سلسلہ: محفل کے سنہرے اصول

ابن سعید نے 'ضروری اعلانات' کی ذیل میں اس موضوع کا آغاز کیا، ‏نومبر 8, 2010

  1. ابن سعید

    ابن سعید خادم

    مراسلے:
    60,165
    اردو محفل کی افادیت اور معیار کے تئیں تمام محفلین کی اجتماعی کاوشیں ذمہ دار ہوتی ہیں۔ لہٰذا عمومی بیداری و یاد دہانی کی غرض سے "محفل کے سنہرے اصول" کے عنوان سے ایک عدد نوٹس کا سلسلہ شروع کیا جا رہا ہے۔ امید ہے کہ احباب اسے مفید پائیں گے اور اس سلسلے کی تمام کڑیوں کو اپنے مشوروں اور تبصروں سے نوازیں گے۔ ہماری کوشش ہوگی کہ ایک نوٹ کو دو سے تین دن تک قائم رکھا جائے تاکہ زیادہ تر محفلین کی نگاہ پڑ جائے۔ احباب کی سہولت کے مد نظر نوٹس کو بند کرنے کی سہولت مہیا کرائی جا رہی ہے تاکہ ایک ہی نوٹ بار بار ظاہر ہو کر عاجز نہ کرے۔ نوٹ کو صفحہ سے ہٹانے کے لئے نوٹ کے اوپری بائیں گوشے میں موجود کراس نشان پر کلک کریں۔
     
    • پسندیدہ پسندیدہ × 35
    • زبردست زبردست × 4
  2. عثمان رضا

    عثمان رضا محفلین

    مراسلے:
    4,594
    موڈ:
    Cool
    بہت خوب ۔۔
    کافی فائدے ہونگیں اس سے ۔۔
     
  3. ابن سعید

    ابن سعید خادم

    مراسلے:
    60,165
    مندرجہ بالا ناپسندیدہ عنوانات میں درج ذیل نقائص ہیں:

    "مدد کریں۔۔۔۔۔۔۔": موضوع مبہم اور عنوان کو طول دینے کی خاطر لا یعنی سمبلز کی قطار۔ کس معاملے میں مدد مانگی جا رہی ہے عنوان سے اس کا کوئی اندازہ نہیں ہوتا نتیجتاً وہ لوگ بھی موضوع کھول کر دیکھنے پر مجبور ہوتے ہیں جو کوئی تعاون نہیں کر سکتے اور بسا اوقات وہ لوگ موضوع تک نہیں جاتے جو اگر جاتے تو تعاون کر سکتے۔

    "کون؟": ابہام، اشتہار بازی اور ڈرامائیت کی بھر پور مثال۔

    "**$$$** محبت **$$$**": غیر ضروری سجاوٹ جو کم از کم عنوانات میں انتہائی نا پسندیدہ ہے۔ اور سرچنگ کو بے طرح متاثر کرتی ہے۔

    "ذلذلہ کے نقاسین": غالباً "زلزلہ کے نقصانات" لکھنے کی کوشش کی گئی ہے لیکن عنوان میں املا کی غلطی نہ صرف فورم مہمانان کی نظروں میں فورم کا معیار پست کرتی ہے بلکہ بعد میں تلاش کر کے موضوع تک دوبار آنا بھی مشکل ہو جاتا ہے۔

    عنوانات کے تعلق سے مزید کیا عمومی خامیاں پائی جاتی ہیں؟ اپنی آراء سے ضرور نوازیں۔
     
    • پسندیدہ پسندیدہ × 20
    • زبردست زبردست × 4
    • متفق متفق × 3
  4. عثمان رضا

    عثمان رضا محفلین

    مراسلے:
    4,594
    موڈ:
    Cool
    آپ کی تجاویز ، آرا اور شکایات میں عموما عنوانات میں ضروری ، درخواست ، اجازت وغیرہ کے عنوانات ہوتے ہیں
    اس حوالے سے ایک آئیڈیا یہ ہے کہ ایڈمن ان کو ایڈٹ کرکے مناسب عنوان دیدے
     
    • پسندیدہ پسندیدہ × 3
    • متفق متفق × 2
  5. عثمان

    عثمان محفلین

    مراسلے:
    9,774
    موڈ:
    Cheerful
    میری رائے میں عنوان میں پورا جملہ لکھنے سے بھی حتی الامکان پرہیز کیا جائے۔
     
