ولی دکنی سنایا جب خبر شادی کی قاصد صبح دم آ کر

[حسان خان]

سنایا جب خبر شادی کی قاصد صبح دم آ کر​

منگا رخصت مرے نزدیک باہر دل سوں غم آ کر​

​

ترے ملنے سوں تا روشن کرے دل کی مجالس کوں​

ہوئی ہے شعلہ زن سینے میں خواہش دم بدم آ کر​

​

بجز تجھ جامِ لب کے اے پری پیکر نہ پیوں ہرگز​

اگر دیوے اپس کے ہاتھ سوں مجھ جامِ جم آ کر​

​

نظارہ جو کیا میں تجھ مبارک حسن کا موہن​

کھبا مجھ دل میں تیری زلفِ خم در خم کا خم آ کر​

​

ولی تجھ حسن کی تعریف میں جب ریختہ بولے​

سنے تب اُس کوں جان و دل سوں حسّانِ عجم آ کر​

​

(ولی دکنی)​

​

منگنا = مانگنا، چاہنا​

اپس = اپنے​

کھُبنا = آر پار ہونا، داخل ہونا، گھسنا، چھید کر نکل جانا​

 

[فرخ منظور]

ولی تجھ حسن کی تعریف میں جب ریختہ بولے
سنے تب اُس کوں جان و دل سوں حسّانِ عجم آ کر
واہ حسان میاں کیا خوبصورت انتخاب ہے۔ بہت شکریہ!

 

[زبیر مرزا]

واہ جناب بہت خُوب

 

[عمران اسلم]

ترے ملنے سوں تا روشن کرے دل کی مجالس کوں
ہوئی ہے شعلہ زن سینے میں خواہش دم بدم آ کر
کیا کہنے جناب۔ عمدہ انتخاب۔ شکریہ!

 

[سید زبیر]

زبردست انتخاب
ترے ملنے سوں تا روشن کرے دل کی مجالس کوں
ہوئی ہے شعلہ زن سینے میں خواہش دم بدم آ کر