سانحہ لال مسجد کی تحقیقات کیلئے عدالتی کمیشن کا قیام

[عاطف بٹ]

پاکستان کی عدالتِ عظمیٰ نے سانحہ لال مسجد کے حقائق جاننے کیلئے وفاقی شرعی عدالت کے سینئر جج شہزاد الشیخ پر مشتمل یک رکنی عدالتی کمیشن تشکیل دیدیا ہے۔ چیف جسٹس افتخار محمد چوہدری کی سربراہی میں تین رکنی بنچ نے لال مسجد آپریشن کے دوران لاپتہ ہونے والے 103 افراد کے لواحقین کی جانب سے دائر درخواست کی سماعت کی۔ دورانِ سماعت چیف جسٹس نے ریمارکس میں کہا کہ تحقیقاتی ادارے ثابت نہیں کرسکے کہ مقتولین دہشت گرد تھے۔ ایس ایس پی اسلام آباد طاہر عالم نے لال مسجد کے حوالے سے عدالت میں رپورٹ پیش کرتے ہوئے بتایا کہ لال مسجد سے کسی خاتون کی لاش نہیں ملی۔ چیف جسٹس نے کہا کہ رپورٹ درست نہیں کیونکہ جاں بحق ہونے والوں میں معصوم بچیاں بھی شامل تھیں۔
عدالتی کمیشن کو 45 دن کے اندر رپورٹ پیش کرنے کی ہدایت کی گئی ہے۔ عدالتی کمیشن سانحہ لال مسجد کے اسباب کی چھان بین کرنے کے ساتھ ساتھ مذکورہ سانحے میں جاں بحق ہونے والے افراد کی صحیح تعداد کے حوالے سے بھی حقائق اکٹھے کرے گا۔ کمیشن جاں بحق افراد کے لواحقین کو ریاست کی جانب سے ملنے والے معاوضے کی ادائیگی، لاشوں کی شناخت کر کے لواحقین کے حوالے کرنے، سانحہ کے ذمہ داروں کے تعین اور ان کے خلاف کی جانے والی کسی بھی کارروائی کے حوالے سے بھی رپورٹ پیش کرے گا۔ مقدمے کی سماعت 45 دن کیلئے ملتوی کردی گئی ہے۔

 

[عسکری]

دیکھتے ہیں جی کیا نتیجہ نکلتا ہے تحقیق کا ۔

 

[نایاب]

پیوستہ رہ شجر سے امید بہار رکھ ۔۔۔۔۔۔۔۔۔۔۔

 

[شمشاد]

ایس ایس پی اسلام آباد طاہر عالم نے لال مسجد کے حوالے سے عدالت میں رپورٹ پیش کرتے ہوئے بتایا کہ لال مسجد سے کسی خاتون کی لاش نہیں ملی۔

لو جی رپورٹ بھی سامنے آ گئی۔

اب اس بات میں ہنسوں یا آنسو بہاؤں۔

بلے بھئی بلے طاہر عالم۔ کتنی جلدی تم نے تحقیقات بھی مکمل کر لیں۔

 

[قیصرانی]

لو جی رپورٹ بھی سامنے آ گئی۔

اب اس بات میں ہنسوں یا آنسو بہاؤں۔

بلے بھئی بلے طاہر عالم۔ کتنی جلدی تم نے تحقیقات بھی مکمل کر لیں۔

ہنس لیں۔ رونے کے لئے اوربھی بہت مقامات آئیں گے اس دھاگے پر

 

[قیصرانی]

پاکستان کی عدالتِ عظمیٰ نے سانحہ لال مسجد کے حقائق جاننے کیلئے وفاقی شرعی عدالت کے سینئر جج شہزاد الشیخ پر مشتمل یک رکنی عدالتی کمیشن تشکیل دیدیا ہے۔ چیف جسٹس افتخار محمد چوہدری کی سربراہی میں تین رکنی بنچ نے لال مسجد آپریشن کے دوران لاپتہ ہونے والے 103 افراد کے لواحقین کی جانب سے دائر درخواست کی سماعت کی۔ دورانِ سماعت چیف جسٹس نے ریمارکس میں کہا کہ تحقیقاتی ادارے ثابت نہیں کرسکے کہ مقتولین دہشت گرد تھے۔ ایس ایس پی اسلام آباد طاہر عالم نے لال مسجد کے حوالے سے عدالت میں رپورٹ پیش کرتے ہوئے بتایا کہ لال مسجد سے کسی خاتون کی لاش نہیں ملی۔ چیف جسٹس نے کہا کہ رپورٹ درست نہیں کیونکہ جاں بحق ہونے والوں میں معصوم بچیاں بھی شامل تھیں۔
عدالتی کمیشن کو 45 دن کے اندر رپورٹ پیش کرنے کی ہدایت کی گئی ہے۔ عدالتی کمیشن سانحہ لال مسجد کے اسباب کی چھان بین کرنے کے ساتھ ساتھ مذکورہ سانحے میں جاں بحق ہونے والے افراد کی صحیح تعداد کے حوالے سے بھی حقائق اکٹھے کرے گا۔ کمیشن جاں بحق افراد کے لواحقین کو ریاست کی جانب سے ملنے والے معاوضے کی ادائیگی، لاشوں کی شناخت کر کے لواحقین کے حوالے کرنے، سانحہ کے ذمہ داروں کے تعین اور ان کے خلاف کی جانے والی کسی بھی کارروائی کے حوالے سے بھی رپورٹ پیش کرے گا۔ مقدمے کی سماعت 45 دن کیلئے ملتوی کردی گئی ہے۔

