ رہا تھا ورنہ وزن دونوں کا فعولن ہے۔

 

یہ اشکال سمجھ میں نہیں آیا۔

 

اچھی غزل ہے۔

 

ارے بھائی اب آپ جان بوجھ کر اصلاح پہ آمادہ کرو گے تو یہی ہو گا مگر کی دو مصروں میں ایک ہی جگہ تکرار کی بابت کہا تھا۔ حشو میاں جو صدر اور عروض کے وسط میں رہتے ہیں۔ اور ابتدا اور ضرب کے بیچ بھی

 

پرمزاح کی درجہ بندی کا سبب معلوماتی درجہ بندی ہے از علامہ صاحب

 

واہہہہہہہہ
بہت خوب
دل دل ہے اتر جاتا ہے اس میں جو اسامہ!
ہر آن سموتی ہے اسے اور یہ دلدل
ڈھیروں داد بہت دعائیں

 

آپ کا بھی ڈھیر سارا شکریہ جناب۔۔۔۔
اللہ خوش رکھے۔

 

پسندیدگی کا شکریہ استاد صاحب۔

 

میرے لیے تو یہ بھی معلوماتی ہے۔

 

واہ بہت عمدہ بھائی!
آپ عن قریب میر تقی میر ثانی کہلائیں گے۔

 

اگرچہ یہ میرے لیے ناممکن ہے مگر مجھے بنانے والے کے لیے نہیں۔