1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $413.00
    اعلان ختم کریں

سو لفظوں کی کہانیاں

محمد خلیل الرحمٰن نے 'آپ کی تحریریں' کی ذیل میں اس موضوع کا آغاز کیا، ‏دسمبر 14, 2017

  1. محمد خلیل الرحمٰن

    محمد خلیل الرحمٰن مدیر

    مراسلے:
    7,183
    جھنڈا:
    Pakistan
    موڈ:
    Festive
    آج “سو لفظوں کی کہانی “ کے نام سے اس سلسلے کا آغاز کررہے ہیں ۔ امید ہے دیگر محفلین بھی اس میں اپنا حصہ ڈالیں گے۔

    1-ہیر رانجھا
    محمد خلیل الرحمٰن
    اسے فلم اچھی لگی۔ وارث شاہ نے کرداروں کو لازوال بنادیا۔ ادھر فلم بنانے والوں نے بھی کہانی کے ساتھ خوب انصاف کیا تھا۔ہیر کیا من موہنی مورت تھی۔ رانجھا بھی خوش شکل تھا، البتہ کیدو کا انتخاب تو لاجواب تھا۔شکل ہی سے منحوس لگتا تھا۔


    گلی میں پہنچا تو وہاں کا منظر دیکھ کر اس کا خون کھول اٹھا۔ اس کی بہن اپنے چاہنے والے کے ہاتھوں میں ہاتھ ڈالے کھڑی شرما شرما کر باتیں کر رہی تھی۔ اس نے گھر میں داخل ہوکر باورچی خانے سے کچھ مٹھی میں دبایا اور باہر کی جانب لپکا۔
     
    آخری تدوین: ‏اگست 26, 2018
    • پسندیدہ پسندیدہ × 7
    • زبردست زبردست × 6
  2. محمد خلیل الرحمٰن

    محمد خلیل الرحمٰن مدیر

    مراسلے:
    7,183
    جھنڈا:
    Pakistan
    موڈ:
    Festive
    2-انصاف
    محمد خلیل الرحمٰن
    انتخاب جیت کر انصاف کی حکومت قائم ہوچکی تھی۔ ایک رات لاڈلا وزیرِ اعظم اپنے وزیرِ مال کے ہیلی کاپٹر میں اپنی مملکت کا گشت کررہا تھا کہ ایک لڑکی کو چھت پر دیکھ کر گھائل ہوا، جھٹ ایک خط اچھال دیا۔ لڑکی کے شوہر نے عدالت کا دروازہ کھٹکھٹایا ۔ قاضی صاحب اُٹھ بیٹھے اور عدالت لگالی۔ حکم دیا کہ اب لاڈلا چھت پر کھڑا ہو اور لڑکی خط پھینکے۔ خط پھینکتے وقت نظریں ملیں ، دونوں گھائل ہوئے۔ شوہر نے لڑکی کو طلاق دی۔ "ٹھیک کچھ دن " بعد لاڈلے اور لڑکی کی شادی ہوگئی اور دونوں ہنسی خوشی رہنے لگے۔

    ©©©©​
     
    آخری تدوین: ‏اگست 26, 2018
    • پر مزاح پر مزاح × 10
    • پسندیدہ پسندیدہ × 2
  3. عبید انصاری

    عبید انصاری محفلین

    مراسلے:
    2,372
    جھنڈا:
    Pakistan
    موڈ:
    Brooding
    خلیل الرحمٰن بھائی میرے علم کے مطابق تو اس صنف کی آخری سطر "پنچنگ لائن" یا کہانی کا کلائمکس ہوتا ہے۔
     
    • پسندیدہ پسندیدہ × 1
    • معلوماتی معلوماتی × 1
    • متفق متفق × 1
  4. شاہد شاہ

    شاہد شاہ محفلین

    مراسلے:
    2,568
    کیا یہ کہانی ہیلی کاپٹر ترین کی نااہلی اور لاڈلے کی پینکی پیرنی سے شادی سے پہلے لکھی تھی؟ اگر ہاں تو اسے اپڈیٹ کر دیں:
    • لاڈلے نے اپنا وزیر مال اسد عمر کو لگانے کا اعلان کیا ہے
    • نیز پینکی پیرنی کیساتھ تا حیات شادی کے بندھن میں بندھے رہنے کی گیرینٹی دی ہے

