طارق شاہ
محفلین
غزلِ
سِراجؔ اورنگ آبادی
سرشکِ سُرخ سے میرے ہیں چشمِ گریاں سُرخ
مثالِ کلکِ مصوّر ہیں مُوئے مِژگاں سُرخ
لِکھا ہُوں دلبرِ رنگیں کو عرضئ احوال
کِیا ہوں خُونِ جگر سے تمام افشاں سُرخ
اگر ، یہ دِیدۂ پُرخُوں مِرے کا عکس پڑے
عجب نہیں ہے، اگر ہوئے آبِ طُوفاں سُرخ
کِیا ہے بس کہ وہ گُل رُو نے عاشقوں کو شہید
ہُوا ہے صحنِ چمن کی مِثال میداں سُرخ
دلِ سِراجؔ میں پُھولے ہیں آج گُل لالہ
ہُوا ہے داغِ محبّت سے یہ گُلِستاں سُرخ
سِراجؔ اورنگ آبادی