    • پسندیدہ پسندیدہ × 2
    • متفق متفق × 1
  6. ابن سعید

    ابن سعید خادم

    مراسلے:
    60,165
    آپ نے بالکل درست نشاندہی کی ہے۔ یہ سچ ہے کہ سب سے زیادہ لا یعنی عنوانات آرا و شکایات نیز آئی ٹی کے سوال و جواب کے سیکشن میں پائے جاتے ہیں۔ ایڈمن اور موڈریٹر حتی المقدور عنوانات درست کرنے کی کوشش کرتے ہیں لیکن محفلین سے توقع رکھی جاتی ہے کہ وہ اس بات کا ادراک خود کریں اور منتظمین کا کام سہل بنائیں۔ بعض دفعہ اس وجہ سے بھی ترمیم سے گریز کیا جاتا ہے کہ صاحب مضمون خود اپنا مضمون نہ بھلا بیٹھیں۔ اس کے علاوہ بغیر کسی انتہائی سبب کے احباب کی تحریروں میں تدوین اخلاقی طور پر بھی درست محسوس نہیں ہوتی۔
     
    • پسندیدہ پسندیدہ × 5
  7. شمشاد

    شمشاد لائبریرین

    مراسلے:
    204,803
    جھنڈا:
    Pakistan
    موڈ:
    Relaxed
    بہت اچھا کام کیا ہے سعود بھائی آپ نے۔

    میں گاہے بگاہے عنوان درست کرتا رہتا ہوں۔
     
    • پسندیدہ پسندیدہ × 4
  8. خواجہ طلحہ

    خواجہ طلحہ محفلین

    مراسلے:
    1,692
    کچھ جگہ میں نے بھی بقول عارف کریم "وزن " کے لیے عنوان موضوع سے ہٹ کر دیے تھے۔ بعد میں مجھے وہ خودی بھلے معلوم نہ ہوئے تو تبدیل کردیے۔بہرحال یہ بہت اچھا سلسلہ شروع کیا ہے۔ کیونکہ ہم میں سے اکثر بشمول میرے قواعد و ضوابط پڑنے کی زحمت نہیں کرتے۔( بلکہ مجھے تو ابھی تک محفل کے قواعد و ضوابط کہیں ملے بھی نہیں) اس اعتبار سے دیکھا جائے تو یہ سلسلہ وقتاً فوقتاً ایک آدھ قاعدہ جاننے کا ایک عمدہ ذریعہ ثابت ہوسکتا ہے۔
     
    • پسندیدہ پسندیدہ × 1
  9. ابن سعید

    ابن سعید خادم

    مراسلے:
    60,165
    برادرم طلحہ ہم نے پہلے سوچا تھا کہ قواعد پر مشتمل ایک عدد جامع مضمون تیار کر دوں پھر سوچا کہ اس طرح وقت بہت صرف ہو جائے گا اور کم ہی لوگ مکمل مضمون پڑھنے کی زحمت گوارا کریں گے۔ لہٰذا ایک ایک کرکے کچھ عرصہ بعد ہمارے پاس ان کا مجموعہ اکٹھا ہو جائے گا اور اکثر محفلین اس سے آگاہ بھی ہو جائیں گے اور نئے آنے والوں کو ایسے مفصل ڈاکیومینٹ کی جانب رجوع کرنے کو کہہ سکیں گے جو اس مجموعے کو اکٹھا کرکے بنائی جا سکے گی۔ اس طرح ایک ایک اصول کو فوکس کرنے کا ایک مقصد اور ہے کہ احباب کی رائے دہی کے بعد ہر اصول اپنے بہترین شکل میں تیار کیا جا سکتا ہے جو کہ فرد واحد کی کوشش سے اتنا مکمل کبھی نہ ہو سکتا۔
     
    • پسندیدہ پسندیدہ × 5
  10. الف نظامی

    الف نظامی لائبریرین

    مراسلے:
    16,106
    جھنڈا:
    Pakistan
    موڈ:
    Amused
    بہت اچھا سلسلہ ہے۔
    ابن سعید : کیا وی بلیٹین میں سپل چیکر شامل کرنا ممکن ہے؟ اگر ایسا ممکن ہو تو ایک عدد سپل چیکر ضرور شامل کرنا چاہیے جو پوسٹ میں موجود املا کی غلطیوں کی نشان دہی کرے۔
     
  11. خواجہ طلحہ

    خواجہ طلحہ محفلین

    مراسلے:
    1,692
    یہ تواردو ایڈیٹر میں شامل کیا جائے گا ناں۔
     
  12. ابن سعید

    ابن سعید خادم

    مراسلے:
    60,165
    کیا آپ کو نہیں لگتا کہ املا کی ڈکشنری شامل کرنے سے سائٹ اور بھی بھاری ہو جائے گی؟ اور اگر اجاکسیفائی کر دیا جائے تو سرور گھٹنے ٹیک دیگا بڑھی ہوئی ریکوئسٹ ٹریفک کے آگے۔ ویسے احباب براؤزر پلگ ان کی صورت میں اسپیل چیکر شامل کر سکتے ہیں۔ لیکن یہ رضاکارانہ شکل ہے اور ہر کسی کو مجبور نہیں کیا جا سکتا ایسا کرنے کے لئے۔
     