مفت میں کمیشن کا خرچہ بڑھ گیا ہے۔ حالانکہ چیف جسٹس کو ساری باتیں تو پہلے سے ہی معلوم ہیں

 

[شمشاد]

بھلے سے معلوم ہوں لیکن کاغذی کاروائی بھی تو کرنی ہے ناں جی۔

 

[عثمان]

دورانِ سماعت چیف جسٹس نے ریمارکس میں کہا کہ تحقیقاتی ادارے ثابت نہیں کرسکے کہ مقتولین دہشت گرد تھے۔

ہاں جی ، پاک فوج کے بتیس جوان تو کچھ آسمانی فرشتے آ کر شب برات کے پٹاخوں سے شہید کر گئے تھے۔

 

[ساجد]

لو جی رپورٹ بھی سامنے آ گئی۔

اب اس بات میں ہنسوں یا آنسو بہاؤں۔

بلے بھئی بلے طاہر عالم۔ کتنی جلدی تم نے تحقیقات بھی مکمل کر لیں۔

عالم ، عالم ہوتا ہے شمشاد بھائی ۔

 

[شمشاد]

عالم ، عالم ہوتا ہے شمشاد بھائی ۔

یہ تو مجھے اسلم رئیسانی کا بیان لگتا ہے۔

 

[ساجد]

یہ تو مجھے اسلم رئیسانی کا بیان لگتا ہے۔

لیکن یہاں معاملہ کچھ اور ہے یعنی عالم ، عالم ہوتا ہے ایک برقع پہن کر بھاگے یا دوسرا راتوں رات رپورٹ مکمل کر دے۔ عوام کی جان دونوں صورتوں میں ارزاں ہی سمجھی جائے گی

 

[arifkarim]

وہ برقعے والے مُلا پر تحقیق بھی کریں کہ وہ مسلمان ہی تھا نا؟!

 

[عبدالرزاق قادری]

دیکھتے ہیں جی کیا نتیجہ نکلتا ہے تحقیق کا ۔​

 

[محب علوی]

ہاں جی ، پاک فوج کے بتیس جوان تو کچھ آسمانی فرشتے آ کر شب برات کے پٹاخوں سے شہید کر گئے تھے۔

بتیس کا عدد آپ نے کہاں سے لیا ہے ؟

 

[محب علوی]

پاکستان کی تاریخ میں درندگی اور سفاکی کا بدترین مظاہرہ تھا جس میں سیکڑوں معصوم بچے اور عورتیں شہید ہوئیں اور اس کے بعد ایک شدید رد عمل کے طور پر اب تک خود کش حملوں کے لیے ایک مثالی سانحہ پیدا کر دیا گیا۔

مشرف نے چیف جسٹس کو ہٹانے کے لیے اور اپنی وردی کے خلاف ہونے والے فیصلے سے توجہ ہٹانے کے لیے جس ظلم کا مظاہرہ کیا تھا ، وہ کرنے کے بعد بھی نہیں بچ سکا۔

 

[محمود احمد غزنوی]

آج تک ان سینکڑوں بچوں اور عورتوں کے نام اور کوائف کیوں نہیں فراہم کئے جاسکے لال مسجد کی انتظامیہ کی طرف سے؟

 

[عثمان]

بتیس کا عدد آپ نے کہاں سے لیا ہے ؟

سبحان اللہ!
سارا واقعہ ٹی وی اور ذرائع ابلاغ پر لائیو نشر ہوچکا ہے۔

 

[ظفری]

اس موضوع پر ایک طویل بحث کی جاچکی ہے ۔ محب علوی ربط فراہم کرسکتے ہیں ۔
جہاں تک تحقیق کی بات ہے تو ۔۔۔۔۔۔ قائدِ اعظم کو حبسِ بیجا میں رکھنے ، لیاقت علی خاں کے قتل ، سقوطِ ڈھاکہ اور پھر بینظیر کے قتل جیسے واقعات تک ایک لمبی تحقیق درکار ہے ۔ اور پھر کون جیتا ہے تری زلف کے سر ہونے تک ۔۔۔۔۔ !

 

[محب علوی]

تحقیق اگر کسی چیز کی پہلے نہیں ہوئی تو وہ غلط تھی اور پچھلا غلط موجودہ غلط کو درست نہیں کر دے گا۔

دوسرا یہ تازہ واقعہ ہے بینظیر کے قتل کی طرح اور ان کی تحقیق ابھی ممکن ہے ، چند اور سال گزر جانے پر یہ بھی فائلوں کی نظر ہو جائے گی۔

 

[عسکری]

ہاں جی ، پاک فوج کے بتیس جوان تو کچھ آسمانی فرشتے آ کر شب برات کے پٹاخوں سے شہید کر گئے تھے۔

33 زخمی ہوئے تھے بھائی جی 11 شہید ہوئے تھے ۔ جس میں سے ایس ایس جی کے 9 کمانڈوز شامل تھے