ستمبر 1974ء۔ ۔۔ پارلیمنٹ میں قادیانی شکست

تانیہ نے 'اسلام اور عصر حاضر' کی ذیل میں اس موضوع کا آغاز کیا، ‏جنوری 31, 2013

  1. تانیہ

    تانیہ محفلین

    مراسلے:
    302
    جھنڈا:
    Pakistan
    موڈ:
    Angelic
    ستمبر 1974ء۔ ۔ ۔ ۔ ۔ ۔ پارلیمنٹ میں قادیانی شکست

    30 جون 1974ء کو قومی اسمبلی میں مولانا شاہ احمد نورانی نے قادیانیوں کو غیر مسلم اقلیت قرار دئیے جانے کی قرارداد پیش کی جس پر مولانا مفتی محمود، مولانا عبدالمصطفی الازھری، پروفیسر غفور احمد، مولانا عبدالحق، چوہدری ظہور الٰہی، شیر باز خان مزاری، مولانا محمد ظفر احمد انصاری، احمد رضا قصوری، مولانا نعمت اللہ، سردار شوکت حیات، علی احمد تالپور اور رئیس عطاء محمد خاں مری سمیت چالیس کے قریب ممبرانِ اسمبلی نے دستخط کیے ۔ اس قرارداد میں کہا گیا کہ قادیان کے آنجہانی مرزا غلام احمد قادیانی نے حضور نبی کریم حضرت محمد ﷺ کے بعد اپنے نبی اور رسول ہونے کا دعویٰ کیا۔ قرآنی آیات کا تمسخر اڑایا۔ جہاد کو ختم کرنے کی مذموم کوششیں کیں ۔ اس میں کوئی شک نہیں کہ قادیانیت سامراج کی پیداوار ہے جس کا مقصد مسلمانوں کے اتحاد کو تباہ کرنا اور اسلام کو جھٹلانا ہے ۔ قادیانی مسلمانوں کے ساتھ گھل مل کر اور اسلام کا ایک فرقہ ہونے کا بہانہ کر کے اندرونی اور بیرونی طور پر تخریبی سرگرمیوں میں مصروف ہیں ۔ لہٰذا اسمبلی مرزا قادیانی کے پیروکار قادیانیوں کو غیر مسلم اقلیت قرار دے کر آئینِ پاکستان میں ضروری ترمیم کرے ۔
    5 اگست 1974ء کو صبح دس بجے سپیکر قومی اسمبلی صاحبزادہ فاروق علی خاں کی صدارت میں اسمبلی کا اجلاس شروع ہوا۔ جس میں وزیر اعظم ذوالفقار علی بھٹو، وزیر قانون عبدالحفیظ پیرزادہ، وفاقی وزیر برائے مذہبی امور مولانا کوثر نیازی سمیت پوری کابینہ نے شرکت کی۔ تلاوتِ قرآن مجید کے بعد قادیانی جماعت کے وفد کو جس کی سربراہی قادیانی خلیفہ مرزا ناصر کر رہا تھا، بلایا گیا۔ اسمبلی میں طے پایا گیا کہ کوئی رکن قومی اسمبلی براہِ راست مرزا ناصر سے سوال نہ کرے بلکہ وہ اپنا سوال لکھ کر اٹارنی جنرل جناب یحییٰ بختیار کو دے دے جو خود مرزا ناصر سے اس بارے میں دریافت کریں گے ۔ دنیا کی تاریخ میں جمہوری نظامِ حکومت کا یہ واحد واقعہ ہے کہ اکثریت کی بنیاد پر فیصلہ کرنے کے بجائے قادیانی مذہب کے دونوں فرقوں (ربوی و لا ہوری) کے سربرا ہوں کو اپنا اپنا مؤقف پیش کرنے کے لیے بلایا گیا۔ تعارفی کلمات کے بعد اٹارنی جنرل یحییٰ بختیار نے مرزا ناصر سے قادیانی عقائد پر بحث شروع کی تو مرزا ناصر نے کہا کہ آئین پاکستان کے آرٹیکل 20 کے تحت ہر شہری کو مذہبی طورپر آزادیٔ اظہار حاصل ہے ۔ آپ کسی پر پابندی نہیں لگا سکتے ۔ اٹارنی جنرل نے کہا کہ ایک شخص خود کو مسلمان بھی کہتا ہے اور اسلام کے بنیادی ارکان اور قرآنِ مجید کی متعدد آیات کا بھی منکر ہے تو کیا اس پر پابندی لگائی جاسکتی ہے ۔ اس پر مرزا ناصر مختصر خاموشی کے بعد بولا کہ کسی کو یہ حق حاصل نہیں کہ وہ ہمیں غیرمسلم اقلیت قرار دے ۔ اٹارنی جنرل نے کہا کہ آپ کو کس نے حق دیا ہے کہ آپ دنیا بھر کے مسلمانوں کو کافر، دائرہ اسلام سے خارج اور جہنمی قرار دیں ؟ مرزا ناصر نے کہا کہ ہم کسی کو کافر قرار نہیں دیتے ۔ اس پر اٹارنی جنرل نے مرزا ناصر کو اس کے دادا (آنجہانی مرزا قادیانی) اس کے والد (قادیانی خلیفہ مرزا بشیر الدین محمود) اور اس کے چچا (مرزا بشیر احمد ایم اے ) کی مندرجہ ذیل تحریریں پڑھ کر سنائیں ۔

