*** سب سے پہلا 2 ***

[ف۔قدوسی]

اولیات و تقدمات

وہ ہستی جس کے قبول اسلام پر کفار نے پہلی بار محسوس کیا کہ تحریک اسلامی زور پکڑتی جارہی ہے:

حضرت حمزہ رضی اللہ عنہ۔۔۔۔۔۔۔۔۔۔۔۔۔۔۔۔۔۔۔۔

سب سے پہلا مسلم انصاری سردار جس نے مکہ والوں کے ہاتھوں مار کھائی:

حضرت سعد بن معاذ رضی اللہ عنہ۔۔۔۔۔۔۔۔۔۔۔۔۔۔۔۔۔

اولین جان جو مسجدالحرام میں راہ حق میں قربان ہوئی:

حارث بن ابی حالہ۔۔۔۔۔۔۔۔۔۔۔۔۔۔۔

اولین خاتون جو انتہائی مظلومانہ انداز سے اسلام پر قربان ہوئی:

حضرت سمیہ رضی اللہ عنھا(حضرت یاسر کی اہلیہ اور حضرت عمار کی والدہ)۔۔۔۔۔۔۔۔۔۔۔۔۔۔۔

سب سے پہلا شخص جس نے بنو ہاشم کے مقابلے میں قریش کے معاہدئہ مقاطعہ کو ختم کرانے کی تحریک کی:

ہشام بن عمرو بن ربیعہ۔۔۔۔۔۔۔۔۔۔۔۔۔۔۔

اولین مرد مؤمن جس نے اپنی ایک آنکھ صداقت کے لئے قربان کردی:

عثمان بن مظعون رضی اللہ عنہ(قریش کی مجلس میں انہوں نے لبید کے سامنے اس کے ایک مصرعہ سے اختلاف کیا۔اس پر اس کی آنکھ پھوڑ دی گئ)۔۔۔۔۔۔۔۔۔۔۔۔۔۔۔۔۔۔۔۔۔

سب سے پہلا مہاجر مدینہ:

حضرت ابو سلمہ رضی اللہ عنہ۔۔۔۔۔۔۔۔۔۔۔۔۔۔۔۔۔

اولین حادثہ ارتداد:

عبید بن جحش حبشہ میں ہجرت کرکے جانے کے بعد عیسائی ہوگیا۔۔۔۔۔۔۔۔۔۔۔۔۔۔۔۔۔

اسلام کے لئے سب سے پہلا تیر چلانے والا:

حضرت سعب بن ابی وقاص رضی اللہ عنہ نے سرئہ عبدالحارث میں بمقام ثنیۃ المرہ دشمن پر تیر پھینکا۔مگر دشمن بچ نکلا۔۔۔۔۔۔۔۔۔۔۔۔

اسلام کی حمایت میں سب سے پہلا تلوار اٹھانے والا:

حضرت زبیر بن العوام ۔۔۔۔۔۔۔۔۔۔۔۔۔۔۔۔۔۔۔۔۔

ہجرت حبشہ ثانیہ میں اولین مہاجر:

حضرت جعفر بن ابی طالب رضی اللہ عنہ ۔۔۔۔۔۔۔۔۔۔۔۔۔۔۔۔۔۔۔۔

مدینہ کا پہلا نوجوان جو حضور صلی اللہ علیہ وسلم کی دعوت سے متاثر ہوا:

سوید بن صامت رضی اللہ عنہ۔۔۔۔۔۔۔۔۔۔۔۔۔۔۔۔۔

اولین انصاری صحابی جن کا مدینہ میں ہجرت کے بعد انتقال ہوا:

کلثوم بن المہدم جن کے مکان واقع قبا میں حضور صلی اللہ علیہ وسلم نے ہجرت کے بعد چند روز قیام فرمایا تھا۔۔۔۔۔۔۔۔۔۔۔۔۔۔۔۔۔۔۔۔

سب سے پہلا مہاجر جن کا مدینہ میں انتقال ہوا:

حضرت عثمان بن مظعون رضی اللہ عنہ۔۔۔۔۔۔۔۔۔۔۔۔۔۔۔

حمیت اسلام کے تحت پہلا شخصی قتل(عورت):

اسماء بنت مروان خطمیہ قبیلہ کو نبی کریم صلی اللہ علیہ وسلم کے خلاف بھڑکاتی تھی اور بدگوئی کرتی تھی۔ اس کے نومسلم بھائی عمیر بن عدی رضی اللہ عنہ نے کسی موقع پر جوش میں آکر اسے قتل کردیا(رمضان 2 ھجری)۔۔۔۔۔۔۔۔۔۔۔۔۔۔۔

حمیت اسلام کے تحت پہلا شخصی قتل(مرد):

ابو غفلہ یہودی حضور صلی اللہ علیہ وسلم اور مسلمانوں کے خلاف بد زبانی کرکے لوگوں اشتعال دلاتا تھا۔عالم بن عمیر رضی اللہ عنہ نے غیرت میں آکر ان کاخاتمہ کردیا۔۔۔۔۔۔۔۔۔۔۔۔۔۔۔۔۔۔۔

مدینہ میں اولین معلم اسلام کی ماموریت:

حضرت مصعب بن عمیر رضی اللہ عنہ کو (ابن ام مکتوم رضی اللہ عنھا کی معیت میں) حضور صلی اللہ علیہ وسلم نے وفد انصار کے ساتھ روانہ کیا(14 سال بعثت)۔۔۔۔۔۔۔۔۔۔۔۔۔۔

بیعت عقبہ ثانیہ میں سب سے پہلے بیعت کرنے والے انصاری صحابی:

براء بن معرور رضی اللہ عنہ۔۔۔۔۔۔۔۔۔۔۔۔۔۔

مدینہ میں پہلا اجتماع درس قرآن:

مسجد بنی زریق میں دیا گیا(غالباً یہ باقاعدہ مسجد نہیں تھی بلکہ عبادت کے لئے ایک جگہ مقرر کرلی گئ تھی)۔۔۔۔۔۔۔۔۔

سب سے پہلی باقاعدہ مسجد کی تعمیر:

مسجد قبا جو مورخئہ 7 تا ربیع الاول 13 سال بعثت 1ھجری میں تعمیر ہوئی۔۔۔۔۔۔۔۔۔۔۔۔


(محسن انسانیت صلی اللہ علیہ وسلم)