عینی مروت
محفلین
پروین کے یوم وفات پر ایک تازہ نظم خوشبو کی شاعرہ کی نذر۔۔۔۔۔
سفیرِخوشبو
وہ پرستارِفصل ِگل ۔۔۔۔دلپذیر تتلی
جس نے صحنِ چمن سے چن کر
سارےچنچل حسین رنگوں کی دلنشینی
اپنی فکر و خیال کے بال وپر پہ
کتنی ہی جاں گسل خواہشوں کے خوں میں ڈبو ڈبو کر۔۔۔۔سجا رکھی تھی
*خوشبوؤں کی سفیر۔۔ کلیوں کی گود کھیلی
وہ بنفشہ گلاب، ،چنبیلی کی سہیلی
جسکے*صدبرگ سے خیالوں کی عطرریزی سے
آج بھی گوشہ ہائے شہرِ سخن معطر۔۔۔
دھیمی دھیمی سی *خودکلامی سے
رازِ الفت بیان کرتی حسیں پیمبر!۔
عاشق ِفصل ِابر و باراں۔۔۔
باخبر تھی کہ بھیگے بھیگے پروں پہ بارِحیات لے کر
رفعتوں کی اڑان جانکاہ ہے کٹھن ہے
کیا ستم ہے
کہ اسکا نازک وجود۔۔۔رنج و الم کی لذت میں پڑ چکا تھا
عزم و ہمت کی ڈھال پر ایک حرف ِ*"انکار "گڑ چکا تھا
*آئینے گل بہ کف کھڑے تھے
اور وہ خوابوں سے روٹھی روٹھی
خارزاروں کی سمت پرواز کرچکی تھی!
(*شعری مجموعوں کے نام)
سفیرِخوشبو
وہ پرستارِفصل ِگل ۔۔۔۔دلپذیر تتلی
جس نے صحنِ چمن سے چن کر
سارےچنچل حسین رنگوں کی دلنشینی
اپنی فکر و خیال کے بال وپر پہ
کتنی ہی جاں گسل خواہشوں کے خوں میں ڈبو ڈبو کر۔۔۔۔سجا رکھی تھی
*خوشبوؤں کی سفیر۔۔ کلیوں کی گود کھیلی
وہ بنفشہ گلاب، ،چنبیلی کی سہیلی
جسکے*صدبرگ سے خیالوں کی عطرریزی سے
آج بھی گوشہ ہائے شہرِ سخن معطر۔۔۔
دھیمی دھیمی سی *خودکلامی سے
رازِ الفت بیان کرتی حسیں پیمبر!۔
عاشق ِفصل ِابر و باراں۔۔۔
باخبر تھی کہ بھیگے بھیگے پروں پہ بارِحیات لے کر
رفعتوں کی اڑان جانکاہ ہے کٹھن ہے
کیا ستم ہے
کہ اسکا نازک وجود۔۔۔رنج و الم کی لذت میں پڑ چکا تھا
عزم و ہمت کی ڈھال پر ایک حرف ِ*"انکار "گڑ چکا تھا
*آئینے گل بہ کف کھڑے تھے
اور وہ خوابوں سے روٹھی روٹھی
خارزاروں کی سمت پرواز کرچکی تھی!
(*شعری مجموعوں کے نام)