    • پسندیدہ پسندیدہ × 1
    • متفق متفق × 1
  13. الف نظامی

    الف نظامی لائبریرین

    مراسلے:
    16,106
    جھنڈا:
    Pakistan
    موڈ:
    Amused
    درست کہا آپ نے۔
    اگر سپل چیکر کے الفاظ کی فہرست مختصر ہو مثلا 100 ایسے الفاظ پر مشتمل ہو "مذید بہت بھترین ذلذلہ" جو عموما غلط لکھے جاتے ہیں تو شاید یہ عمل سرور کے لیے قابل برداشت ہو۔
    یا کوئی اسکرپٹ جو پوسٹ میں موجود عمومی اغلاط از خود معائنہ کر کے درست کر دے۔
     
    • پسندیدہ پسندیدہ × 1
  14. الف نظامی

    الف نظامی لائبریرین

    مراسلے:
    16,106
    جھنڈا:
    Pakistan
    موڈ:
    Amused
    یا کم از کم عنوان کی اغلاط اور سجاوٹی آلائشیں ختم کرنے والا سکرپٹ ضرور ہونا چاہیے۔
    کیا ایسا ممکن ہے چند اراکین کو پوسٹ میں موجود املا کی اغلاط کو درست کرنے کا اختیار دے دیا جائے؟

    Users with 2,000 rep can edit any question or answer in the system
     
    • پسندیدہ پسندیدہ × 1
  15. ابن سعید

    ابن سعید خادم

    مراسلے:
    60,165
    الف نظامی بھائی ایسے اختیارات کے لئے فورم سوفٹوئیر کا جائزہ لینا ہوگا کہ امکان ہے بھی یا نہیں۔
     
    • دوستانہ دوستانہ × 1
  16. مغزل

    مغزل محفلین

    مراسلے:
    17,597
    جھنڈا:
    Pakistan
    موڈ:
    Dunce
    متفق ہوں ۔
     
    • پسندیدہ پسندیدہ × 1
  17. علی فاروقی

    علی فاروقی محفلین

    مراسلے:
    268
    جھنڈا:
    Pakistan
    موڈ:
    Amazed
    اچھا طریقہ ہے، اس طرح ایک ایک کر کے اُصول ذہن نشین بھی ہوجائیں گے۔
     
    • پسندیدہ پسندیدہ × 2
  18. ابن سعید

    ابن سعید خادم

    مراسلے:
    60,165
    برقی رابطے پبلک فورم میں شئیر کرنے سے نہ صرف محفل کی ریسورسیز کو خطرہ رہتا ہے بلکہ ای میل پر اسپیم کی تعداد بھی بڑھ جاتی ہے۔ تصویری شکل میں ای میل پتہ شامل کرنا کسی حد تک محفوظ ہے لیکن ای میل ہارویسٹرز آٹومیٹیڈ او سی آر انجنز کے ذریعہ ان کو بھی پڑھتے رہتے ہیں۔ لہٰذا بہتر یہ ہے کہ ان سے حتی المقدور بچا جائے۔ مزید یہ کہ پیغامات میں کسی کا فون نمبر شامل کرنا بھی اسپیم کالز اور ایس ایم ایس کو دعوت دینے کے مترادف ہے۔
     
    • پسندیدہ پسندیدہ × 7
  19. جیلانی

    جیلانی محفلین

    مراسلے:
    304
    اگر ایسا ہی معاملہ ہے جیسا کہ آپ نے کہا تو یہ اصول سب کے لیے ہو۔۔۔۔ اور بہتر ہے کہ اردو محفل سے باہر کھلنے والے ربط بند کراۓ جائیں
    مزید یہ کہ دوسری سائیڈوں پر ایسا نہیں ہوتا بلکہ ہماری محفل سے زیادہ وہاں ان چیزوں کی بھرمار نظر آتی ہیں اب وہ حفاظت کا کون سا طریقہ اختیار کرتے ہیں اسے بھی دیکھا جائے

     
    • پسندیدہ پسندیدہ × 2
  20. الف نظامی

    الف نظامی لائبریرین

    مراسلے:
    16,106
    جھنڈا:
    Pakistan
    موڈ:
    Amused
    جیلانی صاحب برقی رابطے/ پتے email addresses کے حوالے سے کہا گیا ہے نہ کہ انٹرنیٹ ربط جو کہ کسی ویب سائٹ کا لنک ہوتا ہے۔
    جب آپ برقی پتہ انٹرنیٹ پر کہیں لکھتے ہیں تو سپیم باٹ spambots اسے اچک لیتے ہیں اور سپیم برقی پیغامات بھیجنے کے لیے استعمال کرتے ہیں۔
     
    • پسندیدہ پسندیدہ × 2

اس صفحے کی تشہیر