ایاز صدیقی شاعر بنا ہوں مدحتِ خیرالبشر کو میں

[مہ جبین]

شاعر بنا ہوں مدحتِ خیرالبشر کو میں
"سمجھا ہوں دل پذیر متاعِ ہنر کو میں"

چشمِ خیال میں ہیں مدینے کے بام و در
دل میں بسا رہا ہوں بہشتِ نظر کو میں

پہنچوں میں اُڑ کے ، در پہ بلائیں اگر حضور
تکلیفِ رہنمائی نہ دوں راہبر کو میں

روزِ ازل ، خطِ شبِ اسرا ، فرازِ عرش
ترتیب دے رہا ہوں عروجِ بشر کو میں

میری شبِ الم کو سحر کیجئے حضور!
کب سے ترس رہا ہوں نشاطِ سحر کو میں

طیبہ کی راہ ، ارضِ مدینہ، درِ رسول
مہمیز کر رہا ہوں مذاقِ سفر کو میں

ہیں میرے چارہ ساز حبیبِ خدا ایاز !
کیا دکھ سناؤں اور کسی چارہ گر کو میں

ایاز صدیقی

 

[سید زبیر]

ہیں میرے چارہ ساز حبیبِ خدا ایاز !​

کیا دکھ سناؤں اور کسی چارہ گر کو میں​

بہت اعلیٰ ۔۔۔۔ جزاک اللہ​

 

[مہ جبین]

ہیں میرے چارہ ساز حبیبِ خدا ایاز !​

کیا دکھ سناؤں اور کسی چارہ گر کو میں ​

بہت اعلیٰ ۔۔۔ ۔ جزاک اللہ​

بہت شکریہ سر جی
جزاک اللہ