    اور (جو) ہماری فتح کا قائل نہیں ہو گا تو صاف سمجھا جاوے گا کہ اس کو ولد الحرام بننے کا شوق ہے اور حلال زادہ نہیں ۔ ‘‘

    )انوارِ اسلام صفحہ30مندرجہ روحانی خزائن جلد9 صفحہ 31 از مرزا قادیانی(

    جو میرے مخالف تھے، ان کا نام عیسائی اور یہودی اور مشرک رکھا گیا۔ ‘‘ (نزول المسیح (حاشیہ) صفحہ4 مندرجہ روحانی خزائن جلد18 صفحہ 382 از مرزا قادیانی(
    تلك کتب ینظر الیها کل مسلم بعین المحبة والمودة وینفع من معارفها ویقبلنی و یصدق دعوتی۔ إلا ذریة البغایا۔ ‘‘

    ترجمہ ’’میری ان کتابوں کو ہر مسلمان محبت کی نظر سے دیکھتا ہے اور اس کے معارف سے فائدہ اٹھاتا ہے اور میری دعوت کی تصدیق کرتا ہے اور اسے قبول کرتا ہے مگر کنجریوں (بدکار عورتوں ) کی اولاد نے میری تصدیق نہیں کی۔ ‘‘ (آئینہ کمالات اسلام صفحہ547،548 مندرجہ روحانی خزائن جلد5 صفحہ547،548 از مرزا قادیانی)
    ان العدا صاردا خنازیر الفلا
    و نساء هم من دونهن الاکلب
    ’’دشمن ہمارے بیانوں کے خنزیر ہو گئے ۔ اور ان کی عورتیں کُتیوں سے بڑھ گئی ہیں ۔ ‘‘ (نجم الہدیٰ صفحہ53 مندرجہ روحانی خزائن جلد14صفحہ 53 از مرزا قادیانی)

    ہر ایک ایسا شخص جو موسیٰ ؑ کو تو مانتا ہے مگر عیسیٰؑ کو نہیں مانتا یا عیسیٰؑ کو مانتا ہے مگر محمدؐ کو نہیں مانتا اور یا محمدؐ کو مانتا ہے پر مسیح موعودؑ کو نہیں مانتاوہ نہ صرف کافر بلکہ پکا کافر اور دائرہ اسلام سے خارج ہے ۔ ‘‘ (کلمۃ الفصل صفحہ110 از مرزا بشیر احمد ایم اے ابن مرزا قادیانی(
    اب معاملہ صاف ہے، اگر نبی کریم کا انکار کفر ہے تو مسیح موعودؑ کا انکار بھی کفر ہونا چاہیے ۔ کیونکہ مسیح موعود نبی کریمؐ سے الگ کوئی چیز نہیں ہے بلکہ وہی ہے اور اگر مسیح موعودؑ کا منکر کافر نہیں تو نعوذ باللہ نبی کریم کا منکر بھی کافر نہیں کیونکہ یہ کس طرح ممکن ہے کہ پہلی بعثت میں تو آپ کا انکار کفر ہو مگر دوسری بعثت میں جس میں بقول حضرت مسیح موعودؑ آپ کی روحانیت اقویٰ اور اکمل اور اشد ہے، آپ کا انکار کفر نہ ہو۔ ‘‘ (کلمۃ الفصل صفحہ146،147 از مرزا بشیر احمد ایم اے ابن مرزا قادیانی(
    خدا تعالیٰ نے میرے پر ظاہر کیا ہے کہ ہر ایک شخص جس کو میری دعوت پہنچی ہے اور اس نے مجھے قبول نہیں کیا، وہ مسلمان نہیں ہے ۔ ‘‘)تذکرہ مجموعہ وحی و الہامات صفحہ 519 طبع چہارم از مرزا قادیانی(
    کل مسلمان جو حضرت مسیح موعود (مرزا قادیانی) کی بیعت میں شامل نہیں ہوئے، خواہ انہوں نے حضرت مسیح موعود (مرزا قادیانی) کا نام بھی نہیں سنا، وہ کافر اور دائرہ اسلام سے خارج ہے ۔ ‘‘ (آئینہ صداقت صفحہ35 مندرجہ انوارالعلوم جلد 6 صفحہ 110 از مرزا بشیر الدین محمود ابن مرزا قادیانی(
    جو شخص تیری پیروی نہیں کرے گا اور تیری بیعت میں داخل نہیں ہو گا اور تیرا مخالف رہے گا۔ وہ خدا اور رسول کی نافرمانی کرنے والا اور جہنمی ہے ۔ ‘‘ (تذکرہ مجموعہ وحی و الہامات صفحہ 280 طبع چہارم از مرزا قادیانی(