     
    • پر مزاح پر مزاح × 3
  5. محمد خلیل الرحمٰن

    محمد خلیل الرحمٰن مدیر

    مراسلے:
    7,183
    جھنڈا:
    Pakistan
    موڈ:
    Festive
    متفق۔ آئندہ خیال رکھیں گے۔
     
    • پسندیدہ پسندیدہ × 1
    • دوستانہ دوستانہ × 1
  6. محمد خلیل الرحمٰن

    محمد خلیل الرحمٰن مدیر

    مراسلے:
    7,183
    جھنڈا:
    Pakistan
    موڈ:
    Festive
    ہاہا شاہد شاہ بھائی! اگر ہر یو ٹرن پر ہم اپنی کہانی کو تبدیل کرنے بیٹھے تو پھر ہمیں اپنی نوکری اور اردو محفل کی ادارت دونوں کو خیرباد کہہ کر اسی لڑی میں جُت جانا ہوگا۔

    مزید یہ کہ شادی تو نام ہی تاحیات بندھن میں بندھے رہنے کی گارنٹی کا ہے۔اب اگر دُلہا میاں کو شادیوں کا شوق ہو تو کوئی کیا کرسکتا ہے؟
     
    آخری تدوین: ‏مئی 14, 2018
    • پر مزاح پر مزاح × 5
  7. محمد خلیل الرحمٰن

    محمد خلیل الرحمٰن مدیر

    مراسلے:
    7,183
    جھنڈا:
    Pakistan
    موڈ:
    Festive
    اب پیشِ خدمت ہے

    3-سیاست
    محمد خلیل الرحمٰن​

    بھولا حیران تھا۔ رقم کی خرد برد ثابت کرنا اتنا آسان نہ تھا۔ اقامے پر سزا سنادی گئی۔

    پنجاب میں برتری، بلوچستان میں دوسرے کا وجود نہیں، سینیٹ میں برتری کوئی مائی کا لال بھی نہ روک سکتا تھا۔ راتوں رات کایا پلٹ ہوگئی۔

    اسمبلیاں مدت پوری کرنے کو تھیں کہ فاٹا بل آناً فاناً ہر فورم سے پاس ہوگیا۔

    عبوری وزیرِ اعظم کے لیے اتفاق اس نام پر جو کسی کی فہرست میں نہ تھا۔

    پتے ہاتھ میں نہ ہوں، کوئی کیونکر جیت سکتا ہے۔

    میں نے کہا، پگلے ! یہ بھی تو دیکھ کہ پسِ چلمن کھیل کون رہا ہے!!!
     
    آخری تدوین: ‏اگست 26, 2018
    • زبردست زبردست × 4
    • پسندیدہ پسندیدہ × 2
  8. محمد خلیل الرحمٰن

    محمد خلیل الرحمٰن مدیر

    مراسلے:
    7,183
    جھنڈا:
    Pakistan
    موڈ:
    Festive
    اب پیشِ خدمت ہے:-

    4-جمہوریت
    از محمد خلیل الرحمٰن
    آنکھ کھلتے ہی اخبار کا مرکزی صفحہ دیکھ کر حیرت سے اس کی آنکھیں پھٹی کی پھٹی رہ گئیں۔ نہ سنسر شدہ خالی کالم تھے، نہ ٹکٹکی پر مجرموں کو کوڑے لگ رہے تھے نہ سمری ملٹری کورٹس کی خبریں تھیں۔

    جلسے، جلوس، دھرنے ۔ اخبار بھرا پڑا تھا۔
    " ابا! آپ دس سال سوئے رہے۔ سب کچھ بدل گیا ۔
    جمہوریت آگئی۔"

    اسی شام مباحثے میں شرکت کے لیے پہنچا تو ایک کاغذ اسے تھمادیا گیا۔ 'ضابطۂ اخلاق'.

