فرخ منظور
لائبریرین
سیرِ آنسوئے تماشا ہے طلب گاروں کا
خضر مشتاق ہے اس دشت کے آواروں کا
سر خطِ بند ہوا، نامہ گنہگاروں کا
خونِ ہُدہُد سے لکھا نقش گرفتاروں کا
فرد آئینہ میں بخشیں شکنِ خندۂ گُل
دلِ آزردہ پسند، آئینہ رخساروں کا
داد خواہِ تپش و مہر خموشی بر لب
کاغذِ سرمہ ہے جامہ، تیرے بیماروں کا
وحشتِ نالہ، بہ واماندگیِ وحشت ہے
جرسِ قافلہ، یہاں دل ہے گرفتاروں کا
جلوہ مایوس نہیں، دل نگرانی، غافل
چشمِ امید ہے روزن تیری دیواروں کا
اسدؔ اے ہرزہ درا نالہ بغوغا تا چند
حوصلہ تنگ نہ کر بے سبب آزاروں کا
(مرزا اسد اللہ خان غالبؔ)
خضر مشتاق ہے اس دشت کے آواروں کا
سر خطِ بند ہوا، نامہ گنہگاروں کا
خونِ ہُدہُد سے لکھا نقش گرفتاروں کا
فرد آئینہ میں بخشیں شکنِ خندۂ گُل
دلِ آزردہ پسند، آئینہ رخساروں کا
داد خواہِ تپش و مہر خموشی بر لب
کاغذِ سرمہ ہے جامہ، تیرے بیماروں کا
وحشتِ نالہ، بہ واماندگیِ وحشت ہے
جرسِ قافلہ، یہاں دل ہے گرفتاروں کا
جلوہ مایوس نہیں، دل نگرانی، غافل
چشمِ امید ہے روزن تیری دیواروں کا
اسدؔ اے ہرزہ درا نالہ بغوغا تا چند
حوصلہ تنگ نہ کر بے سبب آزاروں کا
(مرزا اسد اللہ خان غالبؔ)