    ان حوالہ جات پر مرزا ناصر نہایت شرمندہ ہوا۔ پھر اٹارنی جنرل یحییٰ بختیار نے مرزا ناصر سے پوچھا کہ جب آپ کا نبی الگ، قرآن الگ، نماز، روزہ، حج اور زکوٰۃ الگ ہے تو پھر آپ خود کو مسلمان کہلوانے اور شعائر اسلامی استعمال کرنے پر بضد کیوں ہیں ؟ اس پر مرزا ناصر نے کہا کہ ہماری کوئی چیز الگ نہیں ہے، ہم مسلمانوں کا ہی ایک حصہ ہیں ۔ اس پر اٹارنی جنرل نے مندرجہ ذیل حوالے پڑھ کر سنائے تو مرزا ناصر بے حد پریشان ہوا۔

    کل میں نے سنا تھا کہ ایک شخص نے کہا کہ اس (قادیانی) فرقہ میں اور دوسرے لوگوں (مسلمانوں ) میں سوائے اس کے اور کچھ فرق نہیں کہ یہ لوگ وفاتِ مسیح کے قائل ہیں اور وہ لوگ وفاتِ مسیح کے قائل نہیں ۔ باقی سب عملی حالت مثلاً نماز، روزہ اور زکوٰۃ اور حج وہی ہیں ۔ سو سمجھنا چاہیے کہ یہ بات صحیح نہیں کہ میرا دنیا میں آنا صرف حیاتِ مسیح کی غلطی کودورکرنے کے واسطے ہے ۔ اگر مسلمانوں کے درمیان صرف یہی ایک غلطی ہوتی تو اتنے کے واسطے ضرورت نہ تھی کہ ایک شخص خاص مبعوث کیا جاتا اور الگ جماعت بنائی جاتی اور ایک بڑا شور بپا کیا جاتا۔ ‘‘ (احمدی اور غیر احمدی میں کیا فرق ہے ؟ از مرزا قادیانی صفحہ 2)

    قادیانی جماعت کے دوسرے خلیفہ مرزا بشیرالدین محمود کا کہنا ہے :

    حضرت مسیح موعود (مرزا قادیانی) کے منہ سے نکلے ہوئے الفاظ میرے کانوں میں گونج رہے ہیں ۔ آپ نے فرمایا یہ غلط ہے کہ دوسرے لوگوں (مسلمانوں ) سے ہمارا اختلاف صرف وفات مسیح یا اور چند مسائل میں ہے آپ نے فرمایا۔ اللہ تعالیٰ کی ذات، رسول کریمؐ، قرآن، نماز، روزہ، حج، زکوٰۃ، غرض کہ آپ نے تفصیل سے بتایا کہ ایک ایک چیز میں ہمیں ان (مسلمانوں ) سے اختلاف ہے ۔ (خطبہ جمعہ مرزا بشیر الدین خلیفہ قادیان، مندرجہ اخبار ’’الفضل‘‘ قادیان، ج 19، نمبر 13، مورخہ 30 جولائی 1931ء(
    حضرت مسیح موعود (مرزا قادیانی) نے تو فرمایا ہے کہ ان (مسلمانوں ) کا اسلام اور ہے اور ہمارا اور، ان کا خدا اور ہے اور ہمارا خدا اور ہے، ہمارا حج اور ہے اور ان کا حج اور۔ اسی طرح ان سے ہر بات میں اختلاف ہے ۔ ‘‘(روزنامہ الفضل قادیان 21 اگست 1917ء جلد 5 نمبر 15 ص 8 )

    ایک موقع پر اٹارنی جنرل یحییٰ بختیار نے قادیانی خلیفہ مرزا ناصر سے پوچھا کہ کیا آپ کے پاس مرزا قادیانی کی تمام کتب موجود ہیں ؟ مرزا ناصر نے کہا کہ ہاں ! ہمارے پاس مرزا صاحب کی تمام کتب موجود ہیں ۔ اٹارنی جنرل نے پوچھا کہ ان کی تعداد کیا ہے ؟ مرزا ناصر نے کہا کہ 80 کے قریب ہیں ۔ یحییٰ بختیار نے کہا کہ آپ نے ان 80 کتب کو روحانی خزائن کے نام سے شائع کیا۔ اس کے علاوہ ملفوظات دس جلدوں میں، مجموعہ اشتہارات تین جلدوں میں اور مکتوبات وغیرہ تین جلدوں میں شائع کیے ۔ یہ ساری کتب ایک الماری کے دو شیلفوں میں آ سکتی ہیں ۔ مگر آپ کے مرزا صاحب نے اپنی کتاب تریاق القلوب میں لکھا ہے :