    "میں نہیں مانتا، میں نہیں جانتا"

    منتظم کے منہ سے جھاگ نکلنے لگا۔
    "تمہاری جرأت کیسے ہوئی اس مقدس دستاویز کو جھٹلانے کی؟"
     
    آخری تدوین: ‏اگست 26, 2018
    • پسندیدہ پسندیدہ × 5
  9. زیک

    زیک محفلین

    مراسلے:
    36,999
    جھنڈا:
    UnitedStates
    موڈ:
    Amused
    زبردست۔

    آپ کی سو لفظوں کی کہانیوں میں تو واقعی سو الفاظ ہیں حالانکہ میں نے محفلین سے سنا تھا کہ ان میں چند ہزار الفاظ بھی ہو سکتے ہیں
     
    • پر مزاح پر مزاح × 3
    • معلوماتی معلوماتی × 1
  10. محمد خلیل الرحمٰن

    محمد خلیل الرحمٰن مدیر

    مراسلے:
    7,183
    جھنڈا:
    Pakistan
    موڈ:
    Festive
    آداب عرض ہے!!!
     
    • پسندیدہ پسندیدہ × 1
  11. محمد تابش صدیقی

    محمد تابش صدیقی منتظم

    مراسلے:
    23,691
    جھنڈا:
    Pakistan
    موڈ:
    Breezy
    سو لفظوں کی کہانی -

    اچھا لیڈر

    "کیا حال ہے بھئی ووٹ کسے دے رہے ہو اس بار؟"

    " عمران کو ، وہ سٹیٹس کو، کرپٹ اور جاگیردار طبقے سے ہماری جان چھڑائے گا۔

    " اس کی تو اپنی پارٹی میں یہ طبقات موجود ہیں۔"

    "لیڈر اچھا ہونا چاہیے، وہ سب ٹھیک کر لے گا۔"

    "اچھا چھوڑو یار، کیا ہو رہا ہے آج کل۔"

    " یار کریم پر گاڑی چلا رہا ہوں۔ سوچ رہا ہوں دو، تین گاڑیاں اور نکلوا کر کریم پر لگا دوں۔ مگر اچھے ڈرائیور نہیں ملتے۔"

    "جیسے بھی ملیں رکھ لو۔"

    "کمال کرتے ہو۔ نقصان کروانا ہے؟"

    " کیا ہوا؟ تم تو اچھے ہو۔ لیڈر اچھا ہونا چاہیے "
     
    • پسندیدہ پسندیدہ × 6
    • زبردست زبردست × 3
  12. محمد تابش صدیقی

    محمد تابش صدیقی منتظم

    مراسلے:
    23,691
    جھنڈا:
    Pakistan
    موڈ:
    Breezy
    کل دفتر میں ایک دوست سے گپ شپ ہوئی تو سوچا کہانی کی شکل دے دی جائے۔ :p
     
    • پسندیدہ پسندیدہ × 2
  13. محمد خلیل الرحمٰن

    محمد خلیل الرحمٰن مدیر

    مراسلے:
    7,183
    جھنڈا:
    Pakistan
    موڈ:
    Festive
    5-نیا پاکستان
    از محمد خلیل الرحمٰن​

    شرفو چھوٹا ہی تھا تب اس کے ماں باپ نے اسے لے کر پاکستان ہجرت کی تھی۔

    اس نے جب سنا کہ نیا پاکستان بن چکا ہے تو وہ جوش میں آکر پھر ہجرت کے لیے تیار ہوگیا۔

    راستے میں کسی سے پوچھا، "نیا پاکستان کس طرف ہے؟" تو اس نے سامنے ایک ٹرک کی بتی کی طرف رہنمائی کی۔

    چلتے چلتے صبح ہوگئی، نیا پاکستان نہ ملا۔

    سڑک کے کنارے ایک کُٹیا میں ایک رہنما بزرگ ملے۔

    کہنے لگے، " تمہارے اس سفر کا نام ہی 'نیا پاکستان ' ہے۔ جوں ہی تھک کر بیٹھے، پرانے پاکستان میں رہ جاؤ گے۔"
     
    آخری تدوین: ‏اگست 26, 2018
    • پسندیدہ پسندیدہ × 4
    • زبردست زبردست × 1
    • پر مزاح پر مزاح × 1
  14. شکیب

    شکیب محفلین

    مراسلے:
    1,601
    جھنڈا:
    India
    موڈ:
    Breezy
    ویسے کیا کیا تبدیلیاں دیکھنے میں آ رہی ہیں نئے پاکستان کے بعد...؟ واٹس اپ پہ نوجوان طبقے نے تو خوب دھوم مچا رکھی ہے...
     
    • پر مزاح پر مزاح × 2
  15. محمد تابش صدیقی

    محمد تابش صدیقی منتظم

    مراسلے:
    23,691
    جھنڈا:
    Pakistan
    موڈ:
    Breezy
    ابھی وزیرِ اعظم بننے تو دیں۔ پھر آپ پوچھیں گے کہ یہ کون سا پاکستان ہے؟
     
    • پر مزاح پر مزاح × 1
  16. وجاہت حسین

    وجاہت حسین محفلین

    مراسلے:
    144
    جھنڈا:
    Oman
    موڈ:
    Cheerful
    سو لفظوں کی کہانی (پہلی کوشش)
    آدم​

    اُس نے کہا: ’’خلیفہ بنا رہا ہوں۔‘‘
    فرشتوں نے کہا: ’’یہ فساد کرے گا۔‘‘
    اُس نے کہا:’’جو میں جانتا ہوں وہ تم نہیں جانتے۔۔۔‘‘
    میں ذہنی و جسمانی ارتقاء کے مراحل طے کرتا زمین و آسمان پر مسخر ہوگیا۔ میں نے مادے کے بعد ذہن اور پھر روح کی بھی تسخیر کر لی۔ اب مجھے وجود کے لئے جسم کی ضرورت نہ رہی۔ میں ہر وقت اُس کی تسبیح میں رہنے لگا۔
    پھر ایک دن اُس نے کہا: ’’میں خلیفہ بنا رہا ہوں۔‘‘
    میں نے کہا: ’’یہ فساد کرے گا۔‘‘
    اُس نے کہا’’جو میں جانتا ہوں وہ تم نہیں جانتے۔۔۔‘‘
     
    • پسندیدہ پسندیدہ × 3
  17. محمد خلیل الرحمٰن

    محمد خلیل الرحمٰن مدیر

    مراسلے:
    7,183
    جھنڈا:
    Pakistan
    موڈ:
    Festive
    Check out @Khazeenablogspo’s Tweet:
     
    • پسندیدہ پسندیدہ × 4
  18. محمد خلیل الرحمٰن

    محمد خلیل الرحمٰن مدیر

    مراسلے:
    7,183
    جھنڈا:
    Pakistan
    موڈ:
    Festive
    6-منزل
    از محمد خلیل الرحمٰن​

    شرفو کو لاہور دیکھنے کا بہت شوق تھا۔ جب بھی وہ لاہور کے متعلق سنتا کہ ،" جس نے لاہور نہیں دیکھا وہ پیدا ہی نہیں ہوا! " اس کا شوق ایک انگڑائی لے کر جاگ اٹھتا۔

    بالآخر ایک دن وہ اپنے سفر پر نکل کھڑا ہوا۔

    "بھائی! لاہور کس طرف ہے؟" اس نے ایک راہگیر سے پوچھا.

    "اس پگڈنڈی پر ناک کی سیدھ میں چلتے جاؤ۔ جب بڑی سڑک ملے داہنے مڑ جانا, بس لاہور پہنچ جاؤ گے"۔

    بڑی سڑک پر چلتے چلتے وہ ایک پتھر کے قریب پہنچا جس پر "لاہور" لکھا تھا ۔

    اسے لاہور دیکھ کر بڑی مایوسی ہوئی۔
     
    آخری تدوین: ‏اگست 26, 2018
    • پر مزاح پر مزاح × 4
  19. محمد خلیل الرحمٰن

    محمد خلیل الرحمٰن مدیر

    مراسلے:
    7,183
    جھنڈا:
    Pakistan
    موڈ:
    Festive
    Check out @Khazeenablogspo’s Tweet:
     
    • پسندیدہ پسندیدہ × 1
  20. محمد خلیل الرحمٰن

    محمد خلیل الرحمٰن مدیر

    مراسلے:
    7,183
    جھنڈا:
    Pakistan
    موڈ:
    Festive
    دیگر محفلین سے بھی اپنی لکھی ہوئی سو لفظوں کی کہانیاں شریک کرنے کی گزارش ہے۔
     
    • پسندیدہ پسندیدہ × 2

اس صفحے کی تشہیر