    میری عمر کا اکثر حصہ اس سلطنت انگریزی کی تائید اور حمایت میں گزرا ہے اور میں نے ممانعت جہاد اور انگریزی اطاعت کے بارے میں اس قدر کتابیں لکھی ہیں اور اشتہار شائع کیے ہیں کہ اگر وہ رسائل اور کتابیں اکٹھی کی جائیں تو پچاس الماریاں ان سے بھرسکتی ہیں ۔ میں نے ایسی کتابوں کو تمام ممالک عرب اور مصر اور شام اور کابل اور روم تک پہنچا دیا ہے ۔ میری ہمیشہ کوشش رہی ہے کہ مسلمان اس سلطنت کے سچے خیرخواہ ہو جائیں اور مہدی خونی اور مسیح خونی کی بے اصل روایتیں اور جہادکے جوش دلانے والے مسائل جو احمقوں کے دلوں کو خراب کرتے ہیں، ان کے دلوں سے معدوم ہو جائیں ۔ ‘‘

    )تریاق القلوب صفحہ27،28 مندرجہ روحانی خزائن جلد15 صفحہ155،156 از مرزا قادیانی(
    اٹارنی جنرل نے مرزا ناصر سے پوچھا کہ باقی کتب کہاں اور ان کے نام کیا ہیں ؟ اس پر مرزا ناصر نے کہا کہ اتنی تعداد میں شائع ہوئیں کہ 50 الماریاں بھر جائیں ۔ اٹارنی جنرل نے کہا کہ اگر آپ صرف ایک کتاب کو ایک لاکھ کی تعداد میں شائع کر دیں تو اس سے سینکڑوں الماریاں بھر جائیں گی۔ مرزا صاحب تو کہتے ہیں کہ انگریز کی حمایت اور جہاد کی ممانعت کے سلسلہ میں اتنی کتابیں لکھی ہیں کہ 50 الماریاں بھر جائیں ۔ اس پر مرزا ناصر کو کوئی جواب نہ آیا۔
    ایک اور موقع پر اٹارنی جنرل یحییٰ بختیار نے مرزا ناصر سے پوچھا کہ آپ مرزا قادیانی کو کیا مانتے ہیں ؟ مرزا ناصر نے کہا کہ ہم مرزا غلام احمد صاحب کو مہدی اور مسیح موعود مانتے ہیں ۔ اٹارنی جنرل نے پوچھا کہ اس کے علاوہ آپ مرزا صاحب کو کیا مانتے ہیں ؟ مرزا ناصر نے کہا کہ کچھ نہیں ۔ اٹارنی جنرل نے کہا کہ مرزا قادیانی نے اپنی کتابوں میں صراحتاً دعویٰ کیا ہے کہ وہ خود ’’محمد رسول اللہ‘‘ ہے ۔ اور آپ جب کلمہ طیبہ لا إله إلا الله محمد رسول الله پڑھتے ہیں تو محمد رسول اللّٰہ سے مراد مرزا قادیانی لیتے ہیں ۔ اس پر مرزا ناصر نے کہا کہ ہم مرزا صاحب کو محمد رسول اللہ نہیں مانتے ۔ اٹارنی جنرل نے کہا کہ کیا آپ مرزا قادیانی کے دعویٰ محمد رسول اللہ کو جھوٹا مانتے ہیں ؟ اس پر مرزا ناصر خاموش ہو گیا۔ پھر اٹارنی جنرل نے مندرجہ ذیل اقتباسات پیش کیے ۔

    پھر اسی کتاب میں اس مکالمہ کے قریب ہی یہ وحی اللہ ہے محمد رسول اللّٰہ والذین معہ اشداء علی الکفار رحماء بینھم اس وحی الٰہی میں میرا نام محمد رکھا گیا اور رسول بھی۔ ‘‘ (ایک غلطی کا ازالہ صفحہ 4، مندرجہ روحانی خزائن جلد18صفحہ207 از مرزا قادیانی(
    مجھے بروزی صورت نے نبی اور رسول بنایا ہے اور اسی بنا پر خدا نے بار بار میرا نام نبی اللہ اور رسول اللہ رکھا مگر بروزی صورت میں ۔ میرا نفس درمیان نہیں ہے بلکہ محمد مصطفے ٰ ہے ۔ اسی لحاظ سے میرا نام محمدؐ اور احمدؐ ہوا۔ پس نبوت اور رسالت کسی دوسرے کے پاس نہیں گئی۔ محمدؐ کی چیز محمدؐ کے پاس ہی رہی۔ ‘‘ (ایک غلطی کا ازالہ صفحہ 12 مندرجہ روحانی خزائن جلد 10 صفحہ 216 از مرزا قادیانی(
    میں آدمؑ ہوں، میں نوحؑ ہوں، میں ابراہیمؑ ہوں، میں اسحاقؑ ہوں، میں یعقوبؑ ہوں، میں اسماعیل ؑ ہوں، میں موسیٰ ؑ ہوں، میں داؤدؑ ہوں، میں عیسیٰ ؑ ابن مریم ہوں، میں محمد ہوں ۔ ‘‘ (تتمہ حقیقت الوحی صفحہ 521،مندرجہ روحانی خزائن جلد22صفحہ521 از مرزا قادیانی(
    کیا اس بات میں کوئی شک رہ جاتا ہے کہ قادیان میں اللہ تعالیٰ نے پھر محمد کو اتارا تاکہ اپنے وعدہ کو پورا کرے جو اس نے آخرین منهم لما یلحقوا بهم میں فرمایا تھا۔ ‘‘ (کلمۃ الفصل صفحہ 104، 105، از مرزا بشیر احمد ایم اے ابن مرزا قادیانی(
    ہر ایک نبی کو اپنی استعداد اور کام کے مطابق کمالات عطا ہوتے تھے کسی کو بہت، کسی کو کم۔ مگر مسیح موعودؑ کو تو تب نبوت ملی جب اس نے نبوت محمدیہﷺ کے تمام کمالات کو حاصل کر لیا اور اس قابل ہو گیا کہ ظلی نبی کہلائے پس ظلی نبوت نے مسیح موعودؑ کے قدم کو پیچھے نہیں ہٹایا بلکہ آگے بڑھایا اور اس قدر آگے بڑھایا کہ نبی کریم کے پہلوبہ پہلو لاکھڑا کیا۔ ‘‘ (کلمۃ الفصل صفحہ113، از مرزا بشیر احمد ایم اے ابن مرزا قادیانی(
    ہم کو نئے کلمہ کی ضرورت پیش نہیں آتی کیونکہ مسیح موعود (مرزا قادیانی) نبی کریم سے کوئی الگ چیز نہیں ہے جیسا کہ وہ خود فرماتا ہے صار وجودی وجودہ نیز من فرق بینی وبین المصطفی فما عرفنی و ماریٰ اور یہ اس لیے ہے کہ اللہ تعالیٰ کا وعدہ تھا کہ وہ ایک دفعہ اور خاتم النبیین کو دنیا میں مبعوث کرے گا جیسا کہ آیت آخرین منھم سے ظاہر ہے ، پس مسیح موعودؑ خود محمد رسول اللہ ہے جو اشاعت اسلام کے لیے دوبارہ دنیا میں تشریف لائے، اس لیے ہم کو کسی نئے کلمہ کی ضرورت نہیں، ہاں اگر محمد رسول اللہ کی جگہ کوئی اور آتا تو ضرورت پیش آتی۔ ) ‘‘کلمۃ الفصل صفحہ 158از مرزا بشیر احمد ایم اے ابن مرزا قادیانی(

    q ’’اے محمد سلسلہ کے برگزیدہ مسیح تجھ پر خدا کا لاکھ لاکھ درُود اور لاکھ لاکھ سلام ہو۔ ۔ ‘‘
    )سیرت المہدی جلد سوئم صفحہ 208 از مرزا بشیراحمد ابن مرزا قادیانی(

    اللهم صلی علی محمد و علی عبدك المسیح الموعود۔ ‘‘

    ترجمہ: اے اللہ محمد اور اپنے بندے مسیح موعود (مرزا قادیانی) پر درود و سلام بھیج۔ (روزنامہ الفضل قادیان 31 جولائی 1937ء صفحہ 5 کالم 2 (
    محمد پھر اتر آئے ہیں ہم میں
    اور آگے سے ہیں بڑھ کر اپنی شاں میں
    محمد دیکھنے ہوں جس نے اکمل
    غلام احمد کو دیکھے قادیاں میں ‘‘
    )روزنامہ بدر قادیان، 25 اکتوبر1906ء از مرزا قادیانی(
    جب اٹارنی جنرل نے مرزا قادیانی کی کتب سے مذکورہ بالا حوالہ جات پیش کیے تو ممبران اسمبلی غم و غصہ میں ڈوب گئے ۔ بہرحال 13 روز کی طویل بحث اور جرح کے بعد مرزا ناصر نے نہ صرف اپنے تمام کفریہ عقائد و نظریات کا برملا اعتراف کیا بلکہ لایعنی تاویلات کے ذریعے ان کا دفاع بھی کیا۔ 5 اور 6 ستمبر کو اٹارنی جنرل جناب یحییٰ بختیار نے 13 روز کی بحث کو سمیٹتے ہوئے اراکین اسمبلی کو مفصل بریفنگ دی۔ ان کا بیان اس قدر مدلل، جامع اور ایمان افروز تھا کہ کئی آزاد خیال اور سیکولر ممبران اسمبلی بھی قادیانیوں کے عقائد و عزائم سن کو پریشان ہو گئے ۔ چنانچہ 7 ستمبر 1974ء کو شام 4 بج کر 35 منٹ پر پارلیمنٹ نے متفقہ طور پر قادیانیوں کے دونوں فرقوں (ربوی و لا ہوری) کو غیر مسلم اقلیت قرار دیا اور آئین پاکستان کی شق (2) 160 اور (3) 260 میں ا س کا مستقل اندراج کر دیا۔
    ایک موقع پر قومی اسمبلی میں یہ حیران کن منظر بھی دیکھنے میں آیا کہ جب قادیانی خلیفہ مرزا ناصر اپنے کفریہ عقائد کے دفاع میں دلائل دے رہا تھا کہ اچانک ایک پرندہ اڑتا ہوا آیا اور مرزا ناصر پر بیٹ کر دی جس سے وہ نہایت سٹپٹایا اور بڑبڑاتا ہوا تھوڑی دیر کے لیے اسمبلی سے باہر چلا گیا۔ جس نے بھی یہ منظر دیکھا، وہ ششدر رہ گیا کہ جدید عمارت کے بند کمرے میں اچانک پرندہ کہاں سے آ گیا؟ اور پھر پرندے کا صرف مرزا ناصر کو ٹارگٹ کرنا بھی باعث تعجب تھا۔
    حال ہی میں سپیکر قومی اسمبلی محترمہ فہمیدہ مرزا نے اپنے خصوصی اختیارات کے تحت قادیانیوں کو غیر مسلم اقلیت قرار دئیے جانے سے متعلق پارلیمنٹ کے بند کمرے کے اجلاس میں ہونے کی والی خصوصی بحث کے ریکارڈ کو 36 سال بعد اوپن کرنے کی منظوری دے دی ہے ۔اور اب اسے ہر خاص و عام کی لائیبریری کا حصہ بنا دیا گیا ہے قادیانیوں نے پروپیگنڈہ کیا تھا کہ ’’اگر اسمبلی کی یہ کار روائی شائع ہو جائے تو آدھا پاکستان قادیانی ہو جائے گا۔ ‘‘ اس کے جواب میں اٹارنی جنرل جناب یحییٰ بختیار نے کہا تھا کہ ’’قادیانی جھوٹ بولتے ہیں وہ اسمبلی کے اندر اپنے تمام کفریہ اور گستاخانہ عقائد کا اعتراف کر چکے ہیں ۔ اگر یہ کار روائی شائع ہو گئی تو لوگ انہیں ماریں گے ۔ ‘‘ ۔ ۔ ۔ دیکھتے ہیں کس کی بات سچ ثابت ہوتی ہے ۔
    پردہ اٹھنے کی منتظر ہے نگاہ

    محمدمتین خالد
     
    • زبردست زبردست × 7
    • معلوماتی معلوماتی × 6
    • پسندیدہ پسندیدہ × 3
    • متفق متفق × 1
  2. شمشاد

    شمشاد لائبریرین

    مراسلے:
    210,370
    جھنڈا:
    Pakistan
    موڈ:
    Relaxed
    بہت خوب تانیہ، بہت شکریہ شریک محفل کرنے کا۔
     
    • متفق متفق × 1
  3. ایچ اے خان

    ایچ اے خان معطل

    مراسلے:
    14,183
    موڈ:
    Cool
    جزاک اللہ خیر
    میں تو یحیی بختیار کا بھی عقیدت مند ہوگیا ہوں۔ اللہ اسے جزائے خیر عطا کرے۔ اللہ بھٹوکو بھی جنت الفردوس میں اعلیٰ مقام عطا کرے۔
     
    • پسندیدہ پسندیدہ × 4
  4. ساجد

    ساجد محفلین

    مراسلے:
    7,113
    موڈ:
    Question
    اگر آپ کو یہ پتا چلے کہ اداکارہ زیبا بختیار اسی یحیی بختیار کی دختر ہے تو مجھے آپ کی افتاد طبع پر گمان ہے کہ آپ کی عقیدت کے غبارے کی ہوا بھی نکل سکتی ہے ۔:)
     
    • پر مزاح پر مزاح × 6
    • متفق متفق × 3
  5. اوشو

    اوشو لائبریرین

    مراسلے:
    2,513
    جھنڈا:
    Pakistan
    موڈ:
    Drunk
    اگر قادیانیوں کے بارے میں بہت نرم گوشہ رکھنے والے سلیمان تاثیر کو ناپسند کرنے والے کسی شخص کو یہ پتا چلے کہ اس کے والد "ایم ڈی تاثیر" برصغیر میں سے کیمبرج یونیورسٹی سے انگریزی ادب میں اعلی ترین ڈگری لینے والے پہلے مسلمان تھے۔ اور فیض احمد فیض کے ہم زلف تھے اور ایک سچے عاشق رسول تھے۔ غازی علم الدین شہید رح کے جسد خاکی کو انگریزوں سے حاصل کرنے میں علامہ اقبال رح کے ساتھ اہم کردار ادا کیا اور ان ہی کی فراہم چارپائی پر ان کا جسدِ خاکی لاہور لایا گیا۔ تو کیا اس شخص میں طبع میں سلیمان تاثیر سے عقیدت کے غبارے میں ہوا بھر جائے گی؟؟؟
     
    • پسندیدہ پسندیدہ × 4
    • متفق متفق × 3
    • زبردست زبردست × 1
    • معلوماتی معلوماتی × 1
  6. اوشو

    اوشو لائبریرین

    مراسلے:
    2,513
    جھنڈا:
    Pakistan
    موڈ:
    Drunk
    اس کارروائی کا سارا متن پہلے بھی اللہ وسایا صاحب کی طرف سے شائع ہو چکا تھا۔ جس پر قادیانی گروپ کی طرف سے من گھڑت ہونے کا الزام تھا۔ اب سرکاری سطح پر یہ ساری کاروائی چھاپ دی گئی ہے جو پہلے اللہ وسایا صاحب کی ذاتی طو رپر چھاپی جانے والے کاروائی کے متن کے بالکل عین مطابق ہے۔ اور یہ کاروائی خود قادیانی حضرات کی درخواست پر منظر پبلش کی گئی ہے۔ سب کو یہ کاروائی ضرور پڑھنی چاہیے۔ اور بالخصوص قادیانی حضرات کو۔ تاکہ ان کو پتا چلے کہ ان کے سربراہ کی طرف سے اس کاروائی کے متعلق کیے جانے والے دعوؤں میں کس حد تک سچائی تھی۔ کیوں کہ یحیٰ بختیار کی جرح سے اس ساری کاروائی میں دودھ کا دودھ اور پانی کا پانی ہو گیا ہے۔
     
    • پسندیدہ پسندیدہ × 2
    • معلوماتی معلوماتی × 2
    • متفق متفق × 2
  7. شمشاد

    شمشاد لائبریرین

    مراسلے:
    210,370
    جھنڈا:
    Pakistan
    موڈ:
    Relaxed
    ساجد بھائی یہ اللہ کے کام ہیں کہ نوح کے گھر کنعان کا پیدا ہونا اور آذر کے گھر ابراہیم کا پیدا ہونا۔
     
    • متفق متفق × 5
    • زبردست زبردست × 2
  8. عظیم اللہ قریشی

    عظیم اللہ قریشی محفلین

    مراسلے:
    2,583
    جھنڈا:
    Pakistan
    موڈ:
    Tolerant
    مسٹر ساجد اس سنجیدہ دھاگے میں اس نوعیت کا لمس دینا کس حقیقت کو اجاگر کرتا ہے قارئین اس سے بخوبی واقف ہوگئے ہیں کہ آپ کتنے اچھے اور سوشل مسلمان ہیں آپ کا بہت بہت شکریہ کہ آپ نے ایسا مراسلہ پیش کیا جس میں آپ کی جانبداری یا غیر جانبداری کھل کر سامنے آگئی ہے۔
     
    • متفق متفق × 2
  9. عظیم اللہ قریشی

    عظیم اللہ قریشی محفلین

    مراسلے:
    2,583
    جھنڈا:
    Pakistan
    موڈ:
    Tolerant
    تانیہ جی آپ کا اور بے باک جی اور ملک جی کا بہت بہت شکریہ
     
    • دوستانہ دوستانہ × 1
    • متفق متفق × 1
  10. ایچ اے خان

    ایچ اے خان معطل

    مراسلے:
    14,183
    موڈ:
    Cool
    مجھے پتہ ہے۔
    پر یحیی بختیار نے جو کیا ہے اسکے لیے اسکا احترام لازم ہے
    زیبا کی حرکات اپنی جگہ پر اسکے والد کا احترام لازم ہے
     
  11. ساجد

    ساجد محفلین

    مراسلے:
    7,113
    موڈ:
    Question
    جناب ایسی بھی کیا بات ہو گئی کہ میری مسلمانی خطرے میں پڑ گئی؟۔:)
    نیچے اقتباس میں ایک لفظ درج ہے ”افتاد طبع“۔ ذرا اس لفظ اور آخر میں بنے سمائیلی پر بھی غور کر لیں۔
     
    • پر مزاح پر مزاح × 1
    • متفق متفق × 1
  12. عظیم اللہ قریشی

    عظیم اللہ قریشی محفلین

    مراسلے:
    2,583
    جھنڈا:
    Pakistan
    موڈ:
    Tolerant
    مسٹر ساجد آپ نے سنا تو ہوگا کہ چور مچائے شور تو آپ کے اندر کا چور آپ کو ایسی بودی دلیلیں دینے کے لیئے اکساتا ہے ورنہ میں نے تو کدھر کسی بھی طرح تحریری طور پر آپ کو قادیانی جماعت میں شامل نہیں کیا ہے اگر آپ اس پر بضد ہیں تو بندہ کو کیا اعتراض ہوسکتا ہے۔
    نایاب محمود احمد غزنوی الف نظامی
     
  13. عظیم اللہ قریشی

    عظیم اللہ قریشی محفلین

    مراسلے:
    2,583
    جھنڈا:
    Pakistan
    موڈ:
    Tolerant
    ایچ اے خان اس میں زیبا بختیار کی حرکتوں کا کیا تعلق ہے زیبا بختیار ایک ایلیٹ گھرانے کی خاتون ہے اور بہت ساری ایلیٹ گھرانوں کی عورتوں سے اچھی عورت ہے بس منافق نہیں ہے ورنہ دنیا میں کہیں بھی ایلیٹ کلاس کی خواتین اگر کسی فلم وغیرہ میں حصہ لے لیں تو اس میں مضائقہ ہی کیا ہے یہ تو ان کا کلچر ہےمیں اپ کو ایک سچا واقعہ سناتا ہوں کہ ایک بہت بڑی بیوروکریٹ فیملی کی ایک لڑکی سے میری کسی موضوع پر بات ہوئی تو میں اس کی اسلامی معلومات سے بہت خوش ہوا میں نے اس کو کہا کہ آپ اتنی اچھی لڑکی ہو پھر یہ کلبنگ اور اس میں ڈانسنگ وغیرہ چہ معنی دارد تو وہ ہنسنے لگی کہ جناب عالی یہ ہمارا کلچر ہے آپ چھوٹے لوگ ہو اور آپ لوگوں کی چھوٹی ذہنیت ہے اس وجہ سے آپ ایسی باتیں سوچتے ہو ہم لوگ ایسی باتیں نہیں سوچتے ہیں ۔
     
  14. ایچ اے خان

    ایچ اے خان معطل

    مراسلے:
    14,183
    موڈ:
    Cool
    :)
     
  15. عبدالقیوم چوہدری

    عبدالقیوم چوہدری محفلین

    مراسلے:
    18,374
    جھنڈا:
    Pakistan
    موڈ:
    Relaxed
    کیا یہ ساری بحث سرکاری طور پر شائع ہو چکی ہے ؟
     
  16. شمشاد

    شمشاد لائبریرین

    مراسلے:
    210,370
    جھنڈا:
    Pakistan
    موڈ:
    Relaxed
    جی بالکل شائع ہو چکی ہے۔
     
    • زبردست زبردست × 1
  17. دوست

    دوست محفلین

    مراسلے:
    13,080
    جھنڈا:
    Germany
    موڈ:
    Fine
    کتاب کا نام کیا ہے؟
     
  18. یوسف-2

    یوسف-2 محفلین

    مراسلے:
    4,043
    جھنڈا:
    Pakistan
    موڈ:
    Shh
     
    • زبردست زبردست × 2
    • پسندیدہ پسندیدہ × 1
  19. یوسف-2

    یوسف-2 محفلین

    مراسلے:
    4,043
    جھنڈا:
    Pakistan
    موڈ:
    Shh
    مراسلہ نمبر 18 میں قومی اسمبلی کی اس سرکاری دستاویز کی آن لائن لنک موجود ہے۔ یہی دستاویز سابقہ زرداری حکومت میں قومی اسمبلی کی اسپیکر نے زر کثیر صرف کرکے پہلی مرتبہ پرنٹ بھی کروادیا ہے، آن لائن جاری کرنے کے علاوہ۔ یہ دستاویز کسی بھی سرکاری ریکارڈز کے ادارے سے حاصل کی جاسکتی ہے۔
     
    • پسندیدہ پسندیدہ × 2
    • زبردست زبردست × 1
  20. شمشاد

    شمشاد لائبریرین

    مراسلے:
    210,370
    جھنڈا:
    Pakistan
    موڈ:
    Relaxed
    • زبردست زبردست × 1
    • معلوماتی معلوماتی × 1

اس صفحے کی